بنات شلووونكم :teeth_smile: حبيت اسالكم منو جربت الولاده عند الدكتوره ايفا بمستشفى الراشد ؟؟ وشلون خياطها بعد الولاده ؟؟ الي تعرف لاتبخل علي بليز وبكون شاكره لكم :smile:
السلام عليكم جميعا......... بصراحة أنا جديدة عالمنتدى...وأنا كل ولاداتي الثلاث في مستشفى الراشد من ناحية الخدمة ممتازة والسسترات ممتازة والنظافة ممتازة وأما الولادة أنا أولدقيصرية عند د مدحت الشربيني وبصراحة يهبل وهم الأسعار رخيصة حيل وكافي إنهم متعاونين بالمستشفى وصبورين حيل عالمريضة.
آنا ولدت بالراشد وعند ايفا بعد هذا المستشفى لووووووعه بتقدير إمتياز شوفي حياتي بالنسبه للسعر والسسترات كانوا زينين أما بالنسبه لغرفة الولاده وهي أهم شي كانت زفت أول شي الغرفه غرفة عمليات ومايخلونج تروحين الحمام يبون قيصريه تخيلي الأرف ومن يسدحونج على السرير خلاص تظلين عليه لين تولدين تخيلي آنا ظليت نايمه على ظهري 14 ساعه يالله ولدت كنت بموت من التعب والسرير يابس وضيج وايد لأن مال العمليات إللي إذا تبين تنقلبين يمين ولا يسار جنج بطيحين ولا والمصيبه تسمعين صراخ الحريم إللي بيولدون من كل صوووب وآنا أسمعهم يصارخون ومت من الخوف وقمت أبجي عشت مأساه بصراحه ثاني مره رحت ولدت بالمواساه صج فرق غرفة الولاده كانت الغرفه العاديه مثل الغرفه إللي يحطونج فيهابعد الولاده السرير واسع وفيها حمام خاص تروحين متى ما تبين وحاطين غنفات وتلفزيون حق الزوج وبعد يابولي ريوق وناسه ما جني بولد والسسترات رايحين رادين علي.... أما ايفا بصراحه ماخذه سمعه عل الفاضي قطيعه دفشه وايدها كبيره وقت الفحص تعور والحقيره وقت ولادتي عصبت علي تقولي طولتي يلا ولدي بسرعه
انا بصراحه مع الاخت ((الدنيا مبهذلتني)) الراشد لوعه ووصخين وانا ظليت 12 ساعه بالولاده يالله سوولي شفط وولدي طلع حييل تعبان صراحه ما انصحج فيه كلش وغرفه الولاده جنج بسجن عكس السلام والعرف والله يشهد على كلامي
انا ولدت 3مرات فيه مره ايفا ولدتني ومرتين مدحت الشربيني يااازينه من مستشفى عجيييب بس ماعليج من شكله الخارجي والله خوش مستشفى ماتحسين بشي تنامين تقعدين يقولون لج مبروك ولدتيلاتسئلين اشلون وكمامهم قوووي حده
انا انشالله بولد هناك رحت من جم يوم وفتحت مفلف عند مدحت الشربيني وبصراحه دكتور راقي وباله طويل وايد زحتى السستر اللي عنده الاجنبيه اتهبل بعد وعندي بنات عمتي كل ولاداتهم عنده ويمدحونه وصج ان المستشفى مو فخم بس على كلام اللي اعرفهم انه وايد دكاترته ممتازين والمعامله توب وهذا اهم شي ولا ماهمني لا اثاث ولا فخامه انا ابي السلامه شالفايده لو كنت بمستشفى ثاني فخم وحالته حاله ومعاملة الدكاتره ولا السسترات زفت وبنفسبه؟؟؟
انا بصراحه ما جربته خواتي هناك يمدحونه بس من زمان بس ودي اسال الاخت الدنيا مبهذلتني عن المواساة لاني ناويه اولد عندهم انشالله اشرايها فيه
انا حيييل مدحولي الدكتوره ايفا وفتحت ملف عندها وصارلي 3 مراجعات وياها والحمدالله مرتاحه معاهاا وقررت اولد عندهاا لان نفسيتهاا حلوه وصبوره وبنت عمي والده عندهاا ومدحتها حييل تقول نفسيتها وحلوه وكانت تهدي فيهاا حيل وقت الولاده وصبوره معاها وكمامهم حلو وهذا انا كل اللي ابيه ولاا الباقي تساهيل من ربج ان كان بيسهل ولادتج ولا يعسرهاا والله لايعسرهاا علينا اميين اهم شي النفسيه الحلوه والمعامله الزينه هذا اللي انتي محتاجته منهم وقت الولااده والله يسهلهااا على الجميع
صراحه ولاده بمستشفى الراشد تجنن وحلوه انا جربته والحين انا حامل بجربه ثانى مره لانه حلو ورخيص واحلى دكتور عندهم د/نصر هيبه مصرى وشكرا :teeth_smile::
الصراحه خوش مستشفى والله وانا ولدت عند الدكتوره عفاف كانت زائره بس ةلله فعلا نمت وقعدت لقيت نفسي والده وخالصه الحمدلله
أنا ولدت عند دكتور هشام بس الحين مشى بس وحده من الأهل ولدت عن دكتوره يوليانا واايد تمدحها وطرشت ناس عليها والله يقوّم كل حامل بالسلامه
ايفا اعتقد والعلم عند الله من الثمانينات عندهم ولو انها ردية كان المستشفى انهى خدماتها من زمان ومدحت ونصر احسن واحسنين بعد المستشفى ما سمعت ان احد ذمه الا الاخت اللي موجودة بس البايخ فيه الموقع مو شي مهما تقولين ومهما تسألين ومهما يجاوبون لج اخر شي التساهيل من رب العالمين وانا اختج حتى لو بالشفا او الهادي او السيف اذا الله كتب لج اليسر تيسرت امورج مثلا انا والده بالعدان مرتين مرة بقيت اموت ومرة نمت وقمت لقيت نفسي والده...شرايج؟؟؟
