بسم الله الرحمن الرحيم ابي مساعدتكم هل من الممكن اطعام الطفل من بداية الشهر الرابع ؟ وماهي الاطعمه المناسبه لهذا الشهر؟ وسامحوني على اسلوبي بالكتابه اول مره اكتب:teeth_smile: موضوع ويعطيكم العفيه
اول شي يامرحب فيكي وخير الكلام ماقل ودل طبعا تقدري الحين تهرسيله فواكة عوديه حتى لو رفض او خضار اسلقيهم واطحنيهم يعني بالتدرج
ايي حبيبتي ممكن تبلشين تعطينه بس الافضل لمن يكمل الاربع شهور ..بس مايكون وجبه كامله لا نفس تذوقينه من كل شي شوي ولازم تلاحظين نوعية الاكل اللي يتحسس منها مثلا الخوخ او البيض وما تعطينه اذا لاحظتي انه تحسس .. يعني توكلينه مقدرا ملعقتين بس تذوقينه مثلا زبادي انواع العصير يفضل فريش برتقال تفاح جزر او فواكهه مهروسه مثل موز مانجا تفاح أرز ,الخضار مسلوقة خفيفة على هيئة شو ربه (بطاطس.كوسة.جزر بزاليا.قرنبيط.بطاطا حلوة.افوكادو الله يخليلج اياه انشالله
حبيبتي لازم ع الشهر السادس تبلشين تعطينه وجبة كاملة اما ع الرابع بس ذوقي ذواقة بس لان الطفل لما يبدا ياكل مبجر بعدين مايكون عنده مناعة مثل الطفل اللي يشرب حليب تصير فيه امراض الحساسية الطبيب قالي جذي
هلا أختي حياج الله ويانا في المنتدى اولا وثانيا يفضل ع نهاية الخامس والافضل السادس علشان ما تصير وياه مشاكل هضمية هذا من الناحية الطبية والاكل لاتشترين لها جاهز ابدئي معاه في الخضروات والارز المهروس والتفاح وابتعدي عن السكريات اهم شي يتعود ع طعم الخضروات واخذي بالج لا تعطينه ابدا شي فيه عسل وفي موضوع للمراقبة ام رشودي عن الاطعمة اطلعي عليه
