مرحبا ياحوامل ذوات الخبره السابقه انا حامل وتوني دخلت الشهر الثامن ودي اعرف متى ابتدي امشي وشلون الطلق صاير يعني شراح احس فيه واعرف ان هذى ولاده تكفون علموني وجزاكم الله الف خير لاني بجر
تولدين بالسلامة يارب انتي والبيبي من دخولج هالشهر بتحسين بألام بظهرج من تحت نفس الآم الدورة وتزيد بالليل والصبح سبحان الله تختفي والطلق الفعلي بيسبقه دلالات : نزول سائل بني نزول ماي شفاف مغص قوي بالبطن والام شديدة بالظهر يعني نفس الم الدورة لكن مضاعف 1000مرة وبالنسبة للمشي حاولي كل يوم تمشين شوي ولاتجهدين نفسج وبالسلامة اتمنى اكون افدتج
انا في بجري كان الطلق غير عن كل الناس .. كان وانتوا بكرامة كله ارجع واسهال ولما رحت حق المستشفى طلع فيني ولادة وبعدين يالي الطلق العادي اللي اهوا الم بالظهر والبطن ..
ما عليه الخوف لازم لكن ربي بيعينج أهم شي توكلي على رب العالمين وخل اقول لج عن ولادة أختي سبحان الله حملت بتوائم ربي رزقها توائم من غير علاج او أدوية لما حانت ولادتها راحت لمستشفى حكومي تقولي طول ولادتي وانا ادعي يا حي يا قيوم برحمتك استغيث تقول ابجي وادعي سبحان الله ولدتهم طبيعي توائم وطبيعي . . .لأنها دعت ربها وهي موقنة وعارفة إن لا منجي ولا رحمن إلا هو وربي يسهل ولادتج ولادة كل حامل من خواتنا
حبيتي الطلق مو شرط ينزل دم او ماء بس طبعا اول ما ينزل يعني ولاده بالتأكيييد والطلق يا حبيبتي راح تحسين بعوار وام اسفل الظهر واسفل البطل يرووح ويرجع كل ربع ساعه بعدين شوي شوي يزيييد راح يصير العوار كل 10 دقايق وبعد فترة راح يزييد ويصير كل 5 دقايق ويزيييد العوار طبعا كا ما قلت الفترة بنفس المكان اللي قلت لج عنه وبعدين يصير كل دقيقه ههههههه الله يعيييييييييينج تذكرت الولاده طبعا خلاص اهني شوي ويطلع الياهل والله يقومج بالسلامه
انه نزل علي سائل بني بس لي الحين انطر ينزل الماي او عوار ماكو شي لاعت جبدي وانه انطر الاربعه حاشني عوار بس تحملته وراح وشربت خروع وعصير منجا الدكتوره قالتلي الخميس بليل بس سهلني بطني وماكو شي ولي الحين انطر
