حبيباتي اخباركم إن شاالله بخير انا متزوجه من سنتين تقريبا من وين ابدأ....آآآآآآآآآ..... ام زوجي تغاااااااااااااااااااااااااار مني بقوة ماتخيلون نظراته فيني والله مااقدر اوصفها لكم تعاندني تقوي بناتها علي لما يجلس زوجي معانا تصير قدامه مسكينة وانه تحبني واذا راح زوجي تقلب مثل الحية مشاكلي معاها لاتعد حتي عمي اللي هو زوجها مايلتفت علي اجيب لهم حلويات ومعجنات اذا نزلت لهم ان ماعيبو مامدحو اخواتي والله عايشه بهم منها دموعي تنزل ماقدر اعبر لكم المشكلة إخت امي شقيقتها لو مازوجتني ولدها كان إنطلق فيها عرق بعد ماتزوجت تغيرت كلش تشكيني عند خالاتي تقول عني عوبا واخذت عقل ولدي ماراح اكتب لكم قصة حياتي بس اخرتها اليوم جبت لهم فطور في الصباح والله ماخذت لو لقمه عشان تقهرني بس قولوا اشلون اتعامل معاها والله محتاجةنصيحه توجهني مابي اشغل امي بمشاكلي اعكر مزاجها وهي كبيره الله يعطيها الصحة قولوا امين
حبيبتي يسعدني اكون اول وحده ترد عليك شوفي اولا الله يأجرك في مصيبتك نصيحتي انك تتجاليهاا بالمره وحاولي انك ماتخليها تمسك عليك ولا شئ عرفتي ويمكن تغار منك او تغار علي ولدها حتي لو قالت اي كلمه تجرحك اوتزعلك طنشي وكبر راسك بعدين هي هتتعدل من نفسها هذا راايي والله يصبرك وهي مره كبيره تحمليهاا ودايما قولي اللهم اجرني في مصيبتي وخدي انتي الاجر والثواب واحسني معاملتهاا صدقيني بتتغير
ربي يعينج بمصيبتج مع اني ما اشوفها مصيبه كثر ماهي اختبار من الرحمن لقوة صبرج وتحملج عموما نبدا من الاول انتي قبل كل شي لازم تعذرينها لانها ام وانتي بتجربين هالشي بعدين واكيد هي شايفه ولدها اللي هو زوجج طاير فيج وفرحان علشان جذيه تغار منج ومعاها العذر ولدها هذا تعبت وربته وبالاخر يلهي مع زوجته...... انا اقول وانتي كيفج عدل؟ ماله داعي كل شوي حاطه ويايبه لهم ريوق معجنات او اي شي ثاني خليج ثقيله شوي ولاتنزلين لهم وايد وبنفس الوقت لاتقطعين ولدهم عنهم خليه على طول يتصل عليها ويكلمها وهو اللي يبدي بالاول على طول ثانيا انتي حاولي انج ماتدققين على كل شي علشان نفسج لاتحترين ولاتعورين قلبج لانها باجر بتعرف انه انتي زوجة ولدها ولازم تحترم هالشي ماعليه صبري هالشي عباره عن مرحله ولابد ماتخلص ربي يعينج ويسخر لج ريلج
عندي نفس المصيبه بس انا تعودت عليها اول شي طنشيها ولا تهتمي لها وكوني جدامها كلش مبسوطه ومستانسه ولبسي احسن ما عندج جدامها وتمكيجي وروحي الصالون اولا بترضي زوجج وثانيا بتقهرينها الله يعينج حطي اعصابج بالفريزر
انت ما قصرتي بشي بس هذا طبعها لا تحطين هالشي ببالج على شان لاتكرهين العيشه وياهم وديري بالج تقولين هالكلام حق ريلج لان بنهايه امه عيشي حياتج عادي وما عليج منهمم سلمي قعدي وياهم عادي بس خلج رسميه ولاتقصرين بحقهم اذا عيد ام يبيلها هديه حببيها فيج ادري بتقولين انا زينه معاهم بس هذي عقول الحريم الكبار لازم تجارينها على قد عقلها والله يوفقج بحياتج يارب
حبيبتي ماعليج غير الصبر والدعاء اخر الليل والصدقه والدعاء بالهدايه لخالتج وربي بتشوفين الخير وطولي بالج واهي اكيد اخر شي بتتعب صدقيني وغرقيها بطيبج وابتسامتج وصدقيني ربي بيفرجها عليج
نفس الحالة يا حبيبة قلبي ام الزوج مصيبه من المصايب العظمى ومالها حل غيــــــــــــــر انج تطلبين بيت بروحج ادري ان صعب بالبدايه بس مافي حل غيره وعليج بالصبر لما تقنعين اهلج و زوجج بالطلعه وتزورينها كل اسبوع وتصيرين رسميه بالحاله هذي راح تحترمج
مشكورين عطيتوني من وقتكم الله لايحرمكن العافيه يارب ويصخر لنا ويكتب لنا الاجر والعافيه ...............................
حبيبتي انتي اللي عليك سوتيه المشكله ان الاذي ما يجي الامن القرايب انتي مو ملزومة فيهم دام هذا طبعهم معاك مالك الاانك تعاملينهم معاااااااملة رسميه سلام وسلام عليكم عشان ما يتجرون عليك وخففي زيارتك اهم شئ رضى زوجك واذا اخذ على خاطرة وقال ليه ماتنزلين عليهم ومن هذا الكلام بكل هدوء وباسلوبك اللي يخليك تكبرين بعينه توضحين السبب لاكن ايك تسبين اهله قدامه لانهم مايحبون هذاالشء قولي مثلا انزل عندهم اشتاقك لامك احبهما من حب امي لكن الله يهدييها تجرني اهي وبناتها وانا من طبعي ما احب ارد عللى احد اكتم غيظي لله سبحانه جربت كل الطرق معهم مانفع فقلت انسحب بهدوء وموكله امري في من ظلمني لله ومن صدقهم اخية صلاة اخر اللليل والاستغفار وقول اللهم اجعل لي كافي هذا هو دوائك عليهم
انتي تصرفتي على طبيعتج خلاص اذا ما نفع معاها هالاسلوب بطلي من سوالف التشري وخلي فليساتج لج وقللي نزلاتج لهم اذا تبين تروحين لهم روحي مع زوجج ونص ساعة وصعدي غرفتج وخلج عادية سالفة مالها معنى لا تقولينها عشان لا يقولون خفيفة والله يعينج
