مرحبا بنات لو تزوج زوجك ثانيه وبعد اسبوع دخل عليك في البيت شنوا اول كلمه راح تقولينها له عفيه بنات نبي التفاعل لان هذي اول مشاركه لي انا راح اقوله شفيني ناقصه
انا ماراح اقوله شي لان من باعنا بعناه لو كان غالي اتوقع حبي له راح يتحول كره لاني ماني مقصره معاه بشي واذا فضل وحده علي فالله يهنيه فيها ويظل ابو عياالي وببببببببببببببببببببببببببببس .. ويسلموووو حبوووبه ع الموضووع
اللة يوفقك يالغالي عساك مستانس ترى وناستك من وناستي ليش تخربين على عمرج اكبري بعينة واللة جد ولا كانة شي صار لا تبينين انج محترة خليج عادية ادري ثقيلة بس تحملي لاتنسين الشرع حلل اربع واكيد كل مرا فيها عيب يمكن ماتدرين تكون جميلة بس عيوب الدنيا فيها راح يحس بالفرق وذا جاج لاتكدرين علية هيئيلة الراحة مافي انسان كامل وعرفي انتي فيج عيوب وهيا فيها عيوب فاطلعي بالاحسن بعينة
بمسح فيه الارض واحتمال أقتله شنو احسن مني فيه الي ذبحت الناس بالجهراء عشانه تزوج... أنا بذبحه هو بـس:wink_smile:
بالارادة تقدرين تسوين كل شي كافي انج الاولى في حياتة حكمي عقلج قبل قلبج وانج اول وحدة سمعج احلى الكلام هذا كافي
حبيبتي حبيبتي اول قولي له مبروك حبيبي واعساء الله ان يرزقك ذريه صالحه واثاني قدمي له الطعام والماء والبسمه والباس واتعطري له واكوني مثل السابق انه هوا جنتك وانارك هو البعل فاعساء ان يكون قلبه يطيب لك وايفهمك انك تحبيه والامر الله عن تكوني شرسه انتي بتكوني خسرانه والدين جاز الرجل الربع زوجات واتقبلي
موضوع يرفع الضغط ههههههههههههههههههه انا اقولج مثل خواتي استقبليه استقبال حلو بس قبلها كوني قد حورفتي بعمرج عدل كل شي سويه له الا النوم انتي بغرفه وهو بغرفه الين يعرف ان الله حق ملاحظه كل شي تقدر المراءه تصيطر عليه الا مشاعرها وعسي ربي مايحطنا في الموقف هذا
والله اول شي اسمحولي اتفل في وجهه واقول له روح عسى ربي يحرمك من الوناسه وماتشوفها طول عمرك وعسى ربي يعطيك شرها وماتشوف خيرها وان شاء الله مايجي هذا اليوم يارب لاني فعلالالا راح امسح فيه الارض <<<مااحب مثل هذي المواضيع لانهاااا ترفع ضغطي واكتب الي بقلبي اسمحي لي صاحبه الموضوع
هاذ رد غلط انتي شاركتي زميلتنا ان تسب بعلها واهو يكون جنتها وانارها وايمكن ان تخسره فكيف تردي يالغاليه ان تسبه فاسبشتامه واحرام ان تطلع الزوجه الصالحه لسانها لزوجها انه هوا بعلها واقايدها هوالمسول عنها فمن صلت خمسها واصامت شهرها واطاعت بعله دخلت من اي باب في الجنه فاقولي الله يلم شملهم واشكر الله سبحانه
بنات خلي عنكم المثاليه الزايده اللي تقول أستقبله بابتسامه والبس واكشخله والثانيه تقول مبروك وان شاء الله تتهنى واشرايج بعد أقوله جيب زوجتك عشان تتعشى معانا أقصد جيبها عشان أدوس ببطنها وهو أول شي أتفل بوجهه وتالي أجمع أغراضي وأقوله لو سمحت أبي ورقة طلاقي تلحقني والله يهني سعيد بسعيده مالت عليهم إثنينهم .....*
انا اسوي روحي عادي جنه ماصار شي واصكه ديون فوق بعض افقره بعدين اطلب الطلاق واقوله روح حق اليديده خل تساعدك خذيتك مديون واردك لها مديون
ردودكم ماعجبتني صراحة اصلا مردة لج وذا فيج قصور كان طلقج ماخلاج في ذمتة ادري انة يحير الموضوع اوكي تطلقتي وناسة كافي انج مطلقة حرمتي عيالج من ابوهم شنو الفايدة انتي بين نارين نار انة تزوج ونار الطلاق وين الصح ولا تقولين المرا ماتصبر عن الزوج خل يتزوج بس يعدل وترى الزواج مسؤلية راح يتحملها فوق طاقتة وينفجر وهذا مكتوب لج تدرون انا عقب السالفة كرهت شي اسمة طلاق عيال ابليس يوزعهم كل واحد يجي ويقول انا سرقت يقول مافعلت شي والثاني انا قتلت يقول مافعلت شي والثالث انا زنيت يقول مافعلت شي ناسية التفاصيل بس المهم الرابع يقول طلقت فلان من فلانة فيفرح ابليس اسعد خبر عندة انة فلان طلق فلانة وابغض الحلال عند اللة الطلاق منو ترضين ربج ولا ابليس اصبري ماضاقت الا تنفرج من ربج ادعيلة ان اللة يسخرة لج وذا مو مقصر باي حق معناتها الرجال شاريج في رياجيل مزواج يحب الزواج مو شرط انها مقصرة تلاقينها كاملة بس يبي يرضي ربة راح للحلال ولايقدر ينقي احسن الحريم ويفعل مالايفعل اذا بالشرع وربج راضي انا راضية مو بكيفي االف قاموس بروحي هذا مكتوب غصب طيب بيصير اختبار ربج بيختبر صبرح وبشر الصابرين اذا اصابتهم مصيبة قالو انا للة وانا الية راجعون واللة اكلمكم بالعقل وهذا العقل حبيباتي خلو عيالكم يعيشون بينكم واللة عشانهم ادوس على كرامتي ولا اني يجوني يوم ويقولون يما ليش ابوي طلقج معناتها انهم فاقدين حنان الاب والجو الاسري اهدم بيتي بيدي علية بالف عافية بس لايقصر بحقج وحق عيالج ترى الناس تنظر للمطلقة نظرة سلبية فلانة مطلقة كانك قاطة هدومك وتمشين بالشارع والاعداء واجد ليش اونسهم اذا قالت رجلج تزوج عليج احط عيني بعينها واقولها ياعل عليها بالعافية انا شبعت منة وعطيتها اياة خل تشبع منة على الاقل بالحلال مو بزنى
هي ماقالت ابيكم تساعدوني شنو اقول لزوجي اذا جاني بعد زواجه الثاني .. قالت كل وحده تقوول وجهة نظرهاا الشخصيه اذا زوجهاا تزوج عليهاا شنو تسوي له .. خلو عنكم المثالياات الزايده ترى اللي ايده في الماي مو مثل اللي ايده في النااار هذا موضووع للنقاش وكل وحده تبدي رايها وشخصيتهااا مو وحده راضيه بزواج زوجها واحنا نساعدهااا اذا هي راضيه بزواج زوجهاا فهي حره ولهاا اسبابها .. والله ماشاء الله على ردود بعض البنات المثاليه .. الواحد يتكلم بعقلاانيه ويخليه عنه المثاليه شوي امنا ام المؤمنين عائشه مره من المرات يقول عنها الرسول صلى الله عليه وسلم غارت امكم ..
الحين انتو ليش معصبين كل وحده وقالت وجهة نظرهااا واستغفروا الله واذكروو ربكم في حريم ماتتحمل الجاره وغير هذاا تخاف انهاا تغضب ربهااا بكيد النسااء وهالامور فليش تتعب حيااتهاا ترتااح ابرك لهاا تره كل واحد وله وجهة نظر احنا اهني مو جايين نتهاوش كل وحده تتكلم عدل وتتكلم عن نفسهاا في حريم ماشاء الله عليهم يمكن عادي عندهم ازواجهم يتزوجون عليهم وفي حريم لا مايقدرون وكثير تطلقوو وعايشين حياتهم برااحه الحيااه ماتوقف عند رجااال والحكومه مومخليه عليناا قاصر فرجاااااااااااء انتقو الفااظكم وكل وحده تتكلم عن نفسهااا ومالهااا شغل برد غيرهااا ..
أستقبلة بروح حلوة .. اذا كان يستاااهل وماقصر معاي واخذه للغرفة وقول سولف لي عن زوجتك ان شاء الله مرتاح معاها ومتقصر معاك بشيء ووصيه اذا قصرت معاه بشيء ترى بذبحها ام شوي تكشخ لك وتلبس لك احسن شيء لووووووووووووووووووول
