بناااااااات مساعده ضررورري بوزارة التربيه ساعدونني

السلام عليكم

بنات بلييييييييييييز ابي اطلع من التربيه باي طريقه ,,, كتبت كتاب نقل وتوقع ولله الحمد

ووافقت الوزارة الاخرى على تعييني بشرط موافقه التربيه على النقل!!

المهم رحت للمنطقه التعليميه (( الفروانيه )) رفضت موجه العلوم احلام بهبهاني وقالت شرط((( تووفر بديل)))

شسوي اللحين وهي تدري اني مابي الدوام واني راح اقدم استقالتي اذا ما نقلت فوق هذاا تبي تدمر مستقبلي
وفوق هذا تتطنز علي تقول شنو يعني راح تصييرين بالوزارة الثانيه!!!!!!!!!!<<<<< طيب انتي شكووو

لا اله الا الله ,, اللهم صبرني يارب

ابي دزة هذوول ماينفع فيهم الا جذي ,, تكفووون بنات اللي عندهااا لا تبخل علي ولها اللي تبي والله والله اللي تخدمني ماراح اقصرر معاها


والحمدلله على كل حال,,, تكفووون بنات اللي تعرف لا تطوول علي صج قربت انهار خلاص

بانتظاركم

هلا أختي . . .

1- استخيري رب العالمين .

2- اكثري من الاستغفاااار .

3- ان ارتحتي في استخارتج للنقل .خلي الوالد زوجج أخوج عمج يروح للمراقب هذيلا ما ينفع وياهم إلا واسطة .

وربي يوفقج يااارب

بارك الله فيج اختي ام عبدلله

الحمدلله انا استخرت ,, واستغفرر كثير لولا الاستغفار يمكن صار فيني شي لكن الحمدلله الله مصبرني بالصلاة والقران

لو تلاحظين مابقى الا شي بسيط لكن الواسطه اللي اعرفها ماتنفع بالتربيه ,,, انا ابي اي وحدة عندهاا واسطه بالتربيه خاصه يعني تمشي المعامله بكل سهوله,, والله المسهل وميسر الامور

ومعاملتي مافيها اي اشكاليه صحيحه لكن ليش توقف عشان بديل !! من وين اجيب البديل!!

لازم ريال يواجهم انا كنت بالمنطقه التعليمه ومارتحت وطلبت نقل ومسؤولتي عصبت شلون انتي ماتببينا وراحت اتفقت مع المديره عشان ماتنقلني وكتبت توفر بديل عشان مااطلع كلش من المنطقه الخايسه وتحولني قسم ثاني بس ربج كريم حولت قسم ثاني ماتمييت فيه شهر ووصل بديل وطلعت منهم

اي والله يام عبووودي,,,, ليش هالنحاااسه بعرف والله مانبي الا فرقاااهم

والموجه الاولى الخايسه حاااطه علي اصلااا عشان جذي كتبت توفر بديل وهي تدري اني ماداوم كلللللللللللش

الله كريم ,, وافتك من وجيهم اللي تجيب الهم

بنات ودي اكمل ماجستير بس انا تقديري جيد ماكو طريقه يعني لو على حسابي بالجامعات الخاصة المنتشرة في الكويت وغيرها ............بنات افيدوني الله يجزاكم خير..............................نسيت اقول لكم اني مدرة من عشر سنوات ...يعني ربما الخبره تنفع

حبوبة مالج الا الواسطة من بعد رب العالمين

هذي مشكله صغار المسؤولين بهالوزارة .. عبالهم حاكمين الكون

و هم ما عندهم ما عند جدي

طيب اذا استقلتي .. هم بعد بتقولج لا ما تستقيلين الا اذا توفر البديل؟؟؟ يحليلهم بس

الله يوفق الجميع

الحمدلله رب العالمين

الله يوفق الجميع.. جزاكم الله خير عل الردود

و ادعولي تكفون الله يوفقني

حبيبتي وعسى ان تكرهوا شيئا وهو خير له ليش تبين تنتقلين صدقيني الدوامات نفس الشئ كلهم

يمكن خيره لج