مرحبا بنات صارلي 10 أيام من ولدت قيصرية والحمدالله انا بخير بس أحس بألم خفيف صوب اليسار منو تقدر تفيدني ببرنامج خفيف للنفاس وشنو الممنوعات والنصايح اللي تفيد للجرح.. وعندي مشكله بالرضاعه.. كل ما أرضع اتقطع من الألم مع أني قاعده أستخدم كريم من مذركير للصدر وهم المستشفى عطوني كريم بس ماكو فايده الأحلمه ألتهبت وتتسلخ ونزل منها دم فموقادره أرضع أخاف لا يلتهب حلج البيبي مع أني أنظف صدري بماي دافي وأحط غطاء الصدر.. وربي يرزق الكل الذريه الصالحه ويهدي عيالنا وريايلنا كلنا وقالي الدكتور لاتفكرين بالإنجاب لمدة سنتين :confused_smile: صدمني . وأشكر الكل على المرور :rose:
انا مثلك بس استحملت الالم وشرية الشفاطه وصرت احط لبنتي الحليب في الرضاعه اوقات واوقات اعطيها من صدير والدكتوره تقول الالم والاتهاب مع الدم عادي وطبيعي خصوصا في الاربعين
سبحان الله اصلا الالام ترجع الرحم لوضعه يعني هذي الغدد وشغلات بجسمج تشتغل صح وهذي نعمه من الله وانا نفسج كان يطلع معاي دم لان بشرتي حسااااسه حيل واذكر اني مارضعت بنتي الا 15 يوم لاني خفت عليها مع انه غلط والصحيح ان تشفطين وتعطينها .. .................................. وعن الالم صوب اليسار طبيعي جدااااااااا يمكن انتي تنامين على جنبج وعسرتي نفسج والعمليه حافظي عليها من الالتهااب وعقميها دايم وبشكل يومي وهويها ولاتلبسين شي ضيق وانا عن نفسي كنت اعقمها بمعقم البنتادين من الصيدليه وانصحتني ام عبدالله جزاها الله الخير بالمره وطريقتها>> تنقيعين شويه منها بماي حار وتحطينها ببطل ماي صحه وكل ثلاث ايام او يومين تغيرينها لان موزين تطول لان المره تعفن<< فكنت اعقمها كل يوم اول مااقعد من النوم ومرات مرتين باليوم اذا حسيت اني عرقت بمعقم البنتادين وبعدها احط المره والحمدلله ماشفت لا التهاب ولا شي بس الالم والله استمر معاي لي بعدها بشهرين يعني لاتحاتين شي طبيعي بإذن الله بس انتي لاتشيلين شي ثقيل ولاتعسرين نفسج ولا تشدين على نفسج ................................. وعن برنامج النفاس عن نفسي دوياتي كانت حلبه وسويدا وحسوو يكون ريوقي الساعه 7 عصيده فيها حليه وسويدا والا حسوو وعداي عيش ولحم وياه حلبه وسويده والا مرقووقه فيها حلبه وسويدا والعشاا شوربا خضار ودجاج ويكون معاها دويات بعد الحلبه والسويدا .. والممنوعات >> اللبسي والوجبات السريعه والخربطه بين الوجبات << بس المغرب شاي وقهوه وتمره وشي خفيف .. ........................ وافضل لج بعد سنتين تحملين لانج عمليه على مايلتأم الجرح ارتاااحي اختي انا بين بجري والثاني سنتين ونص وبين الثاني والثالث اربع سنوات والحين ماافكر بالحمل الا ان شاء الله بعد اربع سنواات اهم شي عافيتج وصحتج واذا كاتب لج الذريه بتجيبينهم لاتستعجلين على رزقج حبوبه .. الدكتور قالج جذي عشان مصلحتج وعشان العمليه تلتأم صح بعد أذن الله ...................... تقبلي مرروي وان شاء الله اني فدتج ..
انا ولدت قيصري انصج لا تحطين عليها اي شي بس البتادين البخاخ والتعقيم وهويها لا تحطين مرة ولا خواجوا ترا يفتحها اختي جاها التهاب من المرة وطلع صديد من الجرررررررررح واذا على الحمل اهم شي تعدين السنه لان قبلها شوي خطر
سبحان الله بنت امير يمكن اختج عمليتها مفتوحه واهي حطت عليها وتلوثت يعني دشت داخل الفتحه بس المره ماعليها كلاااام تبعد الشمم وانه العمليه ماتلتهب يعني لاااازم المره لو تحطها على الاطرااف يعني من فوق الجرح ومن تحته والمره لااازم تتغير كل يومين مره لان موزين تطول تعفن << شي مهم مهم مهم
السلام عليكم اختي انا مثلج ولادتي قيصريه ومريت بالالم اللي تشكين منه بس التهاب الصدر ماصار لي لاني كنت على طول انظف وانشف الحلمه والعمليه اغسلها واعقمها بشرايط التعقيم والاكل اكلي كل شي مع الادويه طبعا لانج قيصريه مو طبيعي فلا تخافين بس ابتعدي عن المشروبات الغازيه وترى انا كنت اشفط الحليب مرات لاني احس ان ظهري بينكسر من الرضاعه الطبيعيه وووووشكراتمنياتي بالتوفيق
الف حمدلله على سلامتج اول شي وثاني شي العوار طبيعي بعد العمليه انا مسويه عمليه كانت تصير فيني نغزات خفيفه اخذي حبوب اسمهم ( اولفن ) واااايد زينين انا اخذت منهم بعد الولاده لان انا بعد قيصريه وسالفة الانجاب عادي مو مشكله انا بنتي عمرها سنه و8 شهور وانا الحين بالشهر الثامن على وشك ولاده اهمه يقولون لازم سنتين بس عشان الرحم يرتاح شوي يعني دكتوري انا يقولي حدج خمس عيال اتييبين وانا اعرف وحده عندها 7 ونفسه الدكتور قالي في وحده كانت تراجع عنده عندها الحين 8 عيال ماشاء الله عليها اهيه على حسب جسمج انتي يستحمل ولا لاء واحسن انج تصبرين شوي وبعدها اتحملين عشان يرتاح الرحم عندج واستخدمي دهان اسمه (ميبو) حق العمليه حطيه على الجرح نفسه وهم بعد حيلج بالمره ترى المره انا فادت جرحي ويبسته بسرعه وااايد زينه وسامحيني خيتو ما اعرف شي عن الرضاعه لان انا بنتي رضاعه صناعيه مو طبيعيه واتمنى اني اكون افدتج.
ياقلبي حمدالله على السلامه البنات مشالله ماقصروا بالرد بس اهم شي لاتاكلين عيش او شي في بهارات ديري بالج حتى بعد الاربعين عشان مايطلع لج كرش لانج والده قيصري وحاولي تمشين لمدة عشرين دقيقه عشان مايطلع لج كروشه بس موتركضين مشي خفيف وانا كنت بعد استخدم شفاطه الحليب بعد صدري والحلمه تجرحت الله يقومج بالسلامه ياقلبي ولاتنسين اللهوم والحسو مهمممممممممممممممممم ترجعين بنوته بشهر حتى الكرش ماكو
الحمد لله على سلامتج اختي آرجون آنه الحين لي عشرة ايام كم سويت العملية وكنت من اليوم الاول اسوي الي قالته لي اختي عسولة والحمد لله مرتاحة بس احس ان الجرح مازال يعورني ويشد على لكن ارحم من اول ايام العملية بالنسبه للرضاعة اذا كان ثدي ملتهب والآخر سليم فرضعي من السليم اما الالتهاب فيبي له تهوية وانج تحطيم علية شوي من حليبج وتخلينه يجف والافضل انج تشفطين منه ليما يطيب حتى ما يتحجر ويصير فيه انسداد وخراج بعدها لا قدر الله ممكن تصير عندج حرارة وحمى وهالشي خطر بفترة النفاس واذا تبين تتلافين هالالتهاب بالمستقبل لازم تخلين جزء كبير من الحلمة داخل فم الطفل اي الجزء الغامق من الثدي وليس الحلمة فقط الشي الثاني لما تيين بتطلعين الحلمة من فم طفلج لازم تزحزحينها شوي شوي مو تسحبينها حيل والافضل انج تحطين صبعج في طرف فم الطفل حتى يصير خلخلة هواء وينفتح فمه واا كنتي مضطرة لكريم فكريم ميبو جدا مفيد لكن لازم تغسلينه زين قبل الرضاعة
يارب وفق كل من ساعد وقال تجربته.. يارب تعطيها على قد نيتها وترزقها اللي بخاطرها.. أحمد ربي وأشكره على قومتي بالسلامه.. واللي تحس بألم بالصدر وحليبها مو قادره تسحبه من بعد ما أدفيه وتحاول تشطف.. تروح عيادة النساء على طول ولا تتبع إي نصايح.. بعد ماجربت كل شي رحت المستشفى وحولني على النساء وبعدها حولوني على المركز اللي تابع لمِنطقتي ودخلوني العمليات لأن حالتي كانت خطره وصار صديد وأنا ما أدري .. وبعد أسبوع من العمليه ردوني البيت حق عنونتي وألف الحمداللهخ على الصحه والعافيه.
حبيبتي البنات ما قصروا بالرد بس عندي ملاحظة الجرح لا تحطين عليه شئ الا بعد عشرة أيام أو لم يسكر على الرضاعة تحملي هي فترة بسيطة بس بعدين تروح لا تحاتين بس زيدي من مرات الرضاعة عشان ما يورم الصدر وتلتهب الحلمة مرة ثانية مع عمل كمادات حارة للصدر والتدليك مشكلتج كان المفروض تعملين مساج وتدليك بالكريم للصدر من الشهر الثامن على الاقل عشان ما تعانين من مشكلة الرضاعة فحطي بالج انت غير في بنات ما يعانون من هالمشكلة بس أنا بعد مثل حالتج الرضاعة بالنسبة لي جهاد والله عسى الله يؤاجرنا انشالله
