بنات آنا الحين باخذ كلوميد ببلش بعد يومين وقال لي الدكتور عقب ما آخذهم اروح له عشان يشوف شكثر حجم البويضات عندي وعقب آخذ أبر تفجير .... أبي أعرف منو جرب هالأبر ؟ وين آخذها بالعضل ؟ ونتيجتها مضمونة إن شالله ؟ أنطر ردكم بسرعة
انا حبيبتي خذيتها عطوني اياها من ورا (( خخخخخ فهمتي )) وبس مافي شي انا حسيت بس لمه طلعت الابره شووووووووووووووووووي خفيف عوار ويروح وان شاء الله ربي يرزقج بالذريه الصالحه وهي ابره تعتبر هرمون تساعد على الحمل في بنات ماشاء الله على الابره بسرعه يحملون وانتي ان شاء الله منهم
مشكورة دانة الدنيا144 على سرعتج بالرد إن شالله الله يسمع منج يرزقج ويرزقني بالذرية الصالحة والسالمة ويرزق كل بنات العالم يااااارب
الله يرزقج ان شاء الله بالذريه الصالحه اختي انا خبره اب ابرة التفجير نصيحه اذا رحتي حق الدكتور او شاف البويضه اصغير حجمها لا تاخذينها اعتقد لازم يكون حجم البويضه 22 او 20 لزم تكون كبيره على شان افجرها انتي سالي جم حجمها بصراحه اذا قالج تحت 20 مثلا 17 او اقل او قالج اخذي الابره اسمحيلي هذا مادي تري الابره مو هينا متعبه اشوي او بعدين لمن تاخذينها مايبيلج مجهود او ربي يوفقج ويرزقج اب بنت اولد اطلعولج اقرون او اي سؤل انا حاظره وانا ختج
مشكورة بطوووووطة على النصيحة وااايد بس ما قلتيلي فادت معاج حملتي عليها والا لأ ؟ ووين سويتيها ؟ وبجم ؟
هلا اختي . . . ابرة التفجير هرمون يساعد في خروج البويضات من المبيض لان مو كل شهر تطلع بويضة من المبيض فيعطي الدكتور الابرة علشان يضمن خروجها من المبيض واحتمال تطلع اكثر من وحدة اذا ماخذه منشطات . . . الابرة ما فيها اي عوار تطمني سهالة . . . واقتبس لج رد دكتورة بشأن حجم البويضة : الحجم الطبيعي للبويضة يبدأ من 18-24 ملم قد يصل الى 26 ملم في حال تناول المنشطات والحجم المثالي هو 25 ملم .. اما الابرة التفجيرية فيتم اخذها في حال كانت حجم البويضة من 18-19 ملم وليس اكثر من ذلك فتساعد الابرة التفجيرية على كبر الحويصلة من حول البويضة ومنها تتمكن من الانفجار والخروج ,, عادة تنفجر البويضة بعد 36 ساعة من اخذ الابرة التفجيرية ومنه ينصح بان يتم الجماع يوميا خلال 3 ايام او كما تحدد الطبيبة .. وربي يرزقج بالذرية الصالحة عاجلا غير آجل يارب . . .
مشكورة ام عبدالله على المعلومة راح تفيدني وانتي بعد بنت الشريعان مشكورة على الدعاء والله يوفقج ياااارب
ربي يرزقج اختي.. انا توني مخلصة من كورس الكلوميد ومدة العلاج بالكلوميد 3 دورات شهرية انا اخذت حبة الصبح وحبه المسااا من ثاني يوم بالدورة لمدة خمس ايام.. وفي اليوم ال 11 من بداية الدورة سويت سونااار (( السونار داخلي )) وكانت البويضة حجمهاااا 20 يعني مناسبة للابرة التفجيرية وبعد ماا أخذت الابرة قالت لي الدكتورة انه لازم احرص ان الجماااع يكون بعد 36 ساااعة موعد نزول البويضة.. وسالتها اذا عاادي يكون الجماااع قبل ال 36 ساعة فقالت عادي لكن حرصي علي ان يكون في جماع بعد ال 36 ساعة.. وانا سويت مثل ماقالت الشهرالاول والشهر الثاني بس بالشهر الثالث لما سويت سونار كانت البويضات صغيرة رجعت باليوم ال 14 من بداية الدورة وكانت البويضات بعدهاا صغيرة عشان جذي قالت الدكتورة ماراح اعطيج ابرة تفجيرية لانه البويضات صغيرة... وعلي فكرة الابرة مااااا تعووور بالمرة ... وبالنسبة للحمال في حريم تبارك الرحمن يحملون منهم اختي ربي رزقها بتوووام بعد ثاني شهر من العلاج... وعسي ربي يرزقج ويرزقني باخوو او اخت حق بنيتي....
أنا مجربه الأبره بس عوار بسيط ويكون الجماع علي فترتيين أي تقسمين 36 ساعع نصييين ويكون الجماع فيهم أنا وسويتها وحملت بمشيأت الله الله يرزقج ويرزق كل محروم
مشكورين طبعي السموحة وكندر3 على المعلومات والله يرزقنا مع بعض الذرية الصالحة وآنا الحين خذيت كلوميد هالشهر وآنا باجر راح اروح حق الدكتور عشان يشوف حجم بويضاتي وعلى الله
مشكورة على سآلج والله خذيت الأبرة من 10 تيام وكان يوم 13 عقب الدورة وللحين مابين شي بس أحس فيني عوار بالمبايض وعوار بالحدة شوية بس ماأقدر أقول إني حامل لأن تو الناس على مايبين وإن شالله خير أدعولي يارب
