السلام عليكم جميعا خواتب الله لا يبليكم ببلوه مثل اللي انا طايحه فبها وشفت الرد القوي حق السوسن علي مشاكل البنات قلت اشوف رايها ورايكم ببلوتي القصه اهي مع حماي او اخو زوجي........................انا عايشه مع اهل زوجي من تزوجت وقبل شهر تزوج حماي وقعد قبالنا وتعرفون يعني معاريس وطول الوقت نسمع اصواتهم والاهات وكلام حيل ما ينقال وعيالي يسمعونه ويتعلمون اليمن شفت بنتي (8 ) تقلد الاصوات وتقول حق صديقتها انا ما راح العب الا لعبه الزواج (عاجبها الشغل يعني ) قمت انا ورحت حق العروس وبكل نيه طيبه قلت لها يا ليت تقللين من الاصوات لان العيال قاعدين يتعلمون اشياء واشياء تدرون شردت على............... قالت قولي محتره من اللي يصير لانج انتي كنتي تبينه حقج بس ما صار وخذيتي اخوه علشان يظل اهو جدام عيونج واهو من اول يوم شرح لي السالفه واصلا عيب عليج لانج تخونين ريلج ؟ وكلام يا كثره اللي صار ان صوتها كان عالي لدرجة ان كل اللي بالبيت سمعوه بس محد رد عليها او قال لها عيب ولما رد ريلي من الدوام نادته امه ولما ياني اول كلمه قالها انتي طالق طالق يالله شيلي قشج وروحي عن ويهي لا اذنب فيج تدرون شنو المشكله ؟ حماي من اول يوم تزوجت واهو يتحرش فيني اشكره ولما هددته اني باتكلم خطب له بنت عراقيه وتزوجها باسبوع ومحد فيهم راضي يسمعني او يصدقني وانا عايشه معاهم اكثر من 7سنوات شسوي ساعدوني اهم مو راضيين حتى اني اشوف عيالي
الله يكون بعونج حبيبتي مالج الا الدعاء اولا وادعي ربج ينصرج وحنا بعد بندعيلج وثانيا حاولي قد ماتقدرين تفهمين زوجج حاولي مرة وعشر احلفيلة عالقرآن واذا مارضا يكلمج حاولي تدخلين احد تثقين فيه ويثق فيه زوجج ادري موضوعج حساس بس انشالله انها ازمة وتعدي........ تكفين طمنينا شيصير معاج.... الله يوفقج يارب
حبيبتي انا بالفعل اسقه لابي ما رديت عليج اول ما قرات المشكله بس كنت ابي اشوف اراء البنات وخصوصا اللي خذوا دورات مهارات الحباة الزوجيه عندي بس تدرين شصار كلهم دقوا علي وقالوا نبي نشوف علاجج لهل مشكله لان الطلاق وقع بنتي ......... اول ما نبدي فيه اهي جمله وحده اللي صار صار ومحد يقدر يغيره بس اذا عرفنا السبب يمكن نقدر نصلحه بس ودي اعرف ليش كنتي ساكته عن حماج طول هل سنين؟وانتي تقولين يتحرش اشكره يعني اللي حولج ما لاحظوا شي ريلج امه خواته اي احد بالبيت ؟ وليش تكرهين العروس؟ وليش تركتي عيالج بالبيت؟ اما بالنسبه للي صار فاتجهي سيده حق المفتاح اللي اهي امه لانه من الموكد ان كل امور البيت بايدها وساليها سوال مباشر ليش............. ليش سويتي جذي ليش خربتي بيت ولدج وشردتي عياله لاني حسب ما فهمته من القصه انه محد فيهم يبيج ( يتحرش اشكره- سمعوها ومحد قال لها عيب) هذا دليل انج مو المفضله بس شنهي الاسباب شرحيلي اكثر وانا باذن الله ما راح اقصر معاج
حبيبتي خليج مع ام احمد ( السوسن) واهي ان شاء الله ما تقصر وتطلع بحلول اهي جدامنا بس ما نشوفها وما ادري ليش وان شا الله مع دعوات الاخوات والسوسن الله بينصرج ويبين الحق الله معاج
الله يكون بعونج بس امبيااااااا لهدرجة امه ما اهتمت بمشاعر ولدها شنو تبي خراب بيته وحبيبتي مرت حماج ما تجرأت عليج الا وهم معطينها الضوء الاخضر شلجرأه ..... انا صارلي الي صارلج ورحت كلمتها بس بطريقة ثانية قتلها امس انا وزوجي نسمع صوتج كأنج تبجين ليش عسى ما شر فلان طاقج وانا قصدي افشلها جان تقولي لا كنا نلعب جان اضحك قتلها امبيااا جذي تلعبين والله زوجي كان بيدق على اخوه يقول ليش طاقة توكم معاريس مسكينة تفشلت ومن عقبها ما سمعنا لها صوت قمتنها هههههههههههه
اختي ام احمد القصه وما فيها ان خالتي (ام زوجي ) تصير مرت عمي ويابها من العراق يعد ما توفت مرته وما يابت له عيال بس مرت عمي كانت متزوجه وعندها ولد وبنتين ولما خذاها عمي يابت له ولد وبنت وبعد 10 سنين توفى عمي واهي تزوجت من ولد عمها . قام ابوي واخذ زوجي واخته وتربوا عندنا وبعد اكثر من 15 سنه طلقها ولد عمها وياتنا البيت تبي عيالها والبنت رفضت تروح معاها بس زوجي راح وكان حيييييييييييييل مستانس ان امه ذكرته وجنه ياهل صغير وعقب جم شهر يات تخطبني انا واختي حق عيالها ( ولد عمي واخوه العراقي ) بس ابوي رفض وقال ولدي واعطيه بنتي هبه اما اخوه فغريب وما انسي ان العراقيين ذبحو ولدي غدر عند باب بيتي ايام الغزو وبس وتزوجت ولد عمي وشرط علي اعيش ببيت عمي ووافقت لانه اهو اللي يصرف عليهم كلهم ومن اول يوم واهم يتحرشون ويقطون كلام الله العالم فيه بس اسكت علشان زوجي حتى وصلت السالفه ان حماي دخل مره علي وانا بغرفة النوم واهني هددته اني بابلغ ابوي وريلي بالموضوع جان يخف شويه وما لقيناه الا ويايب هل بنت ومالج عليها والعرس بعد اسبوع اما بالنسبه للعروس فانا والله ما اكرهها بس اللي صار انها من يوم ما دخلت البيت وهي تتفاخر بابوها اللي كان ضابط كبير بالجيش ولما يابهم الكويت ايام ما كانت لهم وسكنهم بقصر في الشاميه ؟ وشنو كانت تلبس من ملابس اهل البيت الاصليين وووووووووو اشياء تشيب الراس خصوصا ان اخوي شهيد والثاني كان اسير والحين معاق من التعذيب يعني شنو تتوقعون ؟ ابوسها واقول لها زين اللي سويتوه فينا ؟ انا بالفعل صبرت وايد وطفح الكيل وما ودي ارد لهم ولا له لاني احسه لما يكلمونه يصير مو طبيعي اي شي يقولونه يقول حاظر من غير نقاش حتى معاشي كان ياخذه لهم ويقول حرام محد فيهم يشتغل ولما اشكي لابوي يقول لي ميخالف يا بنت هذا ولد عمج وربى بينا يعنى واحد منا صبري عليه ويعطيني فلوس ما ابي منهم شي الا عيالي وبس
