السلام بنات حبيت اطرح مشكلة بنت اختي متزوجة ولديها ابن واحد ساكنة في شقة بروحها سعيدة بحياتها معا زوجها ومو ناقصة شي له سنتين عايشة بشقة بس للعلم كان عندها خبر بإن راح تسكن عند بيت أهل زوجها لما يطلع اخوة الكبير من البيت ويروح لبيتة اللي كان ينبني قبل عرسها المهم كانت بنت اختي تلمح وتقول لزوجها من بدايات حياتها معاه انها حابة تسكن بشقة ولا له نية تسكن عندهم ومن الاسباب رفضها بالسكن معاهم هي اهل زوجها عائلة كبيرة حيل والبيت متروس حريم اخوان فوق الست مو متأكد يمكن اكثر ولا يخلو من مشاكل لين جت السالفة انه اخوة راح يطلع من الشقة بعد شهرين وبدت المشاكل هي معا زوجها تزيد ووصلت للانفصال وللعلم زوجها يحبها ولا يقدر يفارقها بنات شنو تقدرون تقدمون من نصائح او تجاربكم ؟
تقعد وياه تقووله تعودت على الاستقلاليه تعودت على مكان لي بروحي لو اهلك مالهم الا انت بالبيت ريااال جان رحت وياك بس الحمدلله اخوانك هناك يسدون مكانك و تحدد لها يومين يزورون اهله من الصبح لي الليل و تفهمه ان ما راح تقطعه عنهم
اختي العزيزة (( وطنيه حيل )) ياليتج عرضتي موضوعج قبل لا يردون لبيت اهله كان اول وحده اقولج لا ترد لو يعطيهاااااا كنوز الدنيا الاهل اه يا الاهل سبب هدام البيوت الله يسامحهم عندهم مركزيه يبون عيالهم عندهم واذا قالواا لا قالوااا روح انت المره مشيتك علي كيفهااا شورك عند مرتك ما يهم وين راحتهم المهم المركزيه وهم الزوج مصيبته مصيبه اذاااا قال لا ما راح ارجع ازعلوووا عليه وسمعوه كلام والمصيبه يحاولون يجرحونه بكلامهم وممكن يصب غضبه علي زوجته واذااا قال انشاء الله راح ارجع زعلت زوجته لانهااا تعودت علي نظام حياة غير مستقله تدخل وتطلع وتستقبل صديقاتها تاكل والا ما تاكل تلبس والا ماتلبس حياتهااا لها ولزوجهااا مافي احد يشاركهم فيهااا لكن في بيت اهله راح تتغير النفسيه حتي ممكن انهااا تتأخر بالحمل غير المشاكل مع زوجات اخوانه طبعاا الغيره والله شنوووااا اقولج كلام الافلام هذااا ما يعجبني كل واحد حر برايه لكن ان تقد مع زوجهااا تتفاهم معاه هذا كلام مفروق منه المشكله صارت والله يعينهاااا انا برايي الشخصي اهلهاااا هم اللي يتدخلون يفرضون عليه ان يوفر لهاا السكن بس بطريقه لا يحس انهاا امر او مجبور عليهااا علشان لا يعاند بس انا اكرر لا ترد تزعل لو تزعل ايام او شهور بس لا تدمر بيتهاااا بردتها لبيت اهل زوجها .... اخي نصيحتي من انسانه صج ذاقت الويل من هذي المشكله وبالنهايه انا اللي خسرت اكرر واخذيهااااااااا من اخت خليهاااا تطلع بعذر انها حامل او اي سبب ايام او شهور في بيت اهلها بس تحل المشكله لكن اذا رضت وقعدت حتي لو اسبوع خلاص ما تقدر تتطلع هذاااا وغير ان الزوج راح تتغير حياته 180 درجه لما كانوااا بشقه ما يقدر يتاخر بالدواوين لانه يحاتي زوجته بروحها ما يقدر ياكل بره يفكر بزوجته يمكن للحين ما كلت لكن في بيت اهله يصير ما يحاتي شي اهله بالبيت راح تموت العلاقه بينهم انا ادري ضيقت خلقج بس هذي هي الحقيقه خليهااا تطلع
وليش انتو مقدمين المشاكل كأساس لحياتها ببيت الحموووله في مثل مصري يقول >> امش عدل يحتار عدوك فيك ترى والله موحلووه تنفصل عشان هالسبب اللي اعتبره تافه والله كل اللي اعرفهم ببيت حموله والحمدلله لا مشاكل ولا شي تحط لها مطبخ تحضيري ويصير اكلهم بروح ويعني ماتحتك وياهم حيل اذا اهم اهل مشاكل بس عشان خاطر زوجها تتبعه وين ماراح والله مافي احد راح يسرها غير زوجها والاهل مو دايمين لها والله الاخوان ويا حريمهم والام ولابو يبون يتضايقون عليها واذا فيهم سكري وضغط بتزيد همهم عليهم والله مااشوفها مشكله ان راحت عند اهله .. هذي من وجهة نظري المتواضعه :smile:
لا تجهزون الدواء قبل الفلعه المره مردها تتبع زوجها وهذول اهله ومراح يستغني عنهم هي لاتحتك فيهم واجد بس قعده العصاري وبس وتروح لغرفتها علشان تكسب زوجها ومتخسره ومو كل الي عايشين عند الحموله في مشاكل بينهم وتقبلي مروري
انا اقوول مثل ماقالت اختي كويتيه عسوله شنوو الي يضر المره لي سكنت ببيت الحموله عادي واهي تقدر من نفسها راح تكسب زوجها وحمولتها ولا تفكر بمسأله انها تنفصل تراا والله المووضووع مايسوى ..
حبيبتي نصيحه لج خليها تسكن ويا زوجها لو بعشه الرجال يبي وحده وياه على الحلوه والمره مايبيها وقت الرخا والشده يلقاها تتشكى وتبي اهلها انا مو شايفه الموضوع يستاهل انها تطلب الطلاق علشان بتسكن بيت حمولتها حتى لو خضع وسكنت بيت بروحها صدقيني راح يتغير عليها وراح يحز بخاطره ان زوجته حبيبته اللي كان مفكر انها وياه بالحلوه والمره تهده وتطلب الطلاق صدقيني نصيحه ماراح تكون عنده ثقه فيها اذا اهي طلبت الطلاق لانه بيقول هذي على اي شي تبي تهدني خليها تتعوذ من الشيطان وماتدري يمكن اهو شهر شهرين ويطلع بيت بروحه لانه تعود على الهدوء
لاحول ولا قوة الا بالله تنفصل علشان تسكن عند اهله انا اقول غلطانه ليش تخرب بيتها علي مجهول واهي داريه من الاول وراضيه شنو الجديد بس خراب بيوت تعوذمن الشيطان تكبرها تكبر تصغرها بتصغروالله يهديها يارب
بنات اشكر كل من ساهمت في ردها ...............وأرد وأقول البنت رافضة رافضا تامة كلمتها والمشكلة انهم يحبون بعض حيل ولا يقدرون يستغنون عن بعض
حبيبتي وطنيه ممكن سؤال لو تكرمتي؟؟ البنت بينها وبين اهل زوجها شي؟ اذا في شي بينهم خليها تاخذ شقه وتنعزل بروحها عنهم ولا تخالطهم سلام عليك ياجار انت في حال وانا في حال واذا مافي شي حرام تحكم عليهم واهي ماجربتهم عالعموم مادام رافضه نهائيا خليها عالاقل تتوصل لحل وسط الا وهو تقنع زوجها يسكنون شقه قريبه من بيت اهله
اذا هي تحبه وما تقدر علي افراقه خلاص تعيش معاهم ولازم تضحي ولازم تحب اهل تراهم مايرضون علي اهلهم وبعدين بياخذالمساله اعناد وراح تندم واتمنا ما يجي يوم تندم عليه الله يهديها
حبيبتي عادي تسكن معاهم بس اهم شي تفك نفسها من الكلام ولاتكلم بحد عند حمواتها او خالتها وتحسن معاملتها مع خالتها ولاتدري لعل يحدث بعد ذالك امرا يمكن تصير خيرة لها انها تسكن معاهم
ما احتاج لقلب ...... أرد على السؤال اللي طرحتية أهو بينها وبين أهل زوجها ما صل شي وما في اي خلاف لانها بعيده عنهم لكن أهلها وحريم اخوانهم ايه فية جم خلاف وبين الحريم الاخوان نفسهم هم خلاف يعني في جم وحدة ما تكلم الثانية وقطع صلا لكن الخاله أم زوجها مافيها شي المسكينة كافة خيرها وشرها
اهلللين وطنيه .. حبوبه اذا اهي تحبه حراااااااام تسوي بعمرها جذي .. بس بنت اختج شكلها تحب عذاب الحب هههههههههه :wink_smile: بس نصيحه اخت قوليلها لا تخلي الزعل يطول والله بعدين تندم .. يصير عادي عنده بيقول بتزعل عادي كل يوم واهي زعلانه كيفها .. وانتي عاد ياخالتها انصحيها قولي عادي وظبطي الوضع لها انتي وشطارتج .. وماتنلام صراحه..الله ييسرلها امرها .. واذا وافقت حطي موضوع عشان تجمعين لها نصايح من البنات قبل لا يطيح الفاس بالراس..
اقول والله السبب تافه مع احترامي لكم واذا راحت البيت اهله شنو بياكلونها خل تروح اهي ما شافت خيرهم من شرهم واذا كبرو عيالها هذيج الساعه تطلع كيفها وجذي بتكبر بعين زوجها المفروض تقوله اروح معاك وين ما تبي ولا يضيق خلقك وكلمه ان شاء الله و امرك حبيبي حاضر هذا الكلام الطيب واسكن معاك حتى لو بكوخ المفروض هل الكلام الطيب ما يفارقها الكلام الحلو مو تزعل غلط ياي متى بتفهمون اسباب تافهه وايد
هلا حبيبتي بصراحة انا رأي من راي خواتي انة لازم تطيع ريلها وتروح معة وين ما يريد حتى لوكان المكان ما يعجبها وبعدين دام انه امه كافية خيره وشرها, خلاص ما في مشكلة والحريم الباقيات تعطيهن الاذن الصماء ولا تهتم بهن ولا بمشاكلهن وتكون علاقتها بهن محدوده فقط السلام عليكم وعليكم السلام ولا تسمع لقيل وقال. وبعدين مو كل وحده سكنت مع اهل زوجها واستوت لها مشاكل معهم يعني اهي بيواجها نفس مصير هذيلا البنات يمكن اللة يجازيها خير لانةسمعت كلام ريلها وفضلت على نفسها, وقوليلها تفاءلو خيرا تجدوه. واللة بتكبر في عين ريلها لو دقتلة اللحين وقالتلة اناموافقة اكون معك وين ما تريد بتشوفينة طيران جاي يآخذه و بيقدر لها هالتضحية ولاتخلين الشيطان يلعب بعقلج اكثر ويوسوسلج انج ما راح ترتاحين معهم. هذا الي عندي واتمنى من الله ان يردكم لبعض في اقرب وقت.
من رايي من حقها انها تختار الخصوصيه بحياتها واذا عاشت معاهم بكون لها التزامات ممله .. من رايي انها تقعد معاه وكل شي ينحل بالحوار بس لاتصير أنانيه اذا اهو دخله محدود يقعد عند اهله احسن والدنيا اخذ وعطى الزواج لازم تصير فيه بعض التنازلات ماكو شي كامل .. والله يخليهم لبعض ان شاءالله
هلا أختي . . . يمكن متأخر قريت المشكلة لكن إهي كانت على بينة من أمرها لما يطلع حماها ترد وتسكن مكانه . . . الحمولة ماهي جهنم ولد الناس يبي أهله وجمعتهم . . . مشكلة الحريم يبون يتملكون الرجل بأي طريقة وما يفكرون إلا في مشاعرهم ومصلحتهم ! خل تعوذ من أبليس ترى الرجل مو قاصره شي يتزوج ويسكن مرته بشقة أخوه وخل زوجته ترتاح وتنفذ إللي تبيه وماترد . . . ترى الرجل بدقيقة يبيع حتى لو يحبها والله بمل وتلوع جبده ويطلق وذيج الساع إهي بتندم وتركض وراه لو خيمة بتسكن فيها . . . أدري كلامي قوي شويتين لكن ما أحب المرأة إللي تفكر بنفسها ع حساب زوجها وإهي عارفة بالاتفاق المسبق . . .خل تعوذ من أبليس تراه قاعد يم أذنها وييزن زن زن إنها تعنّد وتصر ع رايها . . .
