اللي ما تبي تنحف لا تدخل موضوعي

اللي ما تبي تنحف لا تدخل موضوعي



مساء الخير حبايبي ........
عدت اليكم بعد انقطاع من المشاركات لكن موجوده خلف الكواليس ......
ما باطول الحكي و الهدره بادخل في الموضوع على طول
بدون حلفان واقسام باليمين ......... راح تنزلين وزنك ... وتنعمين بالنحافة اللي تبينها ...
نظامي كالتالي :
1- القناعة اولا وقبل كل شيء ....
اقتنعي ان الكميات التي تتناولينها تكفي جسمك ليعيش وان عدد السعرات التي تحتاجينها مرتبطة بنوع نشاطك
بمعنى اخر الاكل للحاجه وليس للتخمه والشبع

2- كلما كان الاكل اللي قدامك طعمه حلو .... اعرفي انك وصلتي للخط الاحمر اللي لازم توقفين عنده وما تتجاوزينه .... وخلي قاعدتك دائما ملعقة فقط تكفيني يعني لوشفتي صينية حلى من اللي يحبها قلبك .... برمجي عقلك على طول ان ملعقة وحده تكفيني

3- كلي ثلاث وجبات متباعده واحرصي على ذلك .... لماذا ؟؟؟
لان عدوك الاول واللدود هو الجوع .... كلما وصلتي الى مرحلة الجوع كلما زادت لهفتك على الاكل ...
لكن العكس صحيح اذا اعطيتي المعده حاجتها كلما صغرت واكتفت بالكميات القليله وبكذا تصغر المعده ...حتى لو وسوستلك نفسك واكلتي زي ايام زمان ماراح تقدرين تكملين لانك راح تحسين بالشبع بسرعه ...

4- لا تفكرين تنزلين في شهر او شهرين او بعد الولاده على طول او كيلوات خياليه في الشهر ...
لا ابدا ماراح تنزلين بسرعه وهذا الافضل لان بكذا راح تضمنين عدم العودة الى الوزن السابق .... يعني حطي في بالك سنة كاملة لتحقيق الحلم وتكون بعد الولادة بـ 6 شهور على اقل تقدير .... هذا اذا كنتي تبغين تحافظين على هذا الوزن مدى الحياة ... والا اطلعي من الموضوع لان اللي باقي منه ما راح ينفعك ...

5- المشي ثم المشي ثم المشي .... اولا لشد الجسم ... ثانيا لزيادة حرق السعرات الجديده حتى لاتخزن ... ثالثا لحرق الدهون المتراكمة وهذا هو السر ...

6- احبي نفسك ولا تكرهينها .... ولاتجلسين تتحسرين على الموديلات والفساتين وطالعين في فلانه وعلانه ...
خلي في بالك انك تكسبين صحتك وتحافظين على اللي توصلينه مدى الحياة

7- يجب ثم يجب ثم يجب ... ان تعتبري هذا النظام ماشي معاك طول حياتك ... يعني خلاص ودعي الايام السابقة والعادات السيئة وابدئي حياة جديده تماما .... يعني عزايم حفلات مطاعم جمعات ...نظامك ما يتغير
والا اعرفي ان كل اللي راح تسوينه راح يضيع في شهر .... وكوني مقتنعه انه راح يكون هناك فترات راح تتعذبين فيها اللي نسميها احنا فترة النكسة اول ما توصلين او تقربين توصلين من الوزن اللي تبغينه تبدأ نفسك توسوس بالعودة للحياة السابقة ..في هذه الفترة كوني قوية وتمسكي بصحتك وباللي وصلتيله الى ان تعدي هذه الفترة

8- نجي للاكل : ( كلي دائما في صحن منفصل )
على الافطار : كلي من كل شيء بس بشرط ..... ما يعدي ملعقة طعام كبيره ويتكون من نوعين فقط ... يعني ملعقة تونه ... او مكعب حبنة على حجم علبة الكبريت ... ملعقة فول او عسل او قشطة ... مع ربع رغيف وكوب شاي خالي السكر ( ورجاءا البعد تماما عن المحليات الاخرى الخاليه من السعرات الحرارية لان لها مضار صحيه ) في البداية مراح تستسيغين الطعم المر للشاي بس بعد كم يوم راح يكون عادي جدا
لا تكررين الفطور كل يوم هو نفس المكونات ... كل يوم يكون شكل ... وبكذا راح تظمنين انه يكون مختلف السعرات الحرارية .... لان ثبات السعرات الحراريه يعني ثبات نسبة حرق السعرات ( هذي قاعده مهمة )

الغداء : 3 ملاعق فقط من النشويات ( الرز ... مكرونة ... الخ )
صحن سلطة كبير ... عاد تفنني في السلطة حطي اي شيء تحبينه ومو كبير يعني اكبر صحن في الدولاب عندك وتغصبين نفسك فيه لا بس نفس صحنك اللي راح تاكلين منه حطي زيه سلطة
ولا تنسين الخضراوات ( ايدامات ... محاشي ... الخ ) وما اشترط عليك طريقة طبخ معينه لا عادي كلي من الاكل اللي متعوده عليه بس بنسب مدروسة ... واختاري القليلة السعرات ( الجزر الكوسة الباذنجان الجرجير الخس وما ادراك ما الخس يشبع بشكل رهيب ) وابعدي شوي عن ( البطاطس ) ولو هفة نفسك عليه خذي حبه وحده بسسسسسسسسسسسسسس ...

وابعدي عن المشروبات الغازية تماما حتى الخالية من السعرات الحرارية .... ولو مرة وحده في الشهر مو مشكله ... وركزي على المشاوي

العشاء يكون قبل 9 مساء واعتبري نفسك صايمة من بعد 9 الى الصباح ... علشان تعطين الجسم فرصة يحرق السعرات اللي تناولها خلال اليوم
وخلي العشاء زي الفطور او ساندويتشات صغيره ... وكثري فيها الخضراوات الورقيه ... علشان تساعد على الهضم

بين الوجبات :
2 كوب صغير ( 150 مل ) من الحليب او اللبن قليل الدسم ( ركزي ) وممكن تضيفين الحليب على الشاي او على القهوة السوداء
8 اكواب من الماء خلال اليوم والليلة
نوع من الفاكهة او نوعين على الاكثر


10 - ابعدي عن السكر لانه هو السبب في تخزين الدهون وكلما زادت نسبته في الدم كلما زاد معدل تخزين الدهون

11- الوصفة السحرية هي : ترمس كبير من ( عصير حبة ليمونه كبيره او 3 صغيره ( ابوزهير ) مع ملعقة زنجبيل متوسطة مطحون او ما يوازيها من الطازج ... ) تحطينها في الترمس وتغلين موية وتصبينها عليها بدون ما ترفعينها على النار (يعني ما نغلي المكونات بس الموية ) وتشربينها طوال اليوم ...وقبل النوم لانها تهدي الاعصاب وتروقك قبل النوم وتساعدك على الراحه والاسترخاء ... ولا تقولين لي معدتي ... الزنجبيل اثبت انه علاج لكثير من امراض المعده ... لكن لو كان عندك قرحة او مرض في المعده فما افتيك في امرك ارجعي لطبيبك ... يمن الليمون يأثر
بس انا صارلي يوميا لمدة 4 شهور اشرب هذه الوصفة و الحمد لله ما جاني الا كل خير وعافيه

12- اذا تقدرين تسوين رياضة فيا سلام عليك كذا راح تضربين عصفورين بحجر واحد نحف وشد ... بس اذا ما تقدرين فهذا ما يعيني انك ماراح تنحفين ... فيه اساليب بسيطة تعطيك نفس المفعول ولو على فترات طويله
- المشي السريع ...تعودي دائما يكون مشيك سريع حتى لو المسافة قريبة او صغيره ( خليك حركة وسريعه دائما )
- شدي معدتك دائما ( جالسة واقفة نايمة ؟؟؟ هعهع هذي قويه .... اقصد قبل النوم ( ترقع ) وخصوصا عند المشي ... ارفعي راسك وشدي معدتك واركزي ظهرك وارجعي كتوفك وراء ... هذي المشية الصحيه وتراها تعطي ثقة في النفس مو طبيعيه
- حاولي تمشي على وراء ... خذيلك شوط على قدام و الشوط الثاني على وراء
- اطلعي وانزلي الدرج ولو كانت درجتين بشرط تكون القدم بالكامل على الدرج يعني مو تطلعين على اطراف الاصابع
- تنفسي بعمق دائما كلما دخل اكسجين كلما كان فيه حرق اكثر


13 - خلي الهدف قدامك :
يعني اشتري لبس معين بنطلون او بلوزة او فستان تنورة بس تكون على المقاس اللي تبغين توصلين له وخلي هدفك انك تلبسين هذا اللبس .... ( هذا ما يسمى في علم الطاقة بالرسائل الايجابيه ) سبحان الله الجسم يتفاعل ايجابيا مع هذه الرسائل ويتقمص الدور ويبدأ في النزول ... )

15 - خلي الوزن دائما كل شهرين .... علشان ما تثبطين من عزيمتك .... والافضل ما توزنين اصلا .... لان كل جهدك راح يبان عليك وعلى ملابسك ... اذا ما وصلتي لهذه المرحله اعرفي انك ماشيه في الطريق الخطأ ... يعني لا تفرحين بكيلوا او كيلوين نزلتيها ... انتي في سباق مع النفس وليس الوزن ...

16 - لا تهتمي بكلام الناس ... سواءا السلبي اللي راح يثبطك ... والايجابي اللي ينفخ راسك بزياده ويخليك تتكيسلين وتضعفين .... دائما رددي .... باقي ما انتهيت ... انا باقي ما وصلت الهدف ...
هدفك طبعا زي ما قولنا ( نظام غذائي سليم ... ) وليس وزن معين

وفي النهاية .... اتمنى تقرأين هذا الموضوع مرة ومرت

قواج علي المعلومات
بسي منو يلتزم فيهااا
بالاسبوع
نبي ننزل ع الاقل بحدود ال 8 او شي كيلو

هلا اختي . . .

خوووش تعليمات ،حاليا اشرب عصير ليمون خلف كل وجبة . . .

يهضم ويساعد المعدة . . .

خووووش معلومات ابدعتي وعلا قولتج نظام حياة مو شي مؤقت

جزاج الله خير

يعطيــــــــــــــج العــــــــــافية

وإنشاء الله في ميزان حسناتج

الله يعطيج العافيه ع المعلووومات الحلووووووووه والقيمه
صج والله يبيلى دايت

قواش الله ياحياتي انا الحين ماشيه على كلامش وتحمست زياده

الله يعطيج العافيه يالغاليه

يعطيج العافيه علا هالمعلومات

يعطيك العافية على المعلومات ما قصرتي