السلام عليكم ورحمة الله وبركاتة الي قربت توالد قوليلنا في اي مستشفي بتوالد ,وعند اي دكتورة بتوالد واذا سبق ولتي قوليلنا في اي مستشفي ولدتي فية , واذكر لينا محاسنة وسياتة.
انا عني لين الحين محتارة ,ودي اولد في مستشفي خاص علشان عناية احسن لكن بعض لي قابلتهم يقولون اذا انتي اول ولادة اولدي في الحكومي علشانهم يعتنون فيكي ودكاترة فية احسن.
انا عن نفسي انشالله ولادتي بالهادي وباجر راح اسوي دخول بليل انشالله عند دكتور سامي ادعولي الله يسهل علي ويقومني بالسلامه حدي خايفه من الطلق الصناعي ...
ا دايما اولد بالراشد مستشفى حلو واسعاره مناسبه والعنايه عندهم حلوووووووووووووووووووووووووووووووووووووووووووووووووه للام والطفل
مرحبا بنات ، الله يهون على كل حامل يارب .... انا ولدت بالهادي عند د.انيتا ، شلونج ماكنتوش عند اي دكتور تولدين بالراشد؟ يمدحون مستشفى السلام عند د.نجمه
انا محتاره بين دار الشفا و المواساة ورويال حياة بس حددي خاطري برويال حياة ودي اجربه لأني على ولاداتي اللي طافت جربت المواساه و دار الشفا ابي دماء جديده p:
يا بنات لا تروحون دار الشفا لان سمموا بنت خالتي ودخلوها العنايه المركزه وموتوا البنت الي في بطنها مع كانت في شهرها التاسع، والحين بنت خالتي في لندن ادعولها تردلنا بالسلامه ياااااااااااااااااااااااااارب
بسبوسة كوتية, هذا اول حمل لي علشان كذا انا محتارة ودي اولد في دار الشفاء لنة اقرب شي لي,ويمدحونة يقلون زين بس ما اعرف عند اي دكتورة اولد.
الله يشفيها ويردها بالسلامه... أنا عن نفسي أول ولاده لي بجري ولد سم الله عليه الحين عمره 4 شهور ... ولدته بمستشفى الراشد عند دكتوره أجنبيه كبيره بالعمر ما أذكر اسمها شنو بس اهي رئيسه قسم الولاده.. والله طلقي بدا من الساعه 3 الفير وقتها الكل نايم (انا ساكنه فبيت أهل زوجي) المهم قعدت من النوم على عوار بطني أأأح جنه أحد يقرص فيني ... الصراحه ما تحملت جان أذكر كلام الوالده مره قالتلي اذا ياج عوار بطن ومارح مدة ساعه او ساعتين روحي اخذي دش ماي حار أو دافي علشان ترتاحين.. واذا شفتي ماكو فايده ماراح العوار يعني خلاص انتي فيج ولاده!!!! وفعلا طبقت كلام امي وأدشلكم عزكم الله الحمام (هذا ساعه 3 الفير هاااا) وأنقع روحي بالماي الحار بس ماكو فايده ,,,أخر شي جان أروح حق ريلي واهو نايم قعدت أبجي عنده ودني الطبيب بطني تعورني ما ادري شفيني .... ويبط جبدي يقولي نامي عمري مافيج شي هذا ولدج يرافس ...هههههههه (اوووف على الريايييل يحبون النوم )) ورجع نام ... وانا ياربي شسوي قعدت أحوس احوس بالدار لين حسيت بعوار قوي فبطني هني ماقدرت أتحمل صارت اتييني انقباضات ورا بعض كل 4 او 5 دقايق احس بالانقباض... وانا اول مره احمل وهذا بجري ما اعرف شي اذا حزت ولادتي ولا لاء (( وصج انا ولدت قبل موعدي بـــ 10 أيام)) ....المهم شفت الساعه 5 صارت وماكو فايده هالألم مو راضي يروح... جان أروح اهز ريلي واهززززززه وانا ابجي يومها اخترع شاف لاااااااا جنها صارت الصجيه هههههههه ... المهم راح حق خالتي (امه) قالها يما تعالي شوفي شسالفت مرتي تبجي عااااد امه والله ماقصرت معاي سوتلي دارسين عشان تحمي الطلق عندي والله وانا قاعده اشرب الدارسين واتمشى بالصاله وخالتي تقرا قرآن بصوت عالي عشان الله يسهلها علينا ... وانا اتمشى بالصاله واقوف من العوار وارجع اتمشى واوقف من العوار وهذي حالتي لييييييييييين وصلت حدي على الساعه 6 ونص لبست عبايه اي شي ورحت مع زوجي وخالتي مستشفى الراشد... وهناك سوينا كل الاجراءات وعلى الساعه 8 ان عندهم وااااااااااااااالده كللللللللللللللللللللللش (الحمدالله كانت ولاده طبيعيه والله سهلها علي الحمدالله) مع اني كنت خايفه حدي من الولاده لاني ما اعرف شلون صايره من كثر ما اسمع الحريم يسولفون عن ألمها وشيصير معاهم ... عرفت انت الحاله او الوضع يختلف من وحده لي وحده ... والحين انا شايشه ابي ياهل ثاني علشان يكون بعمر اخو قريب ويلعبون مع بعض وبوقف حملي مدة سنتين ونص وبعدين أحمل ... وجذي بس والله ولادتها هذي الدكتوره الأجنبيه كانت وايد حلوه سهله وخفيفه ماشالله حتى رعايتهم وعنايتهم في الام والطفل وايد حلوووووووووووه
والله انا عن نفسي ولاداتي الثلاثه عن دكتوره بهواني بالهادي امبيه روووووعه شوي عليها هل الدكتوره والخياط ايييييييييييييين وتردج بنت بخياطها والله اذكر مره صار فيني التهاب رحت عند دكتوره ثانيه يوم سوتلي سونار داخلي قالتلي انتي عندج ياهال قتلها اي قالتلي مو مبين انا قتلها شنو يعني قالت التجميل الداخلي مسويج جنج بنت واللله الهادي لا يعلى عليه وحتى انا انولدت بالهادي هاهاهاهاه والحكوممممه لااااااااااااا والله شوف عيني انا اشتغل بمحتبر مناغه فيوم ولاده حماتي دخلت عليها واهي تولد امبي والله شي يعور القلب اهي قاعده والدكتور يخيطها ومسكينه شهر كامل واهي تعاني من الغرز عاقدينه لها عقد
مرحبا بنات ، moon انتي تقولين تبين دار الشفا عشان قريبه وترى الهادي موبعيده عن دار الشفا ، انا ولدت بالهادي وخواتي بعد الحمدلله كل ولاداتنا زينه وشوفي alshamali همن بالهادي وتمدحه ماشالله . انا اسمع يمدحون الراشد والسلام بالولادات وملاك الروح وحده من الي يمدح الراشد ماشالله
السلام عليكم يابنات انا ولدت برويال حياة عند دكتوره امل عبدالعزيز لما كنت اراجع عندها كانت تعاملني مثل بنتها والمستشفى حيل راقي وحلو وحتى الاستقبال بالمستشفى تقدرين تطلبين خدم للضيافه وعندهم صالات استقبال ولو تبين بالجناح بكيفج يعني انا ولدت بجناح الياسمين وكان حجمه حلو للاستقبال بس وحده من رفيجاتي ولدت في غرفة عادية واستقبالها كان بالصالة وترى اسعارهم مو حيل غالية واللي تحب تراجع طفلها بالمستشفى في دكتور سليمان السعد حيل ممتاز وهم دكتورة نسرين الخطيب وايد زينه وحبوبه
