السلام عليكم ورحمه الله وبركاته مبارك عليكم الشهر ياكويتيات بنات بقولكم قصتي تعبت انا متزوجه صارلي سبع سنين والله يابنت عمر خالتي مانظف قلبها ناحيتي انا ما اصيرلهم من بعيد تزوجت وسكنت معاهم وماشرطت بيت وابوي يقول ماستحي يتشرط لانهم مو منا قاله ابويه ريال وشيمت رجال وتزوجت وسكنت معاهم بس انصدمت انهم ناس حييييييييل مايهتمون بشي كل شي عادي والي صدمني ما عندهم خدامه وهم عايله كبيره ولامره جابوا خدامه زوجي طبعا نفسها كانت خايسه معاي ولا تغزل فيني ولا شي بيوم عرسي بجيت ونمت وحطيت راسي على المخده ما قدرت انام لانها كان مكشر ومعصب وفجاء جاء ثاني يوم نفس طريقه ثالثه يوم وصدمه الكبرى قالوا لي سوي العشاء انصدمت حححيل ونزلت اسوي العشاء هو قاعد فوق وانا تحت احوس بالمطبخ ولا درا عني وخالتي بس تسمعني كلام بناتنا احلا منج وانتي فيج وفيج واذا جاء زوجي تكلم عن زواج وتمدح بنات خلق الله ويعلم الله اني ماغلطت عليها لين حملت وجبت عيال وتحملت الفقر وضيم وبعدها تزوج حماي بنت عمه استانست الحين تنشغل عني وارتاح فيوم العرس انصدمت رقصت قدامها وباستها على راسها ع*** تماما حتى مبروك ماقالتلي هي بنت عمهم جاء اليوم الاسود كلهم كانوا متجمعين كان تقول والله يافلانه انتي عزا من ام فلان الي هي انا انحررررجت حيل وصبيت القهوه على نفسي تخربطت مادري شكنت اسوي ودمعت عيني ليش تبين دايما انها ماتحبني طيبه واحب راسها بطالعه ونازله وهذا جزاي بس لو يابنات المفروض ماتقول هكلام حررام طلعني بصوره مو زينه وتبيلي انها تكرهني اشوفها بناتها يارب يمرون بكل الي مريتها الا انها ماتخلي فلس واحد يقعد بجيب زوجي جيت ابي اسافر قالت انا بعد واخذت منها فلوس وانا قعدت ما ابي اضغط عليه والحين جاء رمضان والله يابنات ماشريت شي زوجي شخصيه ضعيفه لا سفر ولا مصرف ولا وناسه عيد تنكد علي بعد وتاخذ فلوس معنى عيالها واجد وبناتها بس تعبت خاطري مكسور متى طخ وتخفف ضغط علي تعبت واصلي كل يوم ماراح تخليني اعيش وانا زوجي مرتاحين وتنكد علينا كل شي وانا دايما اسكت لانها كبر امي بس بانت تعبت ليش الكره ليش ماتعدني مثل بنتها وتراعي شعوري حتى بالعروس اذا رقصت تصدد عني وماتصفقلي الله يجازيها مثل مانكدت حياتي وتنكد كل لحظه حلوه بحياتي ضاع عمري وانا ماتهنيت بحياتي ولا راح تخلينا اه اه ادعولي يابنات ان الله يفرجها علي والله يشغلها عني في بناتها لاني زهقت ساعات افكر بطلاق بس علشان ارتح سبع سنين ليم متى بتحمل او تغير شروا علي يابنات لاتقولون كلمي زوجج زوجي خواف وتجعمه جدامي مايقدر يقولها شي كلمته يروح يوصل كلامي لهم زوجي مايساعد ادعو ربي يفرجها علي
والله يا حبيبتي هالاشكال مايقدر لهم غير الله ,,,,,, اقيمي الليل عسى الله يشغلهم بنفسهم وحسبي الله عليهم ونعم الوكيل والله انا انقهرت الله يعينج ,,,,,,
حسبي الله عليهم وان شاء الله كل وحده تسوي في مرة ولدها الله يجعله في بناتها اللهم ااامين ما حد يرضى بالظلم حبيبتي الله معاج .. عليج بالدعاء عليهم وأن الله يأخذ حقج منهم وكثري من الاستغفار وصلي صلاة الشفع والوتر وأسألي ربج ينصرج عليهم ويسخر لج زوجج ويشغلهم بأنفسهم .
الحجى شكل والوم شكل والواقع شكل ثاني وانا حاسه فيج قلبي لانه خالتى نسخه مكبرة من خالتج ولو اسولف لج شان شاب شعر راسج بس خليها على الله وان احب الله عبدابتلاة
الله يعينج يا قلبي بس اصبري صبرتي سبع سنين حرام اتطلقين وباجر لا زوجوه بتنقهرين وتذوقين القهر الخاله ما اهي دايمه ولا الحموات وانتي حاولي اتغيرين عليهم شوي وردي عليهم هالنوعيه يحبون اللسان بس اختي ما اقصد انج تسبين وتغلطين لا بس ردي اذا سبتج قولي ليش خاله شنو شفتي مني الله يسامحج والله انج حسبت امي والا جان عرفت ارد وادعي حبيبتي واحتسبي الاجر
كان الله بعونج حبيبتي بس نصيحة اخت لأختهاا تقربي لها بالهدايا حتى لو اشياء رمزيه معرمضاان و الاعيااد والمناسباات ومع الوقت بتشوفي وشلون بتتغير معاملتها عسى ربي ييسر امرج
...الله يعينج ويصبرج وينصرج عليهم عاجلا غير آجل انت وكل مظلوم يارب العالمين... شوفي حبيبتي في نقاط مهمة لازم تاخذينها بالاعتبار سامحيني اذا شديت عليج لكن والله ابيلج الخير وربي الشاهد.... 1-اكثري من الاستغفار ولازميه والله له مفعول السحر 2- اقيمي الليل بلا تعب او هوادة والله مناجاة الباري تغسل القلوب وللييل سهام لاتخطئ. اي تصرف او اسلوب في حياتج قد يكون يغضب الله اتركيه حالا(نمص الحواجب - سماع الاغاني وغيرها..) 4- ايقني ان مااصابك ماكان ليخطئك وكل امر بني آدم خير. 5- مايصح الاالصحيح والدنيا دوارة اذا اليوم كان عليج تاكدي انها بكرة لج لانها سنة الله في الحياة. 6-بلاش عبط(اسفة جدا) يعني لاتكرفين ولاتنزلين نفسج لأي من كان حتى وان كانت ام زوجج على فكرة برها تؤجرين علية وعدم برها(وما اقصد ايذاءها) لاتؤثمين عليه ياحبيبتي لو تجري جري الوحوش غير رزقك ماتحوش! 7- سيد القوم متغابيهم يعني اذا حاولت تجرحج بكلمة سوي نفسج مافهمتي قصدها وابتسمي وحاولين تنتبهين لشي ثاني. 8- ومن جهه ثانية ردي عليها بكل ثقة وهدوء في امور ثانية مع الاحترام بالاسلوب لكن مع اظهار قوة الشخصية.. يعني يوم قالت لمرة حماج انا اعزج اكثر من فلانه كان قلتي افا ياخالتي عاد انتي معزتج مايعلم فيها الارب العالمين لان الي مافيه خير لاهلة مافيه خير لاي كان مع ابتسامه وتكملين سوالفج عادي! لاتكبكبين القهوة على ايدج الحلوة ولاهم يحزنون.لكن غلبي التغابي وحطي اذن من طين واذن من عجين! 9- وبالنسبة لزوجج ماراح تكسبينه اذا ماحطيتي لنفسج قدر ولشخصيتج معالم محددة (اقري موضوعي زوج تحت التدريب).. 10- اعتذر على الجرأة لكن كوني كبنت هوى في الفراش واستخدمي ايحاءات معينة.. ادوخ على الرجال اللي شخصيته قوية نفسك.. احترم رايك حيل مخك كبير(مع اسلوب المدح تعودينه على جوج خصوصا انه متعطش لنظرة التقدير والاحترام اللي حارمته منها امه).. 11- النظرات .. النظرات سلاح خطييييير غافلة عنه كثبر من المتزوجات ابد ابد لاتنظرين له نظرة الاحتقار لانه وقتها راح يكون فعلا كنظرتك..وانظري له دائما كقطعة من الحلوى تتلذذين فيها يعني انظريله بشهوة واشتهاء وسوي نفسج انج ماتبينه يلاحظ لكن خليه يلاحظ بعدها راح تكون نظراتج مقدسة بالنسبة له. 12-كل هذة الامور صعبة التطبيق لكن مش مستحيلة.. شوي شوي حبة حبة راح تكونين ماستر فيها 13- لاتشتكين من امه مهما سوت هذا الشي مو من صالحج واذا زفتج قدامه كوني كووول وبكل ثقة وبابتسامة شقاقية قولي ليش ياغالية تحرين نفسج ودايم تخلين الامور الهينه تضايقج كل شي بالهون والهداوة يصير الزم ماعلينا صحتج(بتضربين عصفورين بحجر راح يشوفج المراة العاقلة الموزونة ويشوف امه العكس ويحس ان اتباعها في كل شي امر مو موزون ويهد العافية! ومنها تفهمينها ان انفعالاتها ماعاد تودي ولاتجيب معاج)..واشدد انج ابدا ماتزلين عليها بحرف.. لكن اذا زفته جدامج اطلعي من المكان على طول..عشان مايصير تضارب مع النقطه10 وفي النهاية اسفة على الاطالة وترى هذي امور كثير منا مروا فيها ومن كان الله معه فممن يخشى وممن يخاف...
هلا اختي . . . 1- شيلي فكرة الطلاق من راااسج . . . 2- اشغلي نفسج عنها بأمور اهم لاتخلينها هي مركز حياتج واقصى اهتماماتج . . . 3- وعودي نفسج انج ما تهتمين لكل حدث او كلمة شي صعب لكن اقنعي نفسج بهالشي . . . وزوجج هذي امه ومابيده شي ويبي رضاها . . . وربي يهدي الامور بينكم ويهديكم لبعض ويهدي زوجي لج ياارب
أختي الفاضلة. • الحمد لله أنك استخدمت الإحسان والضبط والصبر على ما مضى وعلى ما ذكرت. ولكن يقع الإنسان في الأخطاء بسبب الجهل أو الغفلة، أو أمور أخرى تتعلق بشخصه أو نفسيته، أو تحت ظروف تدفعه لذلك. • اعلمي أختي الفاضلة أن الغيرة في المرأة شيء ملازم لها تختلف درجته من امرأة إلى أخرى. ولذلك لا بد أن تراعي هذه النقطة في أم زوجك. كما أن الظروف التي تمر بها قد تكون السبب في ذلك، فالمسي لها العذر لوجه الله. فاستمري في إحسانك وفي مساعدة ابنها على البر بها. لوجه الله لا لغيره. • ما توصلتِ إليه من الحل والخروج من المنزل أرى أنه الحل الأمثل كما ترينه أنت. ولكن لا بد أن يكون الخروج بطريقة مناسبة وسليمة لا يكون فيها ضرر عليك أو على زوجك، كأن يتلطف مع أمه ويقنعها بأساليب وطرق تجعلها تكون راضية ومقتنعة بخروجكم. أو بطريقة فيها شيء من الحيلة، كأن يريد أحدًا الشقة التي أنتم فيها ومحتاج إليها، و أنكم تخرجون وأنتم كارهون وهكذا في سبيل أن تكون راضية عنكم. • إن خروجك أمامها إلى السوق أو الترفيه والفسحة ومساعدة زوجك لك واهتمامه بك يثير الغيرة الشديدة لديها، ولذلك الخاطئ في هذا كله هو الزوج. فلا بد من مراعاة مشاعرها، أو لا يظهر اهتمامه بك أمامها حتى لا يثير غضبها. فقد لا تجد اهتمامه بها كما يهتم بك وهذا صعب على الأم وثقيل. وسترين هذا مع الأيام إن أطال الله عمرك. • إذا لم تستطيعوا إقناعها في خروجكم استخدموا طريقا آخر، كأن يقنعها في ذلك أحد الأقارب ممن توده وتحبه حتى تقبل منه. • قبل هذا كله عليك بالاستعانة بالله عز وجل، ودعائه بقوة وإلحاح أن يفرج كربك وييسر أمرك. وتوكلي على الله في أمرك كله. • أكثري من الاستغفار فهو خير، فإن من أكثر منه جعل الله له من كل ضيق فرجًا و من كل هم مخرجا. نسأل الله لك حياة طيبة سعيدة، وتيسيرًا لكل عسير إنه على كل شيء قدير.
الحل صيري رسميه معاهم واقعدي بشقتج فوق حبيبتي ولا تنزلين الا بالشديد القوي والله هالطريقه راح تريحج وتريح زوجج وبعدين سوال دام بداية حياتج تعسيه ليش استعجلتي بالحمال الله يهداج ومدام زوجج شخصيته ظعيفه انا اقول اكلي مانع لان شكلهم مالهم امان والله يصبرج ويعععينج واحنا بشهر خير ادعي
