اللي مجربه دايت سنتر تفيدنا....

السلام عليكم يااحلى بنات وحريم ,,,,,
منو فيكم جربت رجيم دايت سنتر والله ودي اجربه هو صج غالي بالشهر على مااضن ميتين دينار بس يجيب نتيجه بإذن الله... :wink_smile:
لاني شفت وحده بالصالون قبل جم يوم جسمها يجنن شوي والا تروح تستلم وجبتها الا مكتوب عليها دايت سنتر اسألتها اختي ليش تاكلينها قالت تدرين ان وزني كان قبل ثلاث شهور فوق الميه والحين وصل 65 وبنزل الخمسه وانا اخذت رقمه بس مايردون علي عاد حابه اسأل اي وحده تعرف رقمهم ويردون منه اكون شاكره لها ويابحذا اذا وحده مجربته تقولنا عن تجربتها وشنو نوعية الاكل لايكون نفس اكل المستشفيات..:teeth_smile:
بنات اتمنى تتفاعلون مع موضوعي,,,,,:red_smile::rose:

حبيبتي انا مجربه دايت سنتر مع اني مو متينه انا طولي 160 ووزني57 بس عندي كريشه بعد الولاده وقمت اخذ اكلي من دايت سنتر مو مشتركه بس كل يوم اروح اخذ حق ثلاث ايام واحطهم بالثلاجه واذا بغيت اكل المايكروييف ما يقول لا
لأن وايد غالي اشتراكهم وحرام مو كل يوم راح تاكلينه لأن ساعات الوحده تنعزم او تزور او تكون مريضه مو مشتهيه الاكل
لا تاخذيت ريوق تريقي بالبيت تفاحه او حليب واخذي غدا سنع من دايت سنتر والعشا اخذي سندويتش لأن سندويتشاتهم رخيصه وايد يعني حق الثلاث ايام غدا وعشا بكلفج بحدود 10 دنانير انا قايلت لهم مابي انزل بالوزن بس ابيه وزني يثبت ويخف كرشي يعني مابي عيوش ولا دايت بيبسي بس ابي اكل صحي
وعلى فكره بنت عمي كان وزنها 100 وضلت على دايت سنتر شهرين والحين وزنها 65 بس هي مشتركه

نبي تجاربكم بنااات . . .لاهنتواااا

خل نستفيد . . .

مشكورة اختي محامية كويتية

مشكووووووره اختي محاميه على مرورج واذا تعرفين رقمهم والا عنوانهم ياليت تدزينه لي لاهنتي لاني اخذته من البداله وماكو فايده مايردوون..وشاااكره لج عزيزتي :rose:
واختي ام عبدالله مشكوره على مرورج...:rose:
الهمه الهمه يابنات نبي مساعدتكم...:wink_smile:

لا اله الا الله محمد رسوول الله عليه الصلاة والسلام

حبيبتي انا رفيجتي كانت مشتركه فيه واتقول انزلت عليه, انا اشتركت في لينا ودينا ماستفدت فيه الصراحه بس اكلهم عجيب بس شنو الفايده اذا مانزل وزني الا 4 كيلوات في الشهر الصراحه حرام

انا اقولج اشتري منهما بس لا تشتركين وعندج هم مطعم مال ريجيم اسمه هيلث ستوب ورقمه:1839090
وموفقه انشالله

هلا والله ..


والله عندنا اثنين من الاهل كانو مشتركين فيه ونزلو عليه عدل
بس قالو ان اول فترة شوي الاكل صعب على ماتتعودين عليه بعدين يصير عادي وتتحمسين لما تشوفين وزنج نازل

بس ماكملو وايد لأن مكلف صراحة . .
يعني بالشهر بحدود ال150،،،وطبعا شهر واحد مايكفي

بس انا انصح فيه صراحة،،يعود الجسم ع الاكل الصحي والكميات القليلة

انشاالله عقب الولادة بجربه

يسلمووووووو على مروركم عزيزاتي وعلى نصايحكم عواشه الاموره ونيمو.. وكل من رد علي وشاركني..
والله قالولي بعد عن دايت كلير بعد انه احلى منه وله فوائد اذا يجيب فايده ماعلينا من التكاليف فلوسنا رايحه على الخرابيط والملابس والجناط نقطه على شي استفيد منه ابرك لي بس المشكله ادق عليهم مايردون ورفيجتي تقولي بجيب لج رقم دايت كلير تقول احسن ورفيجتها مجربته ونزلت عليه صح واذا تعاملت وياهم وجاب وياي نتيجه قلت لكم شنو صار وياي بالتفصيل ..

لا اله الا الله محمد رسول الله

انا جربته والله يساعد و اكلهم زين تتعودين عليه... اشتراكهم الشهري غالي بـ 200 دينار يشمل الوجبات الثلاث مع 2 سناك باليوم بالاضافة لمتابعة من متخصصة تغذية لكل اسبوع مره ... و انا انصحج جربي عندهم اشتراك ثاني اسمه excutive meal وهي عبارة عن وجبه واحدة باليوم (وجبة غدا) تشمل على سلطه+طبق رئيسي+حلو و سعرها 3.500 للوجبه.. يعني تكلف 3.500*30= 105 KD... انا مشتركه فيها الصبح اكل تفاحه او ربع خبزه مع جبن او كورن فلكس special K مع حليب خالي الدسم و العشا بالنسبه لي شااااااااي مع حليب لايت ابوقوس ورقمهم : 22253185 اذا ماردوا عليج هذا اكستنشن 8185

انشالله يكون ردي نافع وبالتوفيييييييييييييق