مادري شقول ابصراحه وكيف ابتدي بس ابي اشكي همي لان مافيه شخص بيسمعني ومابي اقول حق رفيجاتي لانهم مابيهم يتشمتون فيني انا وايد اكره امي والسبب من ونا صغيره وهي تكرهني وتفظل اخواني علي تخيلو من ونا صغيره تضربني وتحرق ايدي وتخلي ابوي يضربني والله كنت اسير المدرسه ونا اصيح واذا حد سالني ليش عينج حمره اقول غبره فعيني كبرت وخلصت الثانويه واشتغلت ولين احين وهيه ع هالحاله اذا شافت ابوي يضحك وياي قالت ليش ولا اذا طلعني تزعل وتسويها سالفه وتقوله لو انا ما رضيت اطلعني رغم انه مب ناقصها شي بس لانه طلعني وشرالي رغم انه من بيزاتي انا لا واذا طلعت ويا ابوي اتقوم اطرش اختي ويانا سيري شوفي شو بتسوي ويا ابوج شو بيعطيها وحتى مره اضاربت وياها طبعا ابوي مو فالبيت وخذت راحتها فيني اهيه وخوي والله هذيج الساعه بغيت اذبحها اكرهها بس عقب اخوي سمع صراخنا وتم يضربوني اهم الاثنين حتى تميت سنه ما كلم اخوي رغم اني مب مقصره وياهم والله اني اعطيهم ومب مقصره وياهم حتى اهيه يوم تضارب ويا ابوي تييي تشكيلي وما تشكي لحد غيري و ع اشياء تافهه بتقول حق ابوي اذا سهرت فالبيت ويا اخواني اتقوله سهرت مع اني ما سوي شي غير اني ايلس واطالع التي في ويا اخواني اتقوله مشاكلنا حتى وحنا نتغدى واذا يلست فالنت انا احب المنتديات وهيه تتحراني يالسه اتراسل ويا شباب تسمع من حريم النت او اي شي مب زين حق البنات اتقوم اطبقه علي اقولها ها منتدى واذا مو مصدقتني سالي اي حد من اخوانيلانها مو متعلمه ابوي طيب وحتى مرات يدافع عني وهوه يعرف انها تكرهني بس اتم ادخل وساوس علي لين اتكره فيني ويسوي لي مشاكل والله كرهت عمري منها احسها مب امي عدوتي الله لا يسامحها انا مب متهنيه في حياتي بسبتها مرات افكر اشرد ولا انتحر بس انا مابي اخرب سمعتهم حتى خلت اخواني يكرهوني امبارحه اخوي شو يقولي بيي يوم بتشوفين شو بسوي فيج وصارت تعامل اختي الوسطى مثل معاملتي القبليه رغم ان عمرها 12 سنه اتقولها سيري غسلي الصحون واذا ما سمعت بسرعه اتقوم تضربها واذا ضربتها وين ع صدرها تضربها احسها بعد مظلومه مثلي واكثر مشاكلي بسبت غيرتها ع ابوي ومن منوه مني انا تغار ان ابوي حتى لو ضربني يرد يعتذرلي يومها اسود اذا شافتني مستانسه دوم كل ما اكون فرحانه تخرب علي ادور اي شي انا احين ما اسكت لها بس وين تسير صوب خواتي وخواتي صغار مابيهم تاذيهم مثلي ويتعقدون وسير ادافع عنهم واسوي ضرابه بسبت خواتي وياها جربت انصحها انها ما تتمشكل ويانا جدام ابوي مب زين الحرمه ع شي تافهه اتقول حق ريلها لازم ادور حل للمشكله اتحلها بروحها والله اني استانس يوم تضارب ويا ابوي اذا يلس بعد اهوه ع النت غارت واذا طلع زعلت وحطت بخاطرها وطلع حرتها فيني انا وخواتي بس وتمت اتسبني واذا اضاربت ويا اخوي وقام ابوي يهاوشه ويطلع من البيت رغم انها تقول انه الغلطان بس يوم يطلع من البيت كله بسبتج اني مسببه المشاكل فالبيت والله اغار من ربيعاتي كل وحده تمدح امها جدامي وحتى يوم اشوفهن ويا امهاتهن جنهن خوات مب بنت وامها. واذا طلعنا وسرنا حديقه اقولها يمه ابي بيزات ما تعطيني اتفشلني جدام ربيعاتي مره سوتلي مشكله ويا ابوي عقب تميت يومين وردت اتكلمني ما كان يرمسني وظهرنا الحديقه قالها اعطي بناتج بيزات عطت خواتي الثنتين ونا يوم ييت اطلبها قالت ما قالي اعطيج هذيج الساعه اكره اني اتم فالبيت وياها وحتى سرت اكره انهم يعطوني اجازه من الدوام بس عشان ما تم ويا فالبيت ابوي مرات يقولها بطلقج افرح اقول فكه منها فقلبي بس مرات افكر اقول اهيه حرمه اكبيره وين بتسير و الحريم بيتشمتون فيها ياااااناس يمكن مافيه حد يكره امه كثر ما اكرهه امي اكرها اكرها كره العمى الله لا يسامحها ادعي عليها وادعي ع نفسي يا انا اموت او اهيه لاني ابصراحه قلبي مجروح منها دوم اصيح بسبتها الله يلعن الامهات اذا كانو جي مثلها وين الام ووين الحنان
انا امي ما اكلمها تفضل اخواني علي بس بدوام مجتهده مع رئيسه القسم نفس امي طق فيني من انا صغيرة تتهمني باشياء ما سويتها اختي تفر راسه اقعد بالغرفه اصلي اشتغل بهويه الغناء اصمم اكسسوارات بس العيد اعيد عليها علشان ماتقول اني مو باره فيها وابوي زف فينا كلنا بطالعه ونازله بس الحياه ماشيه
السلام عليكم اختي...والله انج قريبة مني امي تعيب علي انا متينة وهي بس قاعدة شماتة فيني انا ادخل كلام واطلع كلام عااااااادي حبيبتي ولو هذه امج تحمليها شوي...الله يجازي الصابرين وهي جنتج و نارج:smile:
لا حول ولا قوة اللا بالله ما اصدق ياربيفي امهااات جذي ليحين .. الله يكون بعووونج حبيبتي بس والله هذا كله اجرلج ..
هلا اختي . . . مهما سوت ومها عملت ومهما قالت ومهما طقتج ومهما ومهما هذي امج ما تطلعين من يزاتها باجر بتزوجين وبتنجبين اطفال وبتعرفين شعور الامومة شلوووووووووون خلج بارة فيها طقتج طراق ع خدج اليمين عطيها اليساااار بعد . . . وخلج من سوالف انتحر واشرد وانحاااش انتي بنت وين بتروحين ولما تلاقين ناس تضمج بتقولين منحاااشة من امي !!!!!!!!!!!!!!!!!!!!!! تعوذي من ابليسسسسسسسس
اكبر مصدر للسعاده بالدنيا الام مهما كانت قاسيه علينا فهي احن الناس والله محد راح يحس بقيمة امه الا اذا ابتعد عنها او فقدها لا سامح الله بوجودها تلقى لسان يذكرك وقلب يدعيلك وشخص يحبك بصدق الله لايحرم اي احد من امه ويخلي امي لي حبيبتى صلاة قيام الليل والاستغفار والدعاء راح يهدى امج لج
حاولي بشتي الطرق ترضينها غسلي المواعين شنو المشكله بوسي رجولها بعد خاليج دوم جنبها يمكن تكون مظغوطه من شغل البيت تقربي لها ترا قلب الام غير عن الناس كلها ياليت امي عايشه كان ما تحركت من تحت ارجولها <<<<<<<<<<<<الجنه تحت اقدام الامهات تعوذي من ابليس هذ ابليس يوسوس لج ولا ماكو ام تكره عيالها
الجنه تحت اقدام الامهات مهما كان هذي امج تلاقينها تقسى عليج من بره بس بداخلها تحترق عليج شوفي لو صار فيج اذى اول من يتألم هي انتي طالعه من عروقها يمكن هي قاسيه بس لابد فيها حنيه انت لوتعرفين قيمة الامومه جان ماقلتي اكرها حرام ذنب الرسول عليه الصلاة والسلام قال امك ثم امك ثم امك ثم ابوك استغفري.. الله يهديك ويعينك..
والله ياحبيبتي قبل اتزوج كانت امي عصبية علي تهاوشني لاتفه الاسباب وكنت مثلج اتحلطم وابجي واقول امي ماتحبني بس لما تزوجت وصرت ام عذرتها وعرفت انها تموت فيني ومافي ام تكره عيالها وعرفت انها تسوي جذي من خوفها علي ومن زود حبها صدقيني مستحيل ام تكره عيالها اكيد تبي مصلحتج بس مو عارفه شلون فتترجمها بطريقتها هاذي
انتي من صجج تكلمين عن امج بهطريقه وتدعين عليها بعد ؟؟حرام عليج الا الام مافي ام تكره عيالها تقربي منها حتى لوصدتج ضميها بوسيها سولفي معاها ادري انج بتقولين مستحيل بس حاولي ابتدي من اليوم اخذيها لسوق انتي موظفه دلعيها يمكن يوم كانت الصغيره مفتقده الحنان وتعاملكم مثل ماكانت تعامل ؟؟ اتقي الله في نفسج حبيبتي مهمت تسوي الام لاتدعين عليها انشاءالله تذبحج من الطق هذي جنتج ونارج والله يهديها لج ويهديج لها..
الله يعينج ويصبرج حبيبتي عندي رفيجتي نفس حالتج بس اسوا بكثير ... والله تكسر خاطري تخيلي اجبروها تتزوج وصلت الاستخاره وقالت حق امها يمه الحلم موزين اشوفه 3 مرات وتمرض .. حطت علي رقبتها السكين وقالت لها جذابه وتزوجت وتطلقت في اسبوع لا ن الولد مو زين مو ريال وضعيف شخصيه حق امه.. وتخيلي اول حلوه والحين احلي الحين مطلقه وجد امها تشيش الكل عليها واخوانها يطقونها علي اتفه شي وتدعي عليها بسوالف ما تنقال.. وجد تغار منها انا اكتشفت هالشي صج انه عيب اقوله بس كل ما يضصير عندها فلوس تشتري حق امها وباره فيها حيييييييييييييييييل فوق ما تخيلون .. واخرها ضربها اخوها بسب حجي مو صج من امها ودخلت المستشفي لا تقولون ماكو الا اكو لدرجه خواتها يغارون منها ... واهيا حاطتهم فوق راسها وخادمتهم.. وخدامتها حقهم.. والحين قاعده تحايل فيهم بس تبي وضيفه .. يقولون حجي ما ينقال ويقذفونها في سمعتها وهم اهلها ولا تستغربون هالحجي .. الله يعينها ويعينج.. بس اهيا شاطره تتحاشي المشاكل وملتزمه الصمت .. وتبر فيهم وماكلتهم في الطيب .. تقول اتحمل .. هذا نصيبي ابي الاجر... تحياتي
حبيبتي الدعوه تردلج لا تدعين على والدينج مهما يسوون ارضي وصبري واذا انتي حاسه ان وجودج معاها تتعبج حاولي انج تقعدين بمكان ترتاحين منه مثلا" بغرفتج ولا تطلعين الا حق اكلج ودراستج ليمن تتزوجين ترتاحين واذا نادتج عشان تساعدينها بأي شي طلعي ساعديها وردي الغرفه بعد شتسوين والله يعينج بصراحه والله يعوظج بزوج صالح حنون يعوظج عن حنان الام والابو وطبعا" بعدين تبرين والدينج ما تقاطعينهم اذا تزوجتي وراح تشوفين امج عقبها شكثر تشتاق
عادي حبيبتي اصبري ووكلي امرج لله وانشالله بتفرج حتى انا حاسة فيج لدرجة امي تفضل حريم اخواني علي من حبها لاخواني والله اني متحمله وساكتة وكلة تعايرني قدامهم يالبايرة الي كبرج عندهم اعيال طولهم وكل يوم ادخل غرفتي ابجي وادعي ربي يريحني ويفكني لين الله فرجها علي وانخطبت بس حمدالله على كل حال خاطبني واحد غير كويتي ووافقت عليه بس علشان ارتاح واطلع من القبر الي انا عايشة فيه حبيبتي استغفري الله ودايم اذا شفتيها تزفج لا تردين ادعي وقولي اللهم لجم افوااههم بكلمة لااله الا الله وصبرب للصبر فرج
انتي من صجج تدعين على امج لا لا تدعين عليها ممهماا يكون هذي جنتج وناارج ((الجنة تحت اقدااام الامهاات)) وصدقيني اتصاارخ عليج واتطقج عشاان مصلحتج مو معقووولة ام تكره عيالهااااا مافي ام تكره عياالهاااا يمكن من خووفها عليج كل الامهاات يصاارخون على عياالهم من خوفهم عليهم وخاايفين على مصلحة عياالهم مصلحتهم اتعوذي من بليس وعلى قولة ام عبدالله هذا الشيطان يوسوسلج
يا عمري و الله مبين عليج ملتزمه و عاقلة و تعرفين الصح من الغلط و انتي اكيد تدرين انها مهما سوت لازم تسكتين عاد هنيه يبدا دورج حاولي تتقربين منها لا تقولين ما اقدر و لا صعبه يمكن صج امج مضغوطة من ابوج او انها متعقدة من معاملة اهلها لها يا حبيبتي انتي الصغيرة و اهيا الكبيرة و الله يرزقج بالزوج الصالح الي يعوضج عن كل شي
لاحول ولا قوة الابالله.. حياتي تصبريي والله يفرجها لج وتصير امج مثل العسل معاج ... لاتدعين عليها قووولي الله يهديها وعليج بالدعاء لها بأن يهديها .. لابد يووووووم وتاخذج بالاحضاان ان شاء الله. تحملي وتصبري ,.ان الله مع الصااابرين..
