يعطيكم العافيه بنات الله يسهل علي وعلى كل حامل ويرزق اللي ماعندها بنات انا دشيت بالشهر التاسع وقالي الدكتور احتمال الولاده تكون قيصريه لانها نفس اسباب ولادتي الاولى القيصريه ومحتاره اسويها بالحكومه دامه بنج وماراح احس والا بالخاص وادفع على راحتي اللي جربت الاثنين تفيدني لاني احترت وخايفه
الله يسهل عليج انشاءالله والسهاله اول واخر من رب العالمين حبيبتي انا ولدت بس طبيعي بمستشفى الصباح وكانو معاملتهم وايد زينه للعلم ان ولادتي كانت صعبه حيل ودكتور مصري قال عمليات بس الحمدالله كانت في دكتوره كويتيه ولدتني طبيعي والحمدالله والشكر وتوكلي على الله وروحي الصباح وخلي فلوسج حق استقبال في بيتج واذا كنتي خايفه سوي بخاص وسلامات انشاءالله
الله يهون عليج وعلي أنا نفس حالتج ولدت بالاول قيصرية بالراشد بصراحة رعايتهم روووووووووعه وهذا بعد قيصرية وانشالله بمستشفى السلام ..... نصيحة اشتري راحتج ولا نفسية الممرضات الي بالحكومة جنا قاعدين نطر منهم ........... وعسى الله يهون عالجميع .........
الله يسهل عليش ترى مو بالمستشفى اهي سهلات من الله والله يسهل ساعتش بس الفلوس رايحه رايحه :thumbs_down:بس لما تروح وانت متاحه ان شاء الله والطفل احسن لما تكونين حاسه باي عوار او شي :mskket:mg_smile: ياحلو المستشفيات الخاصة في الاهتمام والنفسيه :biggrin::biggrin::biggrin:الواحد يشتري راحته بالفلوس والله يسهل عليتش وع كل السلميييييييين
شوفي على حسب ميزايتج اذا راهية روحي للخاص واذا يعني الحكومة بس يفضل الخاص غرفتج من تدخلين موجودة والممرضات غصب بيدلعونج وشي اكيد السهالات من اللة بس ماتدرين يمكن باللحظة الاخيرة اتصير الولادة طبيعي اهنيه عاد وين اتدورين اخياط مضبوط وبالسلامة وبلغينا اشصار معاج امانة لاتنسيني بدعوة حلوة بطلعة راس البيبي انه اللة يرزقني بالولد الناس اذتني عندي ثلاث بنات وزوجي الحمدلله راضي بس اخاف كلام الناس ياثر عليه اامانة لاتنسيني بلغيني عالخاص وشكرا
تسلمـــــوون حبيباتي كلامكم يريح شوي ام حــــــووور الله يرزقج بالولد الصالح المتعاافي ويخليلج بنياتج والله يسخر لج زوجج ومايشوف غيرج وحده
حبييتي مستشفى الصباح زين اذا بتولدين بحكومي للقيصريه واذا بتسوين بخاص سوي بدار الشفا وايد زين انا مجربته
الله يسهل عليج يقومج بالسلاامه يااااااااااااااارب ياقشطه وانا عن نفسي ولاداتي الثنتين قيصريه وبالحكومه وكنت اروح على اساس طبيعي باخر لحضه يقررون عمليه والحين انا حامل بالسابع وبما اني جبت اثنين قيصريه فهذا اكيد عمليه والله بولد بالحكوومه لان السهااله من الله اذا كان خاص والا حكوومه وقلت الفلوس اللي بقطها على الخاص اخليها حق تجهيزات طلعتي وحق سفره حلوه لي انا زوجي والفلوس الحمدلله متوفره بس والله انا من وجهة نظري مراجاعاتي تكون بالخاص ولما يجي وقت الولاده اخذ تقريري وارح الحكومه لان والله السهاله من الله وواجد اخطاء الاطباء يكون بالخاص والحكومي وفوق هذا كله اذا صار فيج لاسمح الله شي بالخاص حولوج على طول للحكومه هذا دليل ان الحكومه افضل وعلى الخدمه اللي بالحكومه لاتصارخين وعاملي الممرضات عدل وربي يشلونج شيل انا اذكر ببجري طولت انا بغرفة الملااحظه عشان ينظمون ضغطي ومااتكلم بس دموعي تجيني السستر تمسح دموعي وتقولي انتي واجد زين لان مالي صوت ولما طلبت اشوف ولدي جابته لي وماخلوني والله وحتى بولادتي الثانيه هم ماشفت اللي يقول عنه البنات معاملتهم مو شي ومن هالكلام بس غرفتي دايم تكون خصوصي . ونصيحتي فلوس الولااده خليهم لج تدلعي فيهم يبيلج ترجعين نفس العروس من كل شي والله انا من الحين اجهز ومخططه على كذا دراعه بروح افصلهم . ههههههه اقول حق اختي يمكن اموت بالولاده دراريعي حلال عليج جان ينقز اخوي ويقول لاتحاتين عيالج ترى بعيوني هههههههه كان عند امي قلاص ماي كله كبته بوجهه قالت الله يخليها لعمرها واستغفر هههههههههههه سوالف عجايزالله يخليهم لنا
انا اشور عليج اولدي بالحكومه اوفر واحسن من ناحية البيبي وانتي الخاص مايتحملون المسؤوليه والله يسهل عليج يارب وجميع المسلمات
