السلام عليكم ورحمة الله وبركاته ,, انا متزوجه وعندي طفل الحمدلله ابي منكم تعطوني تفسير للرجل الي يتزوج وما يبي من زوجته اطفال ؟ بمعنى انه حتى الطفل الي الله رزقني اياه هو بالصدفه موناوي عليه بس الحمدلله الحين يحبه .. وانا ماني صغيره عمري بمنتصف الثلاثينات يعني حاولت وايد بالكلام والطيب معاه بس مانفع .. انا احس الانسان الي مو مرتاح يسوي جذي بس هو مرتااااااااااااح وحده بعد يعني انا من النوع ببيتي غير الحمدلله من ناحيه الكشخه من ناحيه النظافه من ناحيه ما تتصورونها وجميله ولله الحمد بس ابي اعطي سبب للتصرف هذا مادري شقول ؟ تصدقون انا حتى الطبخ والاهتمام ماخلي خدم يسوونه انا اقوم فيه لدرجه الطباخه تقولي انا مدام معجبه فيج وايد تقول اول اشوف الزوجات اطبخ ويحطونه جدام ازواجهم بس انتي غييييييير زوجه ممتازه وام ممتازه وكل شي .. مع اني اداوم انا ما انكر اول زواجنا هذا التصرف الي سواه انه خلاني بحالة نفسيه صعبه كله مشاكل وهواش .. حتى لما حملت لا كان مستانس ولا مرتاح لييييييييييش .. العمر قاعد يمشي ولدي يكسر الخاطر وده باليهال واجتماعي وانا كبرت يا بنات .. احسني خلاص تعبت وعجزت وانتظر بس اربي ولدي واكبره واودع هالدنيا والله احسااااس غريب الظاهر اكتئاب او صدمه .. مادري بس انا مو عايشه حياة زوجيه مستقره يعني احس باي لحظه خلاص اشتت اسره ماني حاسه بامان ولا بزوج يحبني . لا تقولون كلميه او فهميه لالالالالا صراحه شفت العناد والقلب الاسود واللعانه والغموض وكل شي مو زين منه .. مشكورين للي اسمعوني واسفه لازعاجكم واتمنى التوفيق للكل ...:sad_smile:
الله يكون بعووونج اولا ثانياا العياال لج مو له.. يعنى اذا قدرتى تحمين احملى ولا تردين عليه.. لانهم اول وتاالى لج حبيبتى اذا كنتى تاكلين حبووب .. قطيهاا وقولى له اكلهاااا \\\كذبه بيضاااا واذا ما تاكلين حبوووب نطرى ايام التبويض وجهزى حااالج وبتحملين ان الله اراااد واذاا حمتلى سوى فلم هندى وقوله له ما ابى احمل وشلون حملت ونزلى جم دمعه فلم لا اكثر ولا اقل.. تصدقين عاد \\\ ذكرتينى بزوجى ماايبى عياال ومن احمل يتضاايق واولد هم يتضااايق بس شوى شوى لاكبر الولد يتنفس هواااااااااااااااااااااااااااااااااااااااااااااااه وما يقدر ع فراااقه وما يخلينى ب بيت هلى من حبه لهم والله يوفقج
هلا أختي . . . سوي نفس ما قالت لج الاخت بنفسج مو لازم يدري انج ناوية تحملين وان حملتي احتفظي فيه لا يقولج تنزلينه ومن هالسوالف وترضين . . . اول وتالي العيال لج من بعد رب العالمين . . . ولدج بيلومج ان كبر وما في له لا اخت ولا اخ لان ماعندج لا انتي ولا ابوه سبب انكم تخلونه وحيد. . . وحطي في بالج حياتج بتستمر وربج كريم وانتي بديرة ابن صباح والقانون وكل شي وياج عيشي حياتج واستمتعي لا تشيلين هم كلش. . . في بعض الرياييل مايبون يهااال ولا ذرية لسبب ما . . . ومع الايام بتكتشفين هالسبب . . . خلج مع رب العالمين اكثري الاسغفار والصلاة . . . ان ظلمج هالانسان لج رب كريم جبار منتقم لج وكريم ورحيم عليج . . . من كان مع الله كان الله معه ولا تكدرين خاطر نفسج . . . ونبي تبشرينا ان حملتي
كلام خواتى بنفسج وام عبدالله عين العقل...انا كان يقولى اكلى حبوب ومابى عيال الحين ؟؟؟والله مارديت عليه اكلت من وراه وحملت وصج هاوشنى وعقب نسا الموضوع وسنه2008 ميته ع الحمال وحلف على وقام اهو يمنع نفسه منى كل هذا مايبينى احمل لانه دايمن اهله يكلمونه عن الزواج وربي ما كنت اتخيل انه يسويها بس سواها وزوجوه وشوفى حكمة ربج ما جابوا عيال 4 سنوات كل طبيب طقوه يبون العيال......وانا عيالى الحمدالله هم ظلى بعد الله سبحانه وتعالى واهم شئ ترا وعن تجربه الاستغفار وصلاة الليل سهام والله يا وخيتى عليج فيها......والله ما يترك عبيده
حبيبتي ليش ما يبي عيال كل رجال بهالدنيا يبي عيال يشيلون اسمه وينفعونه لا كبر ما تدرين يمكن متزوج من برا مكتفي بالعيال او السبب الثاني ما يبيج انتي ام عياله ناوي على غيرج اسمحيلي لا تزعلين هذا الواقع واساليني الرجاجيل وراهم اسرار
والله غرييييييييييييييييييييييبه ان رجال مايحب يكون عنده اطفال وطفله الوحيد كان بطريق الصدفه .. كل شيء له سبب .. ليش هو مايحب يكون له اطفال ... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ماقد غلط يوم قدامك وقال سبب .. من حقك تكوني ام لطفل واثنين وثلاثه وعشره .. دام انها رغبتك .. بس كمان مااقدر اقول لك حطيه امام امر واقع .. واحملي ...لانه ممكن يجبرك على تنزيل الطفل وهنا ممكن يكون قتل نفس .. وعصيان زوج .. وممكن تضرك شخصيا .... الله يسخر زوجك لك ... ويغمر قلبه بحب الاطفال وهو من نفسه يجي يقول لك تحملي ...
والله غرييييييييييييييييييييييبه ان رجال مايحب يكون عنده اطفال وطفله الوحيد كان بطريق الصدفه .. كل شيء له سبب .. ليش هو مايحب يكون له اطفال ... ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ماقد غلط يوم قدامك وقال سبب .. من حقك تكوني ام لطفل واثنين وثلاثه وعشره .. دام انها رغبتك .. بس كمان مااقدر اقول لك حطيه امام امر واقع .. واحملي ...لانه ممكن يجبرك على تنزيل الطفل وهنا ممكن يكون قتل نفس .. وعصيان زوج .. وممكن تضرك شخصيا .... الله يسخر زوجك لك ... ويغمر قلبه بحب الاطفال وهو من نفسه يجي يقول لك تحملي ...
شالسالفه معقوووله فيه رجال جذي يمكن قصده المدخول المادي او في شي مسبب له عقده نفسيه يعني بصراحه هل هو شكاك ومايوثق باحد بعدين انتي موعشيقته يقضي معاج رغبته وبس المعاشره الزوجيه من اول اهدافها والمغزى منها الذريه الي الناس تدعي انها تكون ذريه صالحه وحاولي تقعدين معاه قعده **ارحه وتسألين هل فيه احد بقلبه وشنو كان هدفه يوم خطب وسوى نفس الناس وتزوج هل هو مظهر اجتماعي او بهدف تكوين اسره واستقرار نفسي واجتماعي ؟ وماكلمتي احد من اهله او اهلج بالموضوع وطلبتي منهم التدخل وسأليه لوين بيوصل هالعلاقه هل حاط بباله انكم مع بعض للموت او مده وبتنتهي هالشراكه ومايبي يشتت العيال او شنو القصد بالضبط وشلونه مع ربه هل هو ملتزم او نص ونص او عاصي واتمنى ماكون طولت عليج والله يطمن قلبج بالذريه الصالحه الي تعوضج صبرج
