انا ماقدر اقول لاحد الا لكم؟؟؟

مرحبا يابنات انتو خوات دنيا ..انا بقولكم موقف صراحة ظايقنى...انا كنت حامل بالسابع ومات الجنين ببطنى و سويت تنضيفات ..المهم قبل لا احمل كان وزنى 74 والحين 97 تخيلو ..يعنى انفجرت..عاد اليوم انا قاعدة بالصالة عند حمواتى وحريم حموانى ..المهم قالت لي ام زوجي اكلي حلا ...قلت مابي ...قالت ليش مسوية رجيم؟؟ ...تسوين او ماتسوين بطنج طايح بالقاع...والله كانها طعنت قلبي بخنجر ..فشلتنى جدام الحريم ..السالفة صارت بقلبي وماقدر اقولها لاحد ..قلت خل افظفظ لكم..وبشوركم بنفس الوقت ...انا بصراحة كنت اكل حبوب سليماكس حلوين ويضعفون ..بس خاطري اجرب حبوب زين الاتات من جربهم؟؟؟واللى تعرف اي شي مجرب بذمتها انها تقول انا نخيتكم ابي اظعف صح ..بس انا اعرف نفسي مامشي على رجيم ابدا ...ابي حبوب او اعشاب مجربة لا تبخلون على انا بحاجتكم.. تكفون الله يرحم واليكم ماقدر اسال احد غيركم عشان مايقولون عنى ماعندي ثقة بنفسي..انتظر مساعداتكم ..طبعا بشي مجرب بالذمة...

اختي الغاليه..

اولآ لاتهتمين لكلام الناس وخلي ثقتك بنفسك كبيره

وثانيا..انا بقولك والله ثم والله اي حبوب.. زين او سيبو تريم15 ورديكتل و غيره كثيير كثيرر انا جربت والله مارح تستفيدي
حتى لو نزل وزنك شوي راح يرجع دبل
انا بقولك عن اللي سويته وربي يشهد عليه اني مراح اقولك غير الحق
انا نحفت خلا شهر ونص 10 كليو وبطني لصق والحمدالله.. وبدون نادي رياضي..
وعلى فكره ترا قبل كم شهر كثير كنت اجي هنا بالمنتدى مثلك كذا واترجى البنات منو تعرف حبوب تنحف وهكذا..فكرت بالموضوع وعرفت اني ضايعه لانو مافي حبوب تنحف بدون اثار جانبيه مستقبلآ
والله يا اختي انا لا عرفك والا تعرفيني لكن حسيت بمعانتك ولاحبيت اخبي عنك شنو اللي نحفني..
انا راح اكتب لك طريقتي اللي استخدمتها بالتفصيل..
وياليت ياأختي تفكرين بنفسك وتنتبهين من الحبوب والله ثم والله كثير اللي تضرروا منها واللي ماتوا والعياذ بالله وشتبين بهالاشياء كلها.. حلك عندي بإذن الله بس لاتنسني بدعاء منك طيب لي ولوالدتي ان الله يشفيها
ولاتخافين انا راح اكتب لك طريقتي لوجه الله وان شاء الله انتي تستفيدي وكل خواتي اللي بالمنتدى
لي عوده بالطريقه.
إحترامي​

وانا رايي من راي شوباار والله الحبووب ماوراها الا الامراض اذا خليتيهم تمتنين الدبل

وماعليج من كلام الحريم اللي لايودي ولايجيب ماعندهم ماعند جدي في قبره

طاااااااااف ولاتهتمين بس الصحه والعاافيه حلووووه

اختي ان شاء الله شوبار ماراح تقصر ويااج

وراح تفيدج وتفيدنا ويااج << مدخله نفسها بالموضوع ههههههههههه

وانا عن نفسي جربت ماي الزعتر والله حلووو تلقينه بالحواج >> العطار << التركي ..

وسمعت عن عصير >> شريحة انناس طااااازجه مو معلب , و2 كيوي , وعصير ليمون , وعصير انناس كي دي دي << تحطينهم كلهم بالخلااط وبدوون سكر طبعاا ..

يكوون عشااج يعني بدال وجبة العشاا اللي جربووه يقولون 2 كيلو بالاسبووع ..

واتمنى اني فدتج والبنات ماراح يقصرون ان شاء الله ..

السلام عليكم ورحمة الله وبركاته

كيفكـ اختي ان شاء الله بخير..هذي طريقتي..


بس اهم شي قبل تبدائي هي العزيمه والاصرار تذكري انو كل يوم يروح من عمرك مراح يرجع

وانتي عارفه انو الوحده تنحف وهي صغيره افضل بكثير من بعد ماتكبر راح يكون صعب جدا نزول الوزن

بالاضافه للامراض ..

عمومآ مابي اطول عليك..

طريقتي..

اهم شي كان في برنامج 3 اشياء وهم شرب الماء الشاهي الصيني وخلطتي اللي اضيفها له
وهي مكونه من.. شاي اخضر صيني،شمر،زنجبيل بودره،وحلقة ليمونه ،وكمون وبس

وشي ثالث القهوة العربيه طبعا الكل يعرف طريقتها.

اوكي الحين بقولك كيف كان برنامجي اليومي..اول شي الصباح فطوري 2 بيضه مسلوقه بدون خبز

و4 حبات فجل احمر وخس وبرتقاله مع كوب من الشاي الاخضر


وطبعآ الغداء انا اكون نايمه فألغيته تمامآ من برنامجي

ولما اصحى قبل المغرب اول شي اسويه اشرب 2 كاس مويه ضروري طبعآ
وبعدها اتقهوى مع امي قهوه عربيه مع 3 حبات تمر فقط لاغير..!!
واشرب قهوه كثير لانها تحرق الخلايا الدهنيه الداخليه وربي يابنات ان خالتي وهي تاكل بس تشرب قهوه عربيه بدون حلا نحفت وبطنها كان طبقات وربي خف بشكل غير طبيعي مع انها ماتسوي رجيم

ارجع اكمل لكم برنامجي..
اشرب مويه كل ساعه 2 كاس يعني مو اقل من 14 كاس مويه باليوم ضرووري اللي تبي تنحف مثلي
والعشاء انا احب الشي الطبيعي فكنت اشتري لحم التوونه اللي بدون مواد حافضه واسويه بالبيت مع ليمون اصفر واكله واذا تكيسلت اغلب شي اكل بيض مسلوق 2 طبعا مع فجل ضروري وجرجير وخس يعني اغلب الايام بيض مسلوق فطور وعشاء والتونه اذا مليت خليته عشاء بس بدون خبز
وإذا حسيت بجوع اكل فجل احمر وربي يحرق الدهون حيل واشرب مويه
وعلى فكره يوم اربعاء وخميس اتعشى وجبات او كبسه عادي بس مع شرب الشاهي الاخضر والمويه والله ثم والله ماتاثر جسمي الحمدالله انحف والحين صارلي اسبوعين عندنا مناسباتو اكل وثبت وزني مارجعت الحمدالله
بس برجع اطبقها من بكره وكل صديقاتي بيبدون معي من بكره.

والله هذي طريقتي هدت جسمي وصار شكلي الخارجي ملفت لنظر كثير كثير والف حمد وشكر لله اهم شي العزيمه والقوه

أي اسفه يابنات نسيت اقولكم على السر اللي يمسح البطن..!!

لازم تشربي كوب من الشاهي الاخضر الصيني قبل وبعد الوجبه قسم بالله في اسبوعين بس بتشوف فرق كبير وافضل طريقه انو من اول ماتصحي تسوي لك ترمس شاهي الصيني بالخلطه اللي ذكرتها وتشربي منه كل وقت قبل الاكل وبعد انا حتى وقت سهره اجلس ع النت واشربه طبعا بدون سكر.
وهذا كله بدون أي مجهود مني والحمدالله بس يبغاله قوة اراده وجسمك يصير خيال والبطن يروح وربي بيختفي
بس طبقواها شهر وشوفو
والله العظيم هذا اللي سويته والحمدالله بشرتي ماتاثرت ابد وشكلي صار احلى من قبل وكل اقاربي يسالوني اكيد تستخدمين حبوب تنحف.؟ وانا احلف لهم اني ماستخدمت غير المكتوب فوق
اللي تجرب وتستفيد تدعيلي ربي يوفقني ويشفي امي
وبس أي خدمه انا حاضره
واعذروني على اسلوبي العامي
ولكم خالص حبي وتقديري​

والله لاتظايقين والله العظيم انا وزني كاان 170 رحت عند دكتور طالب الشمري سنه صرت 100 بس الحين رديت متنت صار وزني 140 لاني قطيت كل شي بس الحين شريت حبوب اللي كان يوصفلي اياهم وماشيه عليه وقطين باسبوعين 4كيلوات بدون رياضه والحبوب ازيلاكس وزينيكال وحافظه انا رجيمه وماشيه عليه بس والله انا مجربه ومحد مصدق اللي نزلته عبالهم مسويه شفط وانا بدون رياضه والله نصيحه الحين صارلي 3 سنوات اكل من الحبوب بس قطعتهم سنه والحين رديت لهم مالهم اي تاثير بس يكرم السامعين ان يسوي اسهال وهذي تجربتي والله وادعولي اني اضعف واي استفسار انا حاضره لكم حبايبي

مشكوره أخت شوبار على النصيحه ماقصرتي حبيبتي الله يجعله في ميزان حسانتج ويشفي لج الوالده ويخليها لج

ماقصرتو يالغاليات الف شكر ياشوبار على تعبك ...الله يجعلة في ميزان حسناتك

جزاج الله خير ياشوبار
والله يخليلج الوالدة ويشفيها
اختي ام الريش
مالج شغل بحجي الحريمـ لا يودي ولا يجيب

مشكورين حبايبي

والله يجزاكم خير على الدعوه الطيبه والله يحققلكم كل اللي تتمنونه

إحترامي

نصيحه لله عليج بالمشي اهم شي المشي جيبي جهاز مشي وكثر ماقدرتي امشي

انا عن نفسي اشرب شاي رويال وشاي اخضر بدأ وزني ينزل لاني توني طالعه من انفاس

هلا أختي . . .

حبوب زين الاتات فيها مواد كيميائية تأثر ع مركز الشبع . . .يعني جذاب ان قال لج طبيعية

براي رياضة وثم رياضة والاهم الارادة والله تسوي العجب شدي حيلج رجيم + رياضة يوميا

مالج شغل بكلام الناس
وسوي مساجات تخسيس

حبيبتي انا حاسه فيج وادري باحساسج وخصوصا اذا احد قط عليج كلمه
عادي اختي عيشي حياتج والله راح تضعفين
خليني اقولج انا ماظل شي ماجربته جربت حبوب زين الاتات وكريمه والجاي ماله امبيه ضعفت انا ومرت اخوي صرنا وااااو نهبل بس هديتها امبيييييييييييه شصار اول شي انا ماكان عندي زنود صارت زنودي ونود بقره حشى السامع وانتفخت غير نمونه ومرت اخوي نفس الشي يت وقالتلي ماتلاحظين ان زنودي كبيره لالالا والله ماانصحج فيهم
وجربت الشاي اللي هابين فيه بودره تاخذينها الصبح بيوجي فاد فيني بس يمكن اسبوع بعدين انسي الله وكيلج قمت اكل اكثر من قبل
انا الحين قاعده استخدم القهوه الخضرا تبين الصج وايد حسيت بفرق تسد نفسج عن الاكل وايد ممتازه بس شنو احس بدوخه رقعه سريعه بالقلب صارلي الحين شهر والكل اللي يشوفني يقولي وايد ضعفانه ودشيت جم مره عالنت وكتبت مكوناتها الكل يقولي انها طبيعيه ومافيها ضرر حتى رفيجتي ودتها الطب الطبيعي يحللونها قالتلها كلها اعشاب ماكو مضار بس اللي فيه ضغط شي بالقلب لاياخذها
وعلى قوله اختي اللي مساع تقول المساج انا ييب وياي نتيجه بس اذا هديته هم مصيبه
ارجو اكون ساعدتج ولو بشي بسيط وادعيلج من كل قلبي تضعفين وتصيرين سمبتيك وعارضه ازياء وانا وياج ان شاء الله كككككككككك

شوبار مشكورة علي هالنوع من الرجيم واللة يشي الوالدة ومرضي المسلمين اجمعين بس حبت اسال الشاي الصيني انواعة اي واحد بالضبط تقصدين الشاي الاخضر

شوبار مشكورة علي هالنوع من الرجيم واللة يشفي الوالدة ومرضي المسلمين اجمعين بس حبت اسال الشاي الصيني انواعة اي واحد بالضبط تقصدين الشاي الاخضر ام الريش اختي العزيزة لاتفكرين بحبوب التخسيس الي كلها ا مراض خلج علي الرجيم والرياضة والمشي وتصيرين مليكان

هلا اختي فوضه واسفه مادخلت من فتره

ياقلبي الشاي الاخضر الصيني تلاقينه بحقول الشاي وهو النوع المبروم مره روعه ومفيد

وينحف كثير وانا الحمدالله لازلت ماسكه وزني مع اني احيانآ الخبط بالاكل بس ماسمنت الحمدالله
اشرب شاي كثير والماء والقهوه العربيه والحين غيرت رجيمي عالشابوره وحليب خالي دسم
والحمدالله في افضل حال واتمنى لكم التوفيق جميعا ان شاء الله​

الله يبارك فيكم يا بنات
بصراحه اللي يشوف وقفتكم مع بعض ونصايحكم لبعض ينشرح صدره
أم الريش الله يوفقج اختي ويمسح على قلبج.. ولا تاخذين بكلامها ترى الحريم الكبار ساعات يقولون كلام قبل لا يفكرون فيه .. طوفي طوفي حبيبتي
وشوبار يعطيج ألف عافيه .. شقرديّه ما شاء الله عليج
تقبلوا مروري وبحفظ الرحمن