امثال كويتيه 000

أبو طبيع ما يجوز من طبعه

· إذا بغيت صاحبك دوم حاسبه كل يوم

· إذا حبتك عيني ما ضامك الدهر

· إذا حجت البقر على قرونها

· إذا حضر الماء بطل التيمم

· إذا صار رفيجك حلو لا تاكله كله

· إذا طاح الجمل كثرت سكاكينه

· إذا طبع دوس على تريجه

· إذا فات الفوت ما ينفع الصوت

· إسأل مجرب ولا تسأل طبيب

· إش حادك يا المسمار ؟ قال المطرقه

· إصرف ما في الجيب يأتيك ما في الغيب

· أضبط من ساعة الملا



· أقضب مجنونك لا يجيك أجن منه

· إكل ما تشتهي وإلبس ما يعجب الناس

· إما طلعه ولا طبعه

· إن طاعك الزمن وإلا طيعه

· إنطر يا حمار لما يجيك الربيع

· إنفخ يا شريم قال ماكو برطم

· الباب اللي يجيك منه الريح سده وإستريح

· بات مظلوم ولا تبات ظالم

· بغاها طرب صارت نشب

· بغى يكحلها عماها

· بغيناه عون صار فرعون

· تجيك التهايم وإنت نايم

· ثوب أطول منك يعتك

· جارك ثم دارك

· حاميها حراميها

· حشر مع الناس عيد

· حط راسك بين رجليك وإشهد على والدين

· حط فلوسك بالشمس وإقعد بالذلال (إجلس بالظل)

· خبز خبزتيه يا الرفله إكليه

· خربان من البيضه

· دابة الله بأرض الله

· الذيب ما يهرول عبث

· راعي النصيفة سالم

· رزق القطاوه على الخاملات

· زرع الميانين (المجانين) يطلعه رب العالمين

· شبعونا طراقات وشبعناهم شتايم

· شمامها لمامها

· طارت الطيور بأرزاقها

· طقاق روحه ما يصيح

· الطقعه بسوق الصفافير ضايعه

· الطول طول نخله والعقل عقل صخله

· عتيج الصوف ولا جديد البريسم

عمره ما تبخر ، تبخر وإحترق

· عومه مأكوله ومذمومه

· غصيت فيك يا ماي ، شدفعك في

· فال الله ولا فالك

· الفرخ يجوجي في البيضه

· قال عندك تاكل ؟ قال لأ . قال عندك تغرم ؟ قال إي .

· قراقيع صيف

· قطو وطقيته بمصير

· كثر الدق يفك اللحام

· كلٍ بقلبه شيقاليله (شقاء له)

· كوم حجار ولا هالجار

· لي بغيب الخبر يشيع عطه (أعطه) أم بزيع

· لو جريت جري الوحوش غير رزقك ما تحوش

· لي طار طيرك قول سبيل

· لي فات الفوت ما ينفع الصوت

· اللي في الجدر يطلعه الملاس

· اللي ما يرضى بجزَه ، يرضى بجزَه وخروف

· اللي ما يستحي منك لا تستحي منه

· اللي ما يطول العنقود يقول حامض

· اللي ما يطيع يضيع

· اللي ما يعرف الصقر يشويه

· اللي ماله أول ماله تالي

· اللي مو على دينك ما يعينك

· اللي هذا أوله ينعاف تاليه

· اللي يجي من الله حياه الله

· ما تعينك إلا يمينك

· ما لك إلا خشمك لو كان عوي (أعوج)

· مال عمك لا يهمك

· مخروش طاح بكروش

· مد رجولك على قد لحافك

· مداح نفسه يبي له رفسه

· مكسورة و تبرَد

· من طمع طبع

· نصيبك يصيبك

· هذا سيفوه وهذي خلاجينه (ملابسه)

· الوجه من الوجه أبيض

· يا شين شيء ما شابه هله (أهله)

· يا من شرا له من حلاله علَه

· يفوتك من الجذاب صج وايد

· يمدح السوق من ربح فيه

· يوَد (أمسك) الحبَه وفلَت (أفلت) الدبَه

​

يعطيج العافيه على هالموضوع
احنا انقول قال انفخ ياشريم بدال ماكو انقول مامن برطم والمثل الثاني اذا صار رفيجك حلو لا تاكله احنا انقول اذا صار صاحبك عسل لا تلحسه كله وفي مثل ثالث احب اضيفه لاتكثر الدوس ياخلي يملونك لاانت ولدهم ولا طفل يربونكعاد انا عيوزه بهالسوالف عندي امثال الكويت كلها

يسلموووووو

اقري هالمثل "علمت العلم مي والقطت العلم ماجدة ليت مي ماولدتها الوالدة"
هذا المثل دايمآ تقوله امي ان نسينا كلمتها اللي وصتنا فيها...ههههههههههههه
شرايكم؟

يسسسسسسسسسسسسسسلمو:emoticon_U:

يسلمووووا على مروركم ماننحرم من معلوماتكم

يسلموووووووو حبي ,,

المثل الي يقول؟؟ اضبط من ساعة ؟؟؟؟؟؟؟؟ كان سؤال في برنامج ومحد عرف تكميلت المثل وانا نفسي اعرف التكميله خخخخخخخخخخخخخخخ::71_71: ولحين عرفتهااااااااااااااا اضبط من ساعة الملا خخخخخخخخخ
يسلمووووووو

مشكووورة اختي ليمونه,,,,فعلااا امثال كويتية روعه,,,,




يسلمووو

[COLORانا بضيف مثل سمعته من تمثيلية دمعة يتيم وعجبني قالته الاستاذه حياة الفهد قالت من حب العين لراس البصل 000صج حلو هالمثل ينطبق حق وحده لايعه جبدج فيها ولهيا تلزق فيج ="Purple"][/COLOR]

حط راسك بين رجليك وإشهد على والدين

مافهمته:sad_smile: ليت الوالدة عندي ان شاءالله بكرة بسالها

يسلمو خيتو

بات مظلوم ولا تبات ظالم

هالمثل دايم اقوله

يسلموووووووووو حبويه

حلويييين
ماشاااااء الله على اللهجة الكويتية

مشكوره حبوبه على الامثال الكويتيه الي كلنا نفتخر فيها

حلوه الامثله واايد وانا بضييف على امثلتج مثاال
لاشفت اللي يكرهوونك اكل وبحلق بعيوونك لووووول احب هالمثل

~~~ الله يعطيــج العاآفيه حبيبتي ~~~

:smile:خووووووووش أمثال

يعطيج العاافيه .. وماقصرتي

مشكوره حبيبتي على الموضوع الرائع