اشلونكم يا بنات حابه افضفض لكم والله تعبانه هموم ومصايب فوق طاقتي انا حامل على ويه ولاده مادري اشلون بولد وانا عندي هالهموم عندي مشاكل ليلحين ماحليتها يتني مصايب العن ياربي ارحمني شبحل هالمشكله ولا هالمشكله ليش يصير فيني جذيه ليش عمري ما ظلمت احد ولا رحت للحرام ومالي شغل باحد ياما سويت الطيب وخدمت غيري وساعدتهم يكون هذا جزائي يعني اصير ظالمه وازني واسوي الحرام عشان ارتاح واعيش مرتاحه ؟ انا انظلمت والي ظلمني لا يصلي ولا يذكر ربه واهو الي مرتاح وانا الي اقيم الليل وادعي واستغفر واتصدق ومحافظه على صلاتي واقرا قران اعيش بهم وكدر ليش ليش انا قريت ايه ربنا يقول ومن اعرض عن ذكري فان له معيشه ضنكا بس كا انا اذكر ربي ومعيشتي زفت ضيقه وهموم واحزان بس لي متى سنين وانا صابره ايام الفرح قليله بحياتي ياربي انا شسويت شسويت ليش ياربي خليتني عرضه لشماته الناس واكيد الحين بردون يتشمتون فيني اذا ما انحلت مشكلتي قبل الولاده خلاص معناته راح اضيع واتبهدل وراح اعيش بمعاناه استغفر الله تعبت ليش ناس مكتوب لها انها تعيش مرتاحه ومتهنيه وناس تعيش بهم وقهر ياربي احس الموت ارحم والله ياست والله اني قاعده اصلي صلاه الليل واستغفر وادعي واتصدق بس كل شي مسكر بويههي احس ان ربي حاجب دعواتي ياربي ارحمني ياربي ارحمني كل ماقلت باجر بتفرج القاها تتسكر وتضيق تكفون مابي الا دعواتكم والله تعبانه والله لوما خوفي من ربي جان انتحرت وارتحت لان كلش مو متقبله اني اعيش بهالدنيا بس والله مو قادره اصبر تعبت تعبت من الصبر يمكن اييب معاي نتيجه ع***ه والله تعبت احس اني بصارخ وبنهار
اشفيج يا قلبي ليش كل هالحزن عسى ماشر ترا الدنيا ماتسوى وانتي محفوظه عند ربج والله قاعد يختبر صبرج لا تظنين ان الله سبحانه ناسيج ... لا تضايقين يا عمري كلنا عندنا مشااكل والله يسهل عليج ياعمري وكلنا اهني خواتج قوليلي اشفيج يمكن اقدر اساعدج :*
ماقصرتي يا قلبي عساج ماتشوفين الي شفته شقول وشخلي والله احس حتى مو قادره اكتب احس مادري مخنوقه مخنوقه صح كل من عنده مشاكله بس انا مشكلتي راح تصير على العلن والكل راح يدري فيها
أولا أختي أذكري الله والمؤمن مبتلي والبلاء بقدر الأيمان ولا تمنين علي الله بصلاتج أوبقيام الليل وصدقاتج فالله غني عن العالمين ثانيا لج بالرسول الكريم عليه أفضل الصلاة والسلام قدوه فهو أوذي وكذب عليه وحورب من أهله ومن قبيلته يا أختي ويا حبيبتي والله وأنا حاسه من كلامج أنج مقهوره ومهمومه وأنا ماأعرف مشكلتج بس إذا حبيتي أساعدج دزيلي علي الخاص وأن شاء الله أساهم بحل مشكلتج وأسأل الله الكريم الحليم ورب العرش العظيم أن يفرج همج ويصلح أمرج ويفرح قلبج اللهم أميييييييييييين
حبيبة قلبي لا تقؤلين جذي كل شي ؤله حل اكثري من الاستغفااااار سبحان الله سحر رباني ؤعسى الله يفرجلج بس هؤنيها ؤتهؤن ؤكل شي ان شاء الله بيعدي على خير باذن الله سبحانه
ماقصرتوا على كثر ما اسمع عن فوايد الاستغفار ووايد ناس فادهم وبسرعه بس انا مادري ليش سنين وانا استغفر والهموم تزيد والمصايب تكثر يعني ليش انا ما فادني ؟وايد ناس انحلت مشاكلهم بالاستغفار الا انا تعبت تعبت ياربي انا ما ابي شي الا اني اكون مرتاحه وسعيده انا مو طالبه المستحيل ابي اعيش حياه سعيده ومستقره ابي احس بالامان ياربي ارحمني ارحمني ماني لاقيه انشراح الصدر ولا راحه البال بس افكر وهموم ومعاناه
هلا حبيبتي سلامتج ماتشوفين شر لاتقولين ليش ياربي انا جذيه استغفري ربج عن هالكلمه مايجوز تعوذي من الشيطان الحين وريحي نفسج ولاتصارخين وتنهارين بجذيه سلمتي نفسج لشيطان اعوذ بالله منه تعوذي من الشيطان واستغفر الله ومافي الا الخير واجرج محفظوظ عند الله بس لاتقولين ليش تضيعين اجرج وكل مشكله لها حل ؟؟؟؟ والحين قومي صلي ركعتين وادعتي الله يفرج مشكلتج وقولي لنفسج ماراح يصير الا الخير وبيصير خير وكلي امرج لله في حديث قدسي((انا عند ظن عبدي بي...)) يعني قولي خير وبيصير خير كلنا عندنا مومشاكل مصايب بس موكلين امرنا لله مايصير نسلم نفسنا لشيطان اعوذ بالله منه
اصيله ماقصرتي عسى ربي يسعدج بس والله غصبن عليي اشاون بولد وانا هذه حالتي بروحها الولاده يبيلها حيل وقوه وانا الهموم هدت حيلي اشيل هم الولاده ولا باجي المصايب تعبت احس اني بنهار انا كل ليله اصلي صلاه الليل وادعي وارتاح حزتها بس من اصبح الصبح تييني الوساوس والافكار وان مشكلتي ماراح تنحل وبتزيد المصايب
مرحبا اختى مزيونه شوفي ياقلبي هذا كله من الشيطان وصدقيني مافيه انسان ماعنده مشاكل بس الواحد لازم يصبر والله يختبر ايمانج ومايبتلى الا المؤمن علشان يقرب من ربه اكثررر ويكون له الاجر انتى انسانه مؤمنه بقضاء الله وقدرته وان كل شي مكتوب و شوفني والله اني عندي مشكله في حياتي كل مايتقدم لى احد مايصير نصيب بس الحمد الله صابره ومحتسبه الاجر عندالله وقيامه بواجباتي الدنيه والله كريم مايبى المؤمن وحنا كلنا خواتج في المنتدى وانشاء الله نقدر نساعدج انتى اختنا والله يوسعها عليج ويرزقج ويفرح قلبج وخليج صابره محتسبه الاجر عند الله قول اميييييين
ياعمري انتي لاتنسين الله يبتلي العبد اللي يحبه عليج بالدعاء ودعوة الناس الطيبين وانا اخصائية نفسية واحل مشاكل الأوادم ومع هالشي مااالي غنى عن دعوات الناس الطيبين لما تصادفني مشكلة ولاتنسين تبحثين بالأسباب الحقيقية وليس الظنية واي مسااااعدة تحت امرج حياج خاص وبكل سرية والله يهون عليج..
هلا اختي . . . ربي يفرج امورج ويريحج ويريح بالج . . . اسمحيلي اقولج انتي مو موقنة ان ربج بيسر امورج . . . الدعاء والاستغفار يبيلهم قلب مؤمن ومصدق ان رب العالمين قادر على حل اموره . . . ثاني شي ماتدرين الخيرة وين تضيق وتضيق وربج يفرجها . . . ولاتقولين الكل مرتاح على قولة ابوبكر سالم : مافي احد مرتاح . . . شوفي الشي الحلو حامل وربج بيرزقج ظني شكثر حريم يبون هالظنى وربي مأخر حملهم لحكمة ما . . . شوفي الشي الطيب بتصيرين ام وبيكون عندج ذرية شي منج وقطعة من قلبج . . . اتركي هالناس لرب الناس وخلج بانتظااار طفلج . . . يعني بتطلقين ؟!! لاسمح الله ؟ ماتدرين الخيرة وين ! يعني الناااس بتفضحج وانتي المستورة المصلية المسمية خلهم لهم رب العالمين . . . يعني الناااس شنو بتسوي لج ؟ بيحرمونج من رزقج ؟ بينقصون عمرج ؟ الناااس موالهم له اول مالهم آخر . . . ولا تقولين استغفر وادعي وماكو فااايدة الجزع واستعجال الاستجااابة شي مو من صفات الانسان المؤمن وربج كريم وبيسر امورج ولاتخلين الشيطااان يززززززززن على راااسج بهالامور انتحري ،انتي حزينة،انتي مظلومة،انتي مسكينة مالج حظ بالدنيا ترى هالشيطان بيوديج لدرب مظلم ان سمعتيله . . . خلج مع ربج واهم شي اليقين والتصديق ان رب العباد بيسمعج وبيحل امورج على خير . . .
مو انا الي مكدرني اني تطلقت وللمره الثانيه وانا ماعندي سند اخواني مو سند وابوي الله يرحمه انا عندي ولدين والحين يوم قربت ولادتي طلقني حاولت معاه بكل الطرق وابوه كلمه وخالتي كلمته معاند يقول عقب الولاده يصير خير اليهال كلموه انا ابيه يردني قبل الولاده مافيني شده محاكم وقضايا ماعندي فلوس للمحامي من وين بدبر ومحد راح ايي معاي يراكض معاي بالقضايا والمحاكم وحقي ماراح اسكت منه وهو حزتها راح يتبهدل بالمصاريف لان زوجي معاشه مو قوي واهم شي راح اطالب فيه مسكن حاضنه وكل النفقات فلس واحد ماراح اتنازل انا ساءله شيخ دين قال يقدر يردج الحين قبل الولاده بس يقول راجعتك لان عقب الولاده عقد يديد ومايندرى يردني ولا لا انا ضعت ضعت وعيالي ضاعوا ليش انكتب لي الطلاق انا قبل 7 سنين تطلقت منه وتبهدلت ورجعنا عقب 5 شهور والحين اكيد بصير لي نفس الشي حاسه ان الياي مصايب اعظم حاسه ان ربي بيكتب لي مصايب وبلاوي اكثر وطلاقنا على هوشه تافهه والمشكله ان عيالي متعلقين فيه وانا مستحيل اقعد من غير زواج ابي ريال يسندني ويوقف معاي وهم اخاف على نفسي من الفتنه انا الحين قاعده بمكاني ما طلعت بامر من عمي قال لي قعدي وماعليج منه انا ساكنه عند حمولتي واهو ريلي عساس اذا ياتني الولاده قال لي ان اهو الي بوديني المستشفى يا خوفي مافيه امل للفرج خلاص مو راضي يردني يقول عقب الولاده يصير خير انا قاعده ادعي ربي ان يخليه يردني قبل الولاده بس مادري ليش ربي مو قاعد يهديه لي كل ما دعيت وقلت باجر باذن الله بردني ويصالحني القى الوضع يتصعب اكثر ياربي انا حامل ومحد يرحمني بهالدنيا والله الموت ارحم انا ماحملت الا عشانه ولا كنت رافضه فكره الحمل ليش ليش يصير فيني جذيه ليش بموت من القهر بموت من القهر
هلا حبيبتي . . . قطعتي قلبي لا تشيلين هم كبير للهم رب كبير انا قلت لج ماتدرين وين الخيرة ربج اعلم بحالج . . . وبعدين ريلج شفيه ؟ هل هو بكامل قواه العقلية ؟ مافي رجل يطلق الا بسبب إذا ماعنده سبب فمعناته اهو يبيله جلسة كهربا علشان تسنعه . . . ولاتشيلين هم أختي ربج كريم وما تضيق الا تفرج وقانون الكويت -ربي يعزها - قانون انثوي يعني ويا المرأة 1000% اذا انتي ساكنة مع حملتج خلج وياهم وخليه يطلع بره شقتج وربي عيالج واخذي منه مستحقاااتج كاملة مكملة عمج ابو ريلج وامه ماراح يرضون تطلعين من عندهم استغلي هالشي وربي عيالج عند حمولتج . . . وخليه اهو له رب العالمين بيجازيه وان كبروا عيالج صاروا من بعد رب العالمين سندج وعزوتج خلج مع ربج وصدقيني ما تضيق الا تفرج ولا تخلين كل تفكيرج انه ما يطلقج فكري -لاسمح الله - وتطلقتي شنو بتسوين وارد اقولج الخيرة غيبية (في علم الغيب ) ماتدرين وينها . . . اللي عليج انج تسوينه التالي : قعدي وياااه حاولي بكل الطرق تعرفين سبب رغبته بطلاقج ان عرفتيه والا ماعرفتيه قوليله خلني على ذمتك علشان عيالي وانا يتيمة مالي احد غير رب العالمين وغيرك استغلي ضعفج كأنثى وليني قلبه لاتسمعين للي بتقولج كرامتج وهالسوالف انتي ادرى بحالج وظروفج ليني قلبه عليج وقوليله خلني على ذمتك بس جدام الناااس وجدام عيالك لا تعقد عيالي لا تحرمهم وتيتمهم من وجودك وانت عااايش ومن هالسوالف وطنشي وتحملي اي كلمة منه لانه بيكون متخذ قراره وخالص ويبيج توافقين عليه وتسكتين عن مناااقشته طوفي طوفي وتحملي لغاية ما توصلين للي تبينه وهو انج تبقين ع ذمته وعيالج يتربون عنده ومع الايااام ربج كريم . . . وطمنيني عليج
حبيبتي استغفري ربج حتى لو دعيتي ومااصار ربج اعلم ويمكن اذا ماااستجاب لي الدعوه هاذي يرزقج ربج بشغلة ثانية وادعي بالاوقات المستجابة لها الدعاء وادعي ادعية الزوج وايد حلوة وصدقيني عن تجربة والله اقريها بعد كل صلاه ادخلي بالنت وابعثي ودايما شغلي سورة البقرة ببيتج وادعي ربي يسهل عليج وان شاء الله خير ولااتحطين ببالج الموت والله ياااختي اعرف ناس عايشين حالة مااايعلم فيهااا الى ربهم ومع هذا صابرة ومتكله على ربها تقول ربي معاي لااتستسلمين ادعي ربج والله يسخر لج زوجييج يارب
لا انا شقتي عندهم مو سكن كامل يعني ماعندي مطبخ ومو مريح وحزتها ماراح يرضون اسكن عندهم لازم سكن بره وانا حاولت فيه ومادري شنو نيته ومن اناقشه مايرضى يتكلم يطلع ويخليني اهو ماعنده سوالف وخرابيط انا اعرفه وجسيت نبضه والله مادري محتاره تعبت اذا مارجعني راح اتبهدل من وين لي فلوس للمحامي ومنو براكض معاي بالقضايا صج تمنيت بهاللحظه اني اكون انولدت عند ناس اغنيه على الاقل ما اشيل هم الفلوس لكن انا على الله وعلى المعاش وعندي اقساط شبسوي ؟ ياربي رحمتك
شوفي أختي إن شاء الله راح تنفرج أمورج بس أختي وكلي أمرج لله وقولي وكلت أمري إلي الله فهو نعم المولاي ونعم النصير ورددي حسبي الله ونعم الوكيل وطمنينا عن حالج وإن شاء الله ماننساج من الدعاء
