السلام عليكم بنات ولدي اليوم صار عمره 13 يوم تقريبا وودي اطهره وافتك من التفكير بهالموضوع بس خايفه يعوره حرام يكسر الخاطر بروحه من غير شي بجااي بعد لو طهروه شلون بنات انا اول ولد عندي وماعرف تكفون اللي عندها خبره تقولي اشكثر يتم يعوره الجرح ومتى يلتام الجرح وشلون اذا بال وانتو بكرامه يعني جم يوم يطوول الجرح على مايطيب ومتى احسن عمر اطهره ووين اطهره حكومه ولا خااص تكفون لا تخلوني ادري اسالتي وايد بس والله شسوي ماعرف اول صبي وماعندي خبره ان شالله زوجها مايشوف غيرها ولا يحب غيرها اللي ترد علي قولو امين
مايبي لها حجي اكييد خاص وروحي مستشفى السلام تطهريهم عجيييييب حراري جنه اسمه ( ينومون البيبي ويسكرون على ريوله وايده عشان لايتحرك ويحط مخدر شوي ويحطه شغله براسه ويحدد ويقصه بالحراري والممرضه حاطه بيدها قلافز وصبعها بحلجه عشان يسكت ) انا ولدي اسم الله عليه طهرته عندهم 3 ايام بس يحرقه شوي وعطوني له غسول احط ماي بطشت واحط منه وانقعده اقل من دقيقه واشيله ودايم مع كل تغير حفاظ احط ميبو كريم هم الدكتور واصفه لي اسم الله عليه رابع يوم انا مسويه له نون طهوره لاتروحين حكومه تطهيرهم سوالف غرز وغيره تذبح البيبي من العوار (والله انا شايفه طهورهم لان رايحه ميداني مستشفى الصباح العمليات الصغره يسدحه والممرضه اتجتف البيبي بيدها ولا مرات مايمسكونه ويحط الحلقه بدون مخدر ويقص بموس ويحط شاش والببيبي يفرفر من البجي ولاااا انت ماتدخلين معاه بعد وبالخاص انا وريلي واختي معاه ) والحين لا اتمين وايد عليه عشان لايحس وديه انا طهرة جسومي بعد 20 يوم شوي يبجي كل ماكان اصغر مايحس البيبي انا ولد خالتي اول ماولدت مرته ثالث يوم خالتي طهرته لان يظل عندهم بغرفة البيبي والممرضات يهتمون فيه وانتي من تطلعين من المستشفى بارده مبرده تاخذينه مطهر انا ماطهرت ولدي عندهم لان كان فيه بوصفار بس اخذي معاج مميه فيها حليب عشان من يتطهر عطيه عشان يرضع وينام وبس
مشكووره مس زيزو على النصايح بس انا خايفه من الحبوب الحمره اللي فيه برووح الحين للطبيب واشوف اشفيه وبعدين افكر بالتطهير وعلى قولتج خلاص برووح مستشفى السلام اطهره اشوه يعني بس اربع ايام يعوره انا عبالي اسبوع اسبوعين جذي انزين بسالج اول ماتروحين على طول يطهرونه ولا يعطيج موعد؟؟؟ وبجم؟؟؟ فضه يا قلبي مشكوره على الرد بس يقولون كل ماكان صغير كان افضل انه يتطهر
اي حبيبتي لاتنطرين عليه ضروري تروحين تودينه حرام ماتدرين هذا شنو وبالتطهير لازم موعد انتي دقي عليهم وحطي موعد بالتلفون قولي لها ابي اقرب شي لان مابي يزيد عمره واطهره عشان لايحس اكثر ويتأذى ولاتحاتين انا مثلج والله عبالي يطول بس مشاءالله مستشفى السلام طهورهم نظيف واييد وشغل الدكتور مرتب انا دشيت والله مع ريلي واختي وميته بجي ماتحملت والله لان ضناي وريلي يصور فيديو ويضحك على :/ فخلج قويه وتحملي كلها 10 دقايق يبجي وبعدها معرس ان شاءالله وحتى لمن تكرمين يبول يحره شوي بس وانتبهي وانتي تغسلينه حاولي احد يغسله عنج احسن انا خفت اختي كانت تغسله وتنقعه وانا اطالع بس هههههه ومالج شغل بكلام الي يقولون يعور ويذبح وماادري شنو اول يومين تلاقين دم شوي بالحفاظه بعدها يروح ان شاءالله بس اهتمي فيه عدل ومالج شغل بأحد انا اول بيبي لي هذا ولي يومج والله ماسبحته كله بيت اهلي اوديه يسبحونه يالله نتعلم ان شاءالله وتصير خبره عندنا 22232000 هذا رقمهم قولي حق البداله ابي قسم الجراحه بطهر ولدي ويحولج عليهم وانتي قولي لهم اذا ماعندج ملف قولي لهم ماعندي ملف بس بطهر ولدي وابي موعد قريب واهم شوي زحمه عندهم بالطهور لان مشاءالله انا حطيت موعد السبت حق الاربعاء حصلت لان شغلهم الكل يمدحه والله يسهل على صلوحي يارب
شوفي حبيبتي لا تودينه مستشفيات وديه عياده كاظم عباس بالفحيحيل عند سوق الهجان ماشاء الله طهارته خمس دقايق لا تخدير ولا شئ ولا حلقه ولا لف يعطيج مرهم وبس ودواه بوله نصيحه عند ه ديه كل عايلتنا عنده بس اول يوم يؤذيج شوي اما ثاني يوم خلاص وانتي براحتج اسالي مجرب انا 2 من عيالي عنده وعيال ولد اختي وعيال حماي وكلهم اي طهريه لما يكمل الشهر مو الحين لانه صغير ومايطلع ولا شئ لا دم ولا شئ حتي لما يخلص الممرضه تجيبه وتوريج هههههههههههههههه ومايشوف شر اذا رجعتي البيت لا تحطين ولا شئ عليه لا مره ولا شئ بس حطي المرهم اللي يعطيج لا تسمعين فلانه وفلانه الثانيه تقول حطي هذا وحطي هذا لااااااااااااااا بس المرهم وتكونين منقعه مره تشممينهاا البيبي بخشمه شوي انتي تحطين شوي علي خشمه عشان العطوور او بخور فهمتي قرقرتي واجد شسوي احب اعطيج بالتفصيل
حبيبتي لووول اقول ودي ولدج مستشفى خاص ابرك من العياداة وبفحيحيل بعد :/ ومشاءالله اسلوب راقي ( لاتسمعين من فلانه وفلانه ) ولاتنطرين عليه اكثر ماكو شغل تنطرين لي صار عمره شهر عشان تموتين بمكانج وانتي تشوفينه يفرفر من البجي نصيحت اخت
مس زيزو ابرار الكويتيه مشكووووووووووووووووووووووووووووووووووووووووووووووريييييييييييييييييييين واااااااااااااااااااااااااايد على النصايح وان شاءالله بطمنكم عليه اذا طهرته
