الموضه اللي هابين فيها الحريم هاليوميين

تعالي يا حلوه





















بنات شرايكم نتكلم عن الهبه اللي هابين فيها الحريم هاليوميين
شنو الموضه وشنو اوان الموضه
وشنو الدارج الحين



اللي اشوفه الحين الهبه الاوان الفاتحه والفسفوريه
بصراحه احسه مو ستايلي ما احب الفسفوري


واللي اشوفه خلو الشوارفسكي وهبو في التطريز كل ما اروح مكان اشوف ملافع تطريز عبي تطريز
دراريع تطريز


وطاحو في الصندل اللي يكون لون الكعب شفاف
وجنط ال في الجديده والله كرهت هالماركه لاني ما اروح مكان الى 600 الف وحده لابسه حنط ال في هههههههههههههه
يا الله قولو وتجاوبو معاي وراح اقولكم شنو عندي

شدعووووووووووووه وين الردود

اي واللهـ صــاااجهـ كـل شي فسفووري ...<<< وانـاا عن نفسي احب الالوان الصاارخهـ بس اذااا كـاان في تنـاااسق بين الالووان الصاارخهـ والالووان العااديهـ وبالنسبهـ للكعـووبهـ انـااا عن نفسي احب الكعب العاادي موو شرط اتقيد بشكـل وااحد لان كـل بنت واستااايلهـا وبالنسبهـ للـ lv هذي المـااركهـ مـاا احبهـاا والسبب ان كـل شي فيهاا مقلد يعني مـااتعرفين اتفرقين بين الاصليهـ والتقليد فمستحيل اشتري هالمـاااركهـ ... وبالنسبهـ للعبي والملافع مـااا احب الملاافع اووو العبي اللي تكووت من صووب فيهـااا تطريز اوو حتى اشوااارفسكي ولا احب العباايهـ اللي من ورااااا صووب الضهـر فيهـاااا حـركـاااات احس نفسي هيلقيهـ لان ذااكـ اليووم اشووف بنـااات 2 يتمشوون وكـلهـ ظهرهم وادينهم ومن تحت على صووب وملافعهم كلهم شووارفسكـي <<<< منظهـرهم مـااعجبني <<< ادري اندمجت واايد بس احب الاستاايل النـاااعم مـاا احب الخبهـ

وتقبلي مـرووري

يسلمو داهيه على الرد وفعلا كلامج صحيح انا ما حبيت ال ال في والسبه الكل هب فيهاااا
والعبايه ما احبها حيل خبه بس احب ستايل العبي الملكيه


وبني نشوف باقي الردود

مشكوورة انا عن نفسي ماحب هبة بنات اليوم التفخه اللي حاطينها و الملفع المرتفع و اللمعه اللي مالها داعي و اكثر شي لمن يلبسوون السترج يطلع شكلهاا ××× الله لا يبلانا ,

و عن ستايلي انا توني بنت صغرة عمري 15 سنة ,, مالبست حجاب , احب البس النفنوف و احب تكون ملابس ماركة شويه بس اكثر ملابسي تكون من الافنيوز و لاند مارك و الخ !

و ماحب احط مكياج بصراحه يخرب البشرة اللهم الlip gloss وردي او احمر ,,


مشكووورة ع الموضوع حيل حلو و اي شي جديد ان شاء الله بكتبه ^^

فديتج دلع حلو ستايلج ذكرتيني بيام المراهقه يا حلوج
ويا الل ان تذكرتي شي خبرينااا
وناطرين باجي البنات

نااطرهـ اشووف استاايل بـاجـي البنـاات ويـااحـلوو دلع استاايلههـاااا كيووت يلبق على وحدهـ تووهـااا مراهقهـ تسلميلي ونـااااااطرهـ الردوود

انا ما احب العبايات الي فيها شوارفسكي وايد ومااحب المكياج الاوفر
انا كل شي احبه هادي ناعم بكل شي فديتج يا دلع زكرتني بايام المراهقه يا حلو ايام المراهقه

يسلمووووووو على ردودكم

اببببببببببببببببببببببببببب

هلا أختي

الموضة الألوان الفسفورية والصارخة للبنات والتنيجر بس
أما النساء الكبار فالموضة هي البنفسجي والفلات المشبك أو الكعب يعني مافي شي محدد لكن انتي وابتكاراتج تسوين لنفسج موضة عن نفسي ما احب أحدد ملابسي بلون الموضة أو الموديل الدارج كل عمر وكل جسم وكل لون يناسبه شي معين

انا عن نفسي احب العبايه فيها بس تطريز علي الكم وماحب اطلع بالعبايه الشواروفسكي ... واحب المكياج الاوفر لاني محترفه بالميك اب وصار طبع اني علي طول احط ميك اب​

انا طبعي احب الالوان الفسفوريه اما عن الميك اب مااحب الاوفر احب كل شيء سمبل والعباااايه مااحب الشواروفسكي
احب الناعمه ويكون فيها شك بطرف الكم بس احسهاااا تطلع اكشخ

أنا أحب كل شي ناعم انا مااحط مكياج أوفر بس
بالمناسبات ولا بعد احط ناعم مو الاوفر الاوفر
واحب العبايه الساده

مشكوووره حبيبتي يعطيج العافيه

انا عكسكم تماماً اموت علي استايل بنات الكويت الفخم و الملافع والاوان الصارخة والمكياج واحاول اقلد شوي شوي

انا استايلي حلووو وغريب يعني احب اركب قطعه على قطعه ...وبالنسبه للملافع انا احب الشوارفسكي الرينبو اللي يكون ملوون .....والحين بعد هابه بالصنادل gladitorجان تعرفونها اللي جنها مالت المحاربين اووول....وبعد الحين هابين بستايل واااايد حلوووو اللي اهو نفنوف طويل مع صندل وتونز تلبسينه فوووق النفنوف حلوو وايد حق الصيف ...وملائم بعد وانا عن نفسي الالوان الفسفوريه حلوووو حق بنات من طقتنا يعني مو حلووو حق وحده ام ومتزوجه....

اببببببببببببببببببب

وينكم بنات

من الهبات الي ما حبيتها تلفونات بلاك بيري اصلا اهوه بس حق رجال الاعمال وايد ناس ماخذينه على اساس موضة و هبة وتعقدو بالتعامل معاه

اي انا معاج بهذي كلش ما حبيت هالهبه احسه مو ستايل بنوتي حتى هبة الكاب ما حبيتها احس ما يلبسونها الى البويات