اللي تلقى ملفي القديم بمستشفي الرازي اعطيها اللي تبي

مرحبا يابنات انا حبيت اقولكم سالفتي لما كنت صغيرة تقول امي طحت من عربانة الاطفال وبعدها تسخنت ما لكم بالطويلة لما مشيت قمت امشي على اطراف اصابعي ورقبتي منعوجة يعنى مايلة فسولي عمليتين وانا في سن الخمسة وحدة في رقبتي ناحية اليسار وممتدة لي تحت اذني بنفس الصوب والثانية في رجلي اليسار المهم هالحجي قديم وانا مسويتهم بمستشفي الرازي بس مو لاقيه ملفي محتاجته ضروري لان الكل يسالنى لما اراجع شنو طبيعة العملية اللي مسويتها لانى ما خليت طبيب ما راجعته يقولون ما فيج شي اعصاب وعظام وآخرتها هرمونات كل هالمراجعات لاني ما قادرة اقعد شد وتوتر وفزة يعنى تنقز بروحها والم في نفس المنطقة اللي هي اليسار والله يابنات انى حيل تعبانه منها والله الشاهد غير التعب النفسي لما تفزين جدام احد ويسالج شفيج اخر دكتور زرته حق الهرمونات شاف تحاليلي وقال ماادرى شقولج بس عندج نقص فيتامين د وما يسبب اللي تقولينه بس خذيت حبوب الفيتامين مع الكالسيوم والحين انا كل يوم اطلع بفكرة يمكن تخلصني من اللي انا فيه ماادرى اروح علاج صيني ولا اروح عند وحده مره تكويني والله تعبت اللي تعرف احد بمستشفي الرازي توفرلي ملفي القديم لاني سالت من قبل وقالوا مو موجود احس ما لهم خلق يدورون تكفون ساعدوني

الله يشفيك ياااااااااااااااارب



ان شاء الله البنات يفيدونك


ماعندي فكرة

ان شاء الله البنات يفيدونج

تبين رايي روحي عالجي برة الكويت الدكاترة هني كلش انا بعد عندي اعراض غريبة كل دكتور يعطيني علاج من غير ما يعرف السبب والله رحت احسن دكاترة بالسيف والمواساة والهادي واخر واحد قالي الاذن الداخلية ولي قبله اكتئاب ما بعد الولادة

وللحين ما ادري شالسالفة ناطرةانشاء الله الصيف واسافر ادور لي دكتور شاطر

تسلمون على الردود بس انا الصيف اللي طاف رحت امريكا ودخلت على دكتور اعصاب وطلب مني رنين مغناطيسي ومجموعة تحاليل الحمدالله ما فيها شي وحولنى على دكتور عظام عشان يشوف العملية وانا مو عارفه طبيعتها فقال يمكن شد للوتر وعطاني جم تمرين بس ما استفدت حيل المنطقة اليسرى كل شادة وتفز احس بشي شاد ماادرى عضلة ولا اربطة والله ماادرى فكرت الحين اروح معهد الشفاء الصيني يمكن ريحوني انتو شرايكم احد مجربه وارد واقول اللي تعرف احد بالرازي على الملفات تراسلنى على الخاص وتسسسسسسسسسلمون

ووووووووووين ردودكم يابنات والله محتاجه لكم

اسأل الله العظيم رب العرش العظيم ان يشفيك

اللهم آآآآآآآآآآآآآآآآآآآآآآآمين

اليوم رحت حق معهد الشفاء الصيني وشافت الرنين المغناطيسي وقالت منو يقول مافي مشكلة فيه مشكله بس اهي ما تعرفها وخلرعتني وتقول احنا ما نقدر نسولج شي قلتها الدكتور اللي في امريكا شافه وقال ماكو شي قالت شوفي غيره طبعا اهي تكلم صيني ويالله افهمها وقلت للسكرتيرة قوليلها شنو المشكلة قالت اهي مو عارفه بس راجعي دكتور مخ واعصاب والله قمت احاتي منو احسن دكتور تكفون ساعدوني

الله يشافيج ان شاءالله

و طمنينا عنج

حبيبتي اذا عندج رقم الملف يطلعؤنه الملفات ستحيل تنحذف اذا كنتي تراجعين دااايم بس اذا راجعتي مرة ؤبعدها لا هني ممكن ينحذف لانهم مايخزنؤن الملفات كلها لالا بس اللي يراجعؤن دااايم ؤعسى الله يشافيج ؤطمنينا يالغاليه

ربي يشافيج يالغاليه
اشصار عليج؟
على فكره ترى الطب الصيني وايد زين ويكتشفون عن طريقه وايد اشياء ماتبين بالطب العادي

ليش ماتروحين تايلند في مستشفى وايد زين بس والله مو عارفه اسمه اتاكد لج من اسمه ولي رجعه ثانيه

لايلعبون عليك اللي قالوا عندك شئ لان اللي رحتي لهم في امريكا افضل واصدق واللي قالوا فيك شئ يبغون يتربحون على حسا بك والله يشافيك اقري على نفسك الرقية الشرعية كل يوم وادهنيها بزيت زيتون اقري فيه انتي بيكون افضل