التعامل مع الزوج اولا : اياكي وتحقيره او التقليل من شأنه مهما كان حسسيه دايما انه مهم في حياتك وانه رجل عظيم راح تشوفين نفسك بعد فتره بسيطه انك انت المهمه في حياته واعظم امراء ثانيا : اياك ومراوسته ( يعني لا تحطين راسك براسه) اذا عصب التزمي الصمت حتى لو كان هو الغلطان وحذاري ثم حذاري ترديني عليه في هذي الحظات بل ّّّّّّّّّّّّّّّ<<<<<<< مزيج من الفصيح والعام خخخخخخ اصبري الين تهدئ العاصفه على الاقل ب3 ساعات ثم قوليله انت فاهم الموضوع غلط لا حظي الي تحتها خط انتبهي تقولين له انت الغلطان علشان ماتقوم القيامه مره ثانيه صدقوني يابنات الرجال مايرتاح لين تصير كلمته هي لاخيره وش انت خسرانه لو سكتي بالعكس راح تنتهي المشكله بسرعه ويرجع البيت هادي لكن اذا رديتي عليه راح تتأزم الامور والي عندها عيال التفتي وشوفي عيالك وشلون وجيهم وقت الهوشه والله هذا الشي راح يأثر على نفسيتهم.. وصدقيني هو في الاخير راح يجيلك ويحاول يعتذر اذا انسان فاهم اما اذا كان قفل فراح يحاول يرقعها بشكل غير مباشر ثالثا : اياك والعناد فهو مدمر للعلاقات اذا كان نفسك في شي وابو الشباب رافض لا تعاندين واتسوين الي تبين لان هذا الشي يناقض البند الاول من النصائح فعنادك له اكبر دليل على انه ولا شي في حياتك.. حاولي تقنعينه بالي تبين واول ماتحسين انه عصب غيري الموضوع وبعد فتره ارجعي وكلميه وهكذا وكل مره جيبي له فيها مبررات لطلبك واطلبي منه مبررات لرفضه. صدقيني في الاخير راح يرضى بس انت تصرفي بهدواء وراح تشوفين انتيجه بس المسأله يبيلها وقت انا هذي سياستي مع ابو الشباب والله انها جابت نتايج ماكنت احلم فيها رابعا : وهو تابع للبند السابق اختاري الوقت المناسب لنقتك (طلبك) لا تطلبين منه شي وهو معصب او تعبان لانه طبيعيا راح يقول لااااااااا لو طلبك ريال لا تطلبين منه شي والعيال يركضون يمين يسار ويلعبون عندكم لانه راح يتوتر وراح يتهرب منك بهواش العيال.. اجل متى؟؟؟ اذا صرتو على الفراش وهو مسترخي ومرتاح اطلبي بدلع وترجي مو امر، تكفى يابو فلان لا تفشلني ومن هالكلام وانتم في السياره بعد سالفه حلو بشرط يكون مروق ولا طولين يكفي انه يحس انك مصره وكل ما حسيتي ان الوقت مناسب اطلبي بكلمه اوكلمتين وبعدين قفلي عالموضوع يمكن اطول السالفه يمكن تحتاجين اسبوع ويمكن شهر ويمكن اقل حسب طلبك وحسب يبسان راس ابو العيال بس انت طولي بالك وخليك صبوره. ملاحظه/ فاقد الشيء لايعطيه عطي زوجك الي يبيه وراح تلقينه معك مثل المسحور. الرجل مثل الطفل لازم تتعاملين معه بطريقه خاصه لانه هو جنتك ونارك. اذا رضى عليك راح يعيش اميره واذا زعل.............. الله يكفينا الشر.. اسفه على الاطاله لكن هذي سياستي والحمدلله مريحتني عالاخر قلت اسدحها لكم يمكن تستفيدون...
رسالة شكر سيدات الكويت العزيزات انتو فعلا روعة وصرتو مهمين في حياتي واستفيد من مواضيعكن وخبراتكن لكم مني جزيل الشكر
رسالة شكر سيدات الكويت العزيزات انتو فعلا روعة وصرتو مهمين في حياتي واستفيد من مواضيعكن وخبراتكن لكم مني جزيل الشكر والله يعطيكنالعافيه
الله يعطيج العافيه ع هالنصايح عن جد راح احاول اغير من طبعي شوي ولو اني مومتزوجه بس اشوف نفسي لما اطلب اي شي من اخواني ماافكر بالوقت اطلب بأي وقت مريض زعلان معصب ... اطلب وبس واخرتها انزف خخخخخ
