يا بنات ابي حل حق مشكلتي المشكلة وما فيها ان زوجي ما يحب اييب طاري اهلي او ان اقولة زورهم يفور ويستخف المشكلة ان يتعذر بأن النسافة طويلة طبعا هذا قبل بس الحين لا يقول ان اخواني مستوايتهم التعليمية سطحية المشكلة انة اهو بس الله علية عندة ماجستير ويحظر دكتوراة واخواني اخوي العود 23 سنة شهادة متوسطة والثاني معهد والباجين صغار بس عقليتهم مو ذاك الزود ماشاء الله على اهلة اخوة مهندس والثاني دكتور طب عام وخواتة مدرسات بس شنو اسوي مو ذنبي ان عايلتي مستواهم التعليمي ضعيف دايم يعايرني والمشكلة ان ابوي من احد الطوائف الاسلامية اي اهو يكرها يقول بالبداية كان يعتقد انة من السلف بس طلع من الاخوان واهو دم ضروسة الاخوان من انة هد السلف والديانة بس دايم يقول انتي زوري بروحج واهو ما يحب يزور والمشكلة الثانية ان زوارتنا من بعد العشاء لي نص الليل واهو يقول الساعة 9 تكونين بالبيت يعني ما يمديني اشوف احد وهم ما عندهم زوارة الكل مشغول باعمالهم واذا خلاني انام يسمعني كلام يسم البدن واتمنى تنشق الارض وتبلعني بس انا احبة واحترمة شنو الحل ؟؟؟؟؟؟؟؟؟؟؟؟؟؟؟
قلبي ترى الناس لاتقدر بالشهادات ومهما كان الاهل على قد شهاداتهم ونيتهم لازم انتى تكبرينهم بعيون ريلك فاهمتني رفيجتى مثلج اهلها على قدهم وريلها واهله طاقين مثل مانقول بالعاميه تقلي اجمع فلوس والهدايه من ربعي وحمواني واقله قدامه من اهلى من ابوى ومن اخوى واقلهم لاخواني ترى شذى وشذى اخاف اتفشل يوم يسئلونهم وببهاى الطريقه خليت هلى بعيون عيالي وريلي واصلين بطيبت نفسهم وكرم اخلاقهم وانتى حاولي بكل الطرق واشوى اشوى وان شاء الله بترتاحي ولو صاحب شهادة كيف المتثقف يسمعش حجى يسم البدن
اي يا اختي والله خوش ريال بس يقول باشر اعيالنا يصيرون مثل خوالهم فاشلين يقول دايم خليهم ويا عمامهم ويوم انام عند اهلي ما برضى انام عندهم يقول يغسلون مخج والله والله اهو يحبني وانا احبة بس اهلي ما يواطنهم كلش
مالج الا تقعدين وياه وتناقشينه قولي الشخص مو بشهادته ومستواه التعليمي الشخص بأخلاقه والله ماراح يسألك شنو شهادتك ومستواك راح يسألك بأعمالك الله يهديه ويسخره لج
انتي قلتيهااا تحبينه وتحترمينه واهوا لازم يسوي نفس الشي يحترمج ويحترم اهلج احترام اهلج من احترامج مو شرط الواحد يكون عنده شهاده عاليه يعني مثقف المثقف يكون مثقف باخلاقه قبل علمه حاولي تقعدين معاه وتصارحينه وتقوليله انج متضايقه من كلامه وتصرفاته وحاولي تقنعينه انه يزور اهلج يا بالشهر مره او عالاقل بالمناسبات...واذا غلط على اهلج حاولي ماتسكتين مو يعني تتهاوشن معاه لا حاولي بينيله انج ماترضين على اهلج وقوليله ماتحبهم كيفك بس لاتتكلم عنهم جدامي مهما يكون هذيل اهلي واحترامهم من احترامي الله يعينج ويسخره لج يااااااااااااااااااااااااااااااارب
حاولت وحاولت بس يقول لا تييبين طاريهم جدامي وجربت هل الشغلة وصج ما صار بينا اي خلاف لين ابوي دق علية ويقولة ليش ما تزور وتسال واهني بطة بوية ابوي وتناجر معاة ومن يومها كل ما يشوفني اكلم امي او واحد من اخواني يتنكد اليوم كلة المشكلة انة اهل ما ينعابون او اقد اعايرة كل واحد فيهم يقول الزين عندي واهو صاج والله المشكلة انة اهل متحميني وحاطيني بعيونهم بس ما ادري ما يحبون اهلي المشلكة انة اخواني شوية ملسونين ويحبون الضغاط وعالية ريلي جديين وايد وايد بعتني عاملني مثل ما اعاملك لاتقط علي كلامي اصير معاك مثل الماي بس قط كلة وحدة يا ويل ويلك ومشكورين يا خواتي على نصايحكم
اوكي لاتجيبين طاري أهلك قدامه أبد>>>وانتي إياني وإياك تقولي لأهلك أو اخوانك عن سوالف رجلك عشان ماينتج الكره والحقد بينهم >>>وعند رجلك اذا جاب طاري احد من اهلك...خلك دفاع لأهلك واخوانك"قولي الحمدلله والشكر لاسكارى ولانكارى ولاهم خريجين سجون " وقوليله دام عندك شهادة عالية بالتعليم كملها زود بالوصل والطيب والنصيحة مو بالمعاير ولاصرتي عند أهلك خلك دفاع لزوجك وخليه المثل التعليمي لاخوانك
قوليله ( لا يدخل الجنة من كان في قلبه مثقال ذرة من كبر) و انتي الله خير اطنان كبر عندك.. بعدين الله عطاك نعمة العلم عشان يختبرك و الله يقول (ونبلوكم بالشر و الخير فتنة) يعني الله بيسالك باجر عن علمك شنو استفدت منه بتقوله تكبرت على الناس فيه.. وبعد قوليله من تواضع لله رفعه و الشهادة مو كل شي بالعكس ساعات خريج المتوسط يتحجى احسن بمية مرة من الجامعي و الدكتور لان الدنيا مدرسة كبيرة و منها ناخذ مهاراتنا و الا الشهايد ماخذينها عشان الوظايف .. اسالي اي جامعي عن اللي خذاه بالجامعة تلقين اغلب شي ناسيه لان ما استفاد منه بحياته و الا انا شكو اعرف الشاعر الفلاني ولد سنة ...و مات عام ....( و انا اولهم خخخخ) وبعدين اذا هو متفشل وايد من هالنسب ليش اخطبج من اصله مايدري انه اخوانج بيصيرون خوال عياله... لاحول و لا قوة الابالله ربي لا تبلانا اللهم انفعنا بما علمتنا و علمنا ما ينفعنا و زدنا علما.. ابتلشنا مع هالدكاترة الواحد فيهم يكلمج من طرف خشمه و يا ارض انهدي ما عليك ادي ما يدري انه اللي يكلمه يمكن يكون احسن منه باشياء وايد او انه اقرب من الله له ذاك اليوم رحت المستوصف عشان الدوخة سويت تحليل وديته الدكتور جان يقول بنفس خايسة طيب مبروك حامل ( عباله ما اعرف اقرا التحليل ) قلتله انا جايه عشان الدوخة تم ساكت و يطالع بجريدته ودق تليفونه جان يرد عليه و سوالف مع رفيجه و لا عبرني انا اخذت تحليلي و مشيت بط جبدي صج الادب فضلوه على العلم و الرسول صلى الله عليه و سلم يقول ( اكثر ما يدخل الجنة حسن الخلق) حبيتي قوليله هالحجي يمكن يتاثر و بعدين حاولي ترزين خوانج جدامه لا تجيبين سوالف ضغاطهم و ضحكهم لان بعض المتعلمين يعتبرون الضحك تفاهة وسخافة و اذكريله المواقف الطيبة و الرجولية فيهم و الله يوفقج حبوبة
المشكلة انة اهو يعلمني مو انا اعلمه والله انة يدري بكل شيء بس هل الطبع الشين الله يهدية المشكلة بدت يوم اخوي عزمة على العشاء وقالة تعال الساعة 8 قال انشاء الله وصلنا بيت اهلي الساعة 7.50 يعني قبل الموعد ب عشر دقايق والطامة انه نوعية ريلي يقدس شيء اسمة وقت ويحترم مواعيدة الي ابعد الحدود ويا ويل ويلة اذا واحد واعدة بموعد واخلف الموعد يمسحة من حياتة المهم صارت 8 و اهو يسال وين اخوج واتصل علية جان يقول والله طالع السوق وبعدين بوصل واحد يعني على العشر اهني اطلعت حق ريلي زيران اشلون اهو يوعد ويعزم ويقول واخرني عن شغلي وما ايي قال انا بنطر نص ساعة واشوف وخلصت النص ساعة وانا وامي نحاول انهدية جان يقول وين اخوانج انا بس قاعد مجابل حريم وينهم كل واحد هايت مني ومناك مو جن اهم بنفسهم محد طقهم على ايدهم وقالهم عزموني وبطها بويهي واوية امي ((قال صج الي ما يحترم مواعيدة مو كفو احد يحترمة بس شاقول هذا طبع خريجي المتوسطة )) وقالي يلا فومي نطلع طبعا انا دموعي اربع اربع طلعنا وردينا وطول الدرب انا اهدي فية واخوي اتصل فية تناجر معاة و ................. ما ادري شقول من يومها اهو شايل عليهم
الزوجه الصالحه مهما كان ماتطلع عيـــــــــــــــوب اهلها جدام زوجها ولاعيـــــــــــــوب زوجها جدام اهلها بالحاله هذي راح تخف المشاكل واذا هو تكلم باهلج بالشينه لا تسكتين وقولي مافيه انسان معصوم عن الخطا ولوبطلع عيوب اهلك لاطلعها بس انا احترمك واحترم اهلك وماانزل لاسلوبك يالمتعلم........ والمثقـــــــــــــــــــف........
حبيبتي طاعة الزوج واجبه انت طيعيه ولا تروحين لهلج فترة بعدين حاولي بطريقتج اتلينين قلبه على هلج .... طبعا قصدي طلعي كيد النسا عليه وبالحلال ..... زيني صورت اهلج ابعيونه ودايما قوليله ان امي والله ماتحب الا انت من ازواج خواتي وهلم جرااااا... ليمن يلين قلبه على اهلج ويقولج المثل اطعم الفم تستحي العين ...... قصي عليه قوليله اليوم امي طابختلك ؟؟؟؟ وقالتلي امانه ذوقيها زوجج واشتري هدية وقوليله اخوي توة راجع من السفر وجايبلك هذة الهدية لك ....ز والله يسخرة لج ان شالله
