صباحكم ومسائكم وايامكم كلها عسل باذن الله* كيفكم عسولات الكويت ابي المشورة منكم!!! زوجي واه من زوجي!! يسوي بعض التصرفات اللي تقهرني وهو مايدري اني ادري عنها بس انا اموت من القهر تكفون ابي نصايحكم السالفة ياطويلات العمر بالصدفة لقيت زوجي مسجل بمنتدى ويكتب فيه قصائد من كتاباته اللي مايقولها لي واقرا كتاباته كلها غزل وحب لكن الطامة الكبرى اللي مضيقة خلقي كل الردود من البنات وهو ردودة بس للبنات وبالذات وحدة من العضوات ردودها على مواضيعه تقهرني وردوده هو للبنات((يالغالية وشرفتيني) والكلام العسل وانا اطلبه يرسل لي مسج يضحك ومايعبرني وبعدين اضافها له صديقة بالله وش اسوي اصارحة او اتجاهل الموضوع؟؟؟ هو مايدري اني اشوف مواضيعه وقصائدة دلوني تكفوووووووووووووووووووووووووووون
حبوووبة لا تنبشين ورى الريال انتي تتعبيين حقري بالطقاق مردة لج انتي زوجته و حبيبته و هذوول بنات نت لا راحوا و لا رددوا تحرقين اعصاابج و تذبحيين بعمرج على اشياااء تافهه حاولي تكسبين كل وقته لاتخليينه يشبك وايد كل ما شفيييته شاابك تعالي سوولفي معاه قوليله امش نطلع سوييله جو غيري معاه جو لاتتعبين عمرج فديييتج ترى محد اييب الهم الا الريايييييييييييل
ياحياتي فديتك اختي مشكووووووووووووورة على الرد والتفاعل والله انك صادقة الله يصبرني والله ان الشيطان شاطر يزيد الوسواس ويكبر الموضوع براسي فديتك يالغالية
يا قلبي اسمعي مني الكلام هذي كلها سوالف نزوه وتروح مع الوقت وطيعيني انا مجربه هالشي كنت انبش ورا زوجي وما طلعت الا بعوار القلب والقهر سوي مثلي اقعدي يمه اذا شبك وفهميه انج عارفه باللي قاعد يسويه وفاهمه كل شي بس بدون ولا كلمه يعني بيني له انج شايفه ردوده على البنات وبنفس الوقت سوي نفسج مو مهتمه صحيح انه صعب عليج بالبدايه لكن صدقيني مع الايام انتي بترتاحين وهو راح يجيله يوم ينقد على نفسه وبالاخير يرجع لج زوجج
تسلمين حبيبتي متى يجي اليوم اللي ينقد على نفسه بصراحة انا انقد عليه ودي انه اكبر واعقل من كذا بس شكواي لله تسلمين يالغلا
البنااات كفووو ووفووو صح لاتبينين له انج دريتي عنه بس حسسيه انج مصيرج بتعرفين المستخبي وذكريه انه كماتدين تداان وانج تدشين نت واللي يصير ويااه احتمااال يصير وياااج وبجذي بيخاااف من ان الله سبحاانه يبليه فيج .. والله يهديه لج ويبعد عنه بناااااات الحرااااااام ..
مشكووووووووووووووووووورين حبيباتي الله يوفقكم والله انكم خوات صدق تتفاعلون وتنصحون بصدق الله يسخر لكم ازواجكم ويرزقكم0 دمتم في حفظ الرحمن
البنات كفواا وفووا اهم شي تحسسينة انج فاهمة وعارفة بس حدة متناقض يضحك لي قلتيلة دزلي مسج الله يهدية لج انشالله
شوفي ياقلبي نصيحة مجرب اذا زوجك شاعر اكيد بيكون رمنسي وشاعري اشلون تقولين له ارسلي مسج ويضحك حبيبتي راجعي نفسج ليش بالمنتدا يكتب ويرد علي البنات وانتي مايرد عليج اخاف التقصير منج مو معقوله رجال بيخبي عن زوجته انه شاعر اذا ما فتح قلبه لج وسمعج قصايده منو بيسمع عيل راااااااااااااااااجع نفسج وتقربي منه وقولي له انا احب الشعر واحب اسمعه وارسليله مسجات شعر وقولي شنو رايك فيها يا حبيبتي استدرجيه خليج ذكيه الرجال مثل الجاهل بسرعه ينقص عليه ههههههههههههههههه لحد يزعل مني بس والله اني صاجه وبخصوص التنبش انا قبلج جذيه حتي بتلفونه انبش بس شنو صار فيني ظغط وربو وثعلبه وشويه وانجن بس نصحني شيخ اعلج شعري عنه وقال ريحي بالك ولا تحاسبينه له رب يحاسبه وكله من صحتج والحمد لله بطلت العاده وطبعا بمساعدت واحده من رفيجاتي وكانت دايمن تهديني استفدت ارتحت وريحت زوجي وعطيته كل الثقه وعطيته بعد طاااااااااااااااااف والله يسخره لج
لاتخلينه صارحيه قوليله انازوجتك وحارمني من هالشي وتكتب للناس وللبنات مايصير جذي وانا من حقي اغار عليك وانته ريال متزوج منت عزوبي
اختي(اقوي الصبر) مشكوووووووووووورة على الرد والتفاعل بس انا اقولك ليش مايقولي قصايده لان كلها حب وفراق وانا ما ادري هل هي مقصودة!!! بس هو دايم يقول انا احب هالنوع من القصايد اشكر كل البنات اللي ردوا على موضوعي وتفاعلوا معي مشكووووووووووووووووووووورين
قوليله علشان ما يتمادى اكثر وعلمين ان ربي يكشفلج كل الي يسويه غلط اذا خليتيه والله ان راح يتمادى اكثر خليه يعرف انج مهتمه وتدرين عن كل الي يسويه ترى الرياييل ما لهم امان حتى لو تعطينهم ماي عينج
تسلمين حبيبتي على ردك بس اخاف اصارحه يقلبها علي ويقول قاعدة تنبشين من وراي؟؟؟ ويطلعني انا الغلطانه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شوفي حبيبتي انا بطبيعتي امصخر البنات له يمكن هالشي كرهه باللي يسويه واقول انتو مقصه تضحك عليكم البنت ومن هالسوالف يمووت قهر
انا من رايي تواجهينه بانج عرفتي كل شي بس انج عادي عندج مافيها شي وانج مو مهتمة بس لاتخلينه موشرط نزوة خوفج يضيفها بالمسن وتتطور العلاقة.. والله ينخاف منهم كل شي جايز ديري بالج لازم يدري انج تدرين لاتنسين عشان ماياخذ راحته...
دمتم في حفظ الرحمن جميعا احبتي ثقتي بكم وبتفاعلكم كانت كبييييييييييييييييييييرة وانتم اثبتوا لي هالشي جزيتم الف خير
