السلام عليكم يا خواتي انا ولدي ناقص عن اولى ابتدائي 5 ايام ورحت ابي اسجله مدرسة التمييز الباكستانيه الانجليزيه بالجليب استقبلوا ولدي بولى ابتدائي ورحت مدرسه اكسفورد الباكستانيه الانجليزي رفضوا يدخلون ولدي اولى قالو يدخلونه ثاني روضه اخواتي بالله مني جربت مدرسة التمييز الباكستانيه وش تنصحوني ادخله ولا لا المشكله انه مدرسة اكسفورد قالولي انه الحكومي او اي مدرسه خاصه ثانيه راح تنزله سنه والمشكله انه ولدي كل اللي كبره راييحين اولى وهو ماشاء الله شكله كبير
والله المدرسه اللي بالجليب دخلت ولدي فيها انهبل ما يبيها وللاسف مره طليت من الدريشه شفت المدرسه رفست ولدي عشان يقعد ومن غبائي سكت عشان لا تطقه اكثر لو درت اني اشتكيت عليها وشنو استفدت؟ ابي ادخله روضه حكوميه صارت فيه حاله نفسيه ما يحب الطاري
والله المدرسه الباكستانيه اللي بالجليب اختي مدخله ولدهاا فيهااا ماشاء الله تمدح فيها وبالمدرسات 000 والمدرسه اللي رفست ولدج شسمهاا وباي مكان اللي بالجليب؟ حسبي الله عليهاا الخايسه000
شوفي اختي انا اختي الصغيره سجلتها بمدرسة باكستانيه بس بالمنطقه العاشره الصراحه ممتازه وايد واختي تتكلم انجليزي احسن مني لدرجه اذا كلعنا وماعرفنا نتكلم اناديها تقوله ان احنا نبي هالشي من اوللى روضه مدخلينها والحين اولى متوسط فنصيحه دخليه مدرسة باكستانيه والله راح ترتاحين بالابتدائي واليوم زمنا يبي الانجليزي حتى بالوظايف ومشكور ادري طولت عليج
يعطيكن العافيه يا حبيباتي بس المدرسه الباكستانيه لها اسماء كثيره انا ابي اسالكن عن مدرسة التمييز الباكستانيه او اكسفورد الباكستانيه
انا اختي مدخلها ولدهاا التميز الباكستانيه اللي بالجليب والله تقول تهبل والمدرسات مع كل طالب يساعدونه ومايطلعون الا والطالب فاهم واختي الثانيه مدخله عيالهاا بس فتره الروضه يعني تاسيس وبالابتدائي دخلتهم المدارس الحكومه000
والله يا بنات مدرسة التميز واااااااااااااااايد زينه وقويه انا عيالي فيها والابلات ما شاء الله عليهم ممتازين وفيها نظام ونظافه وانا ولدي نفس مشكلة ولدج الحين اولى ابتدائي وشكله كبير بس ما بيدنا شي هذا قانون من الوزارة
