في وحده معانا بالدوام لسانه طويل اكرها تعيب على الكل شلون تمشي شنو لابسه حش بالغرفه مع رئيسه القسم رفيجتها وحده قالت ليش لابسه اسود عني رزت ويها ام لسان انا بطبعي سكوتيه ما ادري شنو اسوي فيها اخبار الاداره تمشي بالمكاتب و تنقل الاخبار اللي تصير الدوام يلوع الجبد منها مشاكل بالبيت مع اعلي انحاش من البيت اداوم الشغل يصير كله على راسي رئيسه الفسم الحقيره
صباح الخير لاكوست اذا قدرتي ذكريها بأثر الكلمه الطيبه وأجرها العظيم وإذا ما تبين تكلمينها أنصحج تتعودين على الصبر وضبط النفس وتذكري أجر الكاظمين الغيظ .. دايم يمرون بحياتنا ناس جذي بس القرار لنا ليش نخليهم يكدرونها ..؟ وإذا ما نفع معاها النصيحه والصبر تقدرين تآخذين حقج منها بالدعاء فـ أنتي مظلومه واتمنى لج كل خير
صح لسانج اختي واحه كلامج درر هاذي الانسانه حدها فاااااضيه وصدقيني اهي بعيده عن ربها عشان جذي الذنوب والمعاصي سهله عليها كل شي عليها هين ... الله يهديها ورئيسة القسم انصحج تروحين تكلمينها عسى رب يهون على قلبج المشاكل
مالج الا حل واحد بكل هدوووء تطلبين النقل لقسم ثاني بدون نجره وعوار راس والله يعينج مافيه وحده مرتاحه بدوامهاااا
هلا اختي لاكوست . . . هالاشكال نقالة الحجي شخصية ضعيفة وتبي تتقرب للناس عن طريق هالشي ! حقريهااااااا ولاكانها موجودة سلام وعليكم السلام بس بتقول عنج نفسية شايفة عمرج وتسولف مردها تسكت . . . وإذا على رئيسو القسم سوي الشغل المكلفة فيه ولا تعارضينها بحكم انها مسؤولتج ودائما قولي ان شاء الله ام فلان وحاااضر ولايهمج وشوفي بعد شهر من هالحجي شلون تكون وياج الرئاسة لها متابعها بعد تلاقينها اهي ضايق خلقها من الموظفات بعد فصارت جذي وياكم وطمنينا عنج . . . وصدقيني في هالمنتدى الكل خوات لج في النصح والمشورة ولا عمري شفت رد من الاخوات فيه طنازة ثقي تماما انهم ناصحين لج بشكل صدق . . .
البنات ماقصروا افضل حل حاولي تنقلين من قسمج اريح لج وهالاشكال لاتحرقين اعصابج عشانها ورفعي نفسج عنها لانه عمر طبعها مايتغير وطنشيها لانها بتكلم عنج وعن غيرج نوعيتها طنشيها ولبسيها اخرتها بتحس بنفسها انها غلطانه او اشتري اشرطه دينيه فيها عن النميمه ووزيعه على صديقاتج بالقسم وعطيها قولي صدقه لوجه الله ابي منها الاجر وتسمعه وتحس بنفسها ومنها تاخذين اجر بس اهم شي طنشي وخلج واثقه بنفسج
الله يعينج على هالبلوه نصيحتي لج اذا تقدرين تنتقلين كان بها اما اذا كانت النقله صعبه عليج...انصحج كل ماشفتيها اقري بويها المعوذات وربي بيكفيج شرها
مالج شغل بحد وسوي شغلج وريحي راسج من سوالف معاها وترتاحين.. والله اغلب المسؤلات جذي وانا عندي هم مسوؤلة ..
حبيبتي عطيها طاف وسووي شغلج ومالج شغل فيها .......... بس ممكن سؤال ,,,: نتطنز على شنو ؟؟؟؟؟؟ انتي عرضتي مشكلتج واحنا علينا الردود مافيه مجال للطنازة !!!!
