اللي تبي تسوق بضاعتها بشكل صحيح تتفضل تدخل

السلام عليكم ورحمة الله وبركاته،،،



بصراحة انا ما عندي بضاعة ولا عندي شي حاليا ابي اسوقه، بس حبيت نناقش موضوع طرق التسويق الصحيح وكل ما يتعلق فيه لين التوصيل عشان كل التاجرات على المنتدى يستفيدون.


يعني مثلا :
- ان تكتبين موضوع يديد وترفقين فيه صور البضاعة اذا توافرت واي تفاصيل عنها : الوانها - بلد المنشأ - سعرها وهكذا.


- ترفقين مواضيعك المهمة في توقيعك وهذا اعلان غير مباشر عن بضاعتك في اقسام مختلفة داخل المنتدى.


- بالنسبة للتوصيل :

وهو نوعين:

1- مجاني: وفي هذي الحالة انصحك ان يكون فقط للبضاعة اللي تكون اسعارها قليلة او متوسطة يعني مثلا اقل من 10 دنانير ، او ان يكون للمناطق القريبة فقط.

2- الدفع مقابل خدمة التوصيل: اذا كانت بضاعتج تستاهل او للمناطق البعيدة.


ونصيحة لكم دااااااائما اعملوا الآتي: بعطيكم مثال عشان يكون موضح اكثر: عندي ساعة ابي ابيعها وبسعرها بقيمة تغطي تكلفتها الاصلية بالاضافة لاي مصاريف توصيل لين وصلتج لبلدك وخل نقول سعرتها (35) دينار، اذا تفكيرج صح قبل لا تعرضينها بهذا السعر ضيفي عليها قيمة التوصيل لمنزل العميل وافترضي دائما ان المطقة بعيدة وبعدها سعري ومثلا سويها (38) دينار وبيكون هذا سعر العرض النهائي وقولي باعلانج للعميل ان التوصيل مجاني.


- وعندكم هالفترة الكل يعرض على الفيس بوك.


- من ايميلج الشخصي كتبي رسالة تسويقية حلوة مع كم صورة للبضاعة وارفقي معاها رابط الموضوع الاصلي من المنتدى ودزيها لكل اصدقائك، واكيد كل وحدة منهم بدزه لكل اللي عندها.


- استغلال المعارض المختلفة بالمواسم الصحيحة يعني مثلا قبل الاعياد وفي رمضان وانتي وشطارتج، ونصيحة صغيرة من اختكم دوروا على المعارض اللي تسويها اللجان الخيرية لان الاشتراك فيها رمزي حيييييييييييل والبيع فيها مضمون.



والحين .... اللي عندها افكار غير اللي انذكرت وحابة تشاركنا فيها تكون الساعة المباركة.​

lما شاء الله عليك أفكارك حلوة و مفيدة الصراحة
أنا ودي الصراحة اشارك فمعرض مو ببضاعتي الحالية بس عندي مواهب و اعمال يدوية تانية بس غلاء أسعار المعارض محبطتني :thumbs_down:
وين هاللجان الخيرية تعرفين ؟
و بالنسبة للفيس بوك فكرة حلوة الصراحة يعطيك ألف عافية و ان شاء الله البنات يفيدونا أنا توني بادية فهالتجربة اتمنى الله يوفقني و يوفق الجميع يا رب

مشكووووورة وايد هذا من ذوقك

وان شاء الله ربنا يوفقنا كلنا، وبالنسبة للجان الخيرية تقدرين تحصلين ارقامهم من البدالة التجارية (1808080) او من دليل الصفحات الصفراء اذا متوفر عندك تتصلين عليهم وتحطين رقمك عندهم وبس ينظمون معارض يخبرونك باتصال او بسمج على تلفونج​

ما شاء الله عقلية تجيد التسلسل في عرض الأفكار . . .

أفكارج رائعة . . .

وموفقة خير دوووم . . .

تسلمين حبيبتي وشرفني مرورج على الموضوع​

وينكم يا بنات؟؟؟ ما عندكم أفكار جديدة؟؟​

يسلمووووو حبيبتي وموفقه أنشاااالله ......​

حياج حبيبتي رنـــــومــــه ...

الله يوفقنا أجمعين ما قصرتي يا عسولة​

فكرة جديدة ....

اخبار الاهل والمعارف الذين بدورهم سوف يقومون باخبار كل من يعرفونهم ويسونلج دعاية مجانية​

يعطييييييييييييييييج العاافيه فديتج

الغالية فقيدت أبووهاا ...


الله يعافيج حبيبتي ونورتيني بمرورج​

مشكووووووووووووووووووووووووووورة

لا شكر على واجب حبيبتي بشورة

أهم شي ان الافكار تكون مفيدة لخواتي العضوات والتاجرات​

وين افكاركم الحلوة يا تاجرات؟؟؟​

فكرة جديــدة ....


ارسال مسج بمعلومات مختصرة عن بضاعتج لكل معارفك واصدقائك ومرفق فيها رقم التلفون (عشان لو احد حب يسوي اعادة ارسال للمسج)​

يعطيج العافيه

الله يعافي قلبج يا الغالية​

موضوعج روووعة
قي ميزان حسناتج ان شاء الله ,,

مشكووورة حبيبتي أخجلتم تواضعنا ... شرفتيني بمرورج يا بنت العين​

موفقة انشالله