السلام عليكم ورحمة الله وبركاته بنات نبا نتعاون اليوم ونشوف تجاربكم ونفيد بعضنا لبعض الموضوع زي ماهوا مهم ليا اتوقع انو مهم ليكم كلنا سمع عن المستشفى الجديد المركز الطبي الدولي او المعروف بالفتيحي بجده طبعا عشان المستشفى جديد سويت ابحاث عشان اعرف عن الدكانره والخدمات والممرضات ووووو وكلو يمدح ماشالله في المستشفى بس مافي تجارب كتير وبصراحه اكيد كل اللي يسمه عنو نفسو يولد فيه لانو خدمه وغرف وووكلو 5 نجوم بشهادة الجميع وانا اولهم فابغا منكم يابنوتات ياحوامل او اللي عندهم مشاكل مع الحمل وتاخره كل وحده تكتب تجربتها مع هدا المستشفى بس يعني اللي ولدت فيه اللي حامل اللي بتراجع عندهم طبعا كلو الموضوع عن النسا والولاده يعني ياريت اللي يكتبو تجاربهم يكتبو في حدود قسم النساء والولاده وبالتفصيل واهم شي نبا نعرف الدكاتره كيف ومين احسن بسم الله الرحمن الرحيم ابدء بنفسي انا براجع عند الدكتوره هيفاء يونس عشان اعرف سبب الاجهاض عندي وصراحه الدكتوره اكتر من رائعه الى الان... قعدت تشرحلي اسباب الاجهاض بورقه وقلم وتسويلي خطوط واسهم عشان افهم وبعد ماخلصت قالتلي اذا عندك اي سؤال اسالي واعطتني رقم جوالها واهم شي انها طول الوقت مبتسمه وتذكر الله بين كل كلمه والتانيه ومررررررره ترتاحيلها حتى انا موعد نتايج التحاليل بعد اسبوع وانا من ينبع وفي نفس الموعد عندي اختبار فارسلتلها رساله قالتلي تعالي بكره يعني ماتطنش وسوتلي تنظيف للرحم ولله يابنات وانا داخله غرفة العمليات وابكي وهيا تمسح على راسي وتصبرني وتمسحلي دموعي وتواسيني صراحه انا مررره مرتاحتلها وابا اكمل معاها والغرفه اللي نمت فيها روعه واكلهم شييييي خطييير والممرضات كانهم يعرفونيok26 يضحكولي ويمسدو عليا والغرف نظيييفه صراحه شي راااااااااااااااااااقي وقبل العمليه تروحي عند دكتور التخدير ويسالك ازا تبي بنج كامل ولا لأ ويقلك على المخاطر اللي لاسمح الله يمكن تجي يعني تدخلي العمليه وانتي مرتاحه عارفه كل شي بس لسع ماجربتها في ولاده فياريت اللي عندها تجارب مع المستشفى تقلنا ولاتبخل علينا يالله نستنا تجاربكمok26ok26
