شلونكم بنات :teeth_smile: بدش بالموضوع على طول .. شرايكم بالزوج الي يخش عن زوجته سالفة خطبة وحده من خواته والقهر كللللللله مسوي روحه بريء وانه كان مايدري واهو السوااالف كلها تحت راسه .. لا واسمع صوت الرجاجيل بالديوانيه والحريم بالصاله وانا مثل الهبله ماجني وحده من اهل البيت للعلم انه امي تصير عمته وطبعا العمات ممنوعين من حظور الخطبه حشى اعداء مو اهل اعوذو بالله .. بصراحه سالفه تحرررر وكله كووووم وخالتي لا شافت الناس كوووم ثاني كله تقول والله انها مثل بنتي واكثر >> طبعا تقصدني بنات انا والله ماهموووني بس ليش كل هالحزازيات والجنه كأنها عدوه لييييييش اترك المايك لكم بنات شرايكم بلي صارلي
والله ماني عارفه شقولج بس يمكن أمه قايله لزوجج ما يعلمج عادي يا معوده وايد تصير هالسوالف ولا تحطين ببالج ولا تقهرين نفسج على شي ما يسوى ما قالولج كيفهم ما يشوفون شر اللي عليج تحضرين وتأدين الواجب وتباركين وبس عشان باجر لا صار شي ما يقولون من عين فلانه
ام الحلوات 2 مشكوره عالرد حبيبتي وعلى سالفة العين مايتوصون كل ماصار شي قالوو ايه هذي اكيد عينها >>> يقصدوني طبعا حسبي الله ونعم الوكييييييييل
مرحبا اختى عادى انا صار لى نفس الموقف بايخ بس الحمدالله الخدامة قالت لى انة في ناس ماما .............يبى يسوى زوج انا المعزبة ما ادرى طاف امكن من النوع الا يخفون من العين يعنى وسواسين او من نوع اقضوا حواجكم بالسر والكتمان طاف اهم شي زوج وبس حطة بالج
العفو يا حياتي ريحي بالج ولا تفكرين ولا تبينين لهم إنج مهتمه بالموضوع سوي الواجب وباركي وبس وخلج بعيده أحسنلج
هلا والله والله الصراحة انا بعدني مو متزوجة بس عندي قاعدة قاالولج اهلا وسهلا ما قاالوا مايشووفون شر /// لا تضاايقين واذا دريتي عن شي واهمة ما قالولج سوي نفسج ما تدرين احسن !!! عمات ما يحضرون الخطبة ؟ قصدج لما يشووفونها ولا وقت الدزة ؟ والله احنا الصراحة من بيوون لي ناس يشووفوني خطبة // امي تقوول لحريم اخواني من باب العلم ولانهم معانة بالبيت وموحلوة ما نقول لانة اهمة من اهل البيت واهمة نفس خواتي مو غرب !!
عاااااااااااااااااااااااااادي اكيد قالج مادري هههههههههههه نفس اللى عندي كل شيء مايدري عااااااااااادي
مشكورين بنات بس اتوقع من الذوق ان يعلموني لان وحده من اهل البيت معاهم عشرة عمر واساسا حنا لحم ودم صج اخر الزمان
حبيبتي سواء لحم ودم والا لأ كللللللللللللللللللهم نفس الشي مصيبه جدامج يهبلووووووووووووون ومن وراج خش ودس بس انا انقرصت جم مره وبعدها خذيت قاعده : صرت اسوي نفسهم قبل كنت نفس الخبله كل شي اسولف فيه الحين لأ صرت صم وبكم وطنش تعش تنتعش وهذا حال الدنيا
عمري احسن لك اذا هم مابيغونك تدرين انتي الرابحة ريحوك من الكلام اللي بتسمعينه منهم جت منهم هذي المعاملة الرسميه لالايحز في خاطرك خليك عادي وباركي اذا علموك ولاتاخذين وتعطين معهم في الكلام عن الزوج منهوا الخ عاادي بارك وبس وسكري على الموضوع هم اللي بغوا كذا احسن ولاتقولين عشرة عمر لانا في زمن الله يكافينا شره
هلا حبيبيتى اى والله قهر معاهم بالبيت ولا يعلمووووونها لا وبعد قرابه من الاهل بس تدرين مو لازم يعلمون خليج جذى احسن واخذى وصرى وحزتها فشليهم والله اطقها بالوجه واقول لهم ليش كل هالخش والدس هو زواج علي سنه الله وانا بنتكم اسمع من الناس ومن اهل بيتى لا لايحي بالج
ههههههههههههههههههههههههه عادي ياقلبي مرت الولد تحت المجهر اي شي من عيونها اي مشكله هي سببها يتغاضون عن الناس لكن عنها لا يبه عاادي شلج بالطلايب طقاق يطقهم اللي يقول يقول واللي مايقول مايشوف شر
اذا ملجت حماتج سوي الواجب باركي و بس من غير لا تسالين منو ومتى صار ومافي داعي تعطين الموضوع اهمية لانج راح تتعبين وزوجج مبين موصينه مايقولج وبكيفهم موضوع يخصهم واحسن لج انه ماقالولج عشان باجر تاخذين حذرج ان ماتقولين اي شي يخصج او يخص اهلج لان اذا تبين تعرفين كل شي بالبيت لازم يدرون ولا راح يتشرهون واتبعي معاهم سياسة الصمت وريحي بالج والله مادرو عنج وانتي اخر همهم
استغفر الله كله كوم ومن عينها كوم ثاني واحسن انهم مايعلموني واذا طلع خبر الخطبه قالوا كله منها اهي اللي طلعت الخبر طيب كله عرس شنو الجديد يعني الحمد لله والشكر على نعمة العقل ونعمة الدين
