بنات فزعتكم

:red_smile::red_smile:السلام عليكم بنات شحالكم
بنات بدش في الموضوع على طوول
يوم الخميس عازمة ربيعتي ابغى اسوي طبخة مميزة وحلا لذيذ فأباكم تساعدوني بأفكاركم العجيبة
لاتبخلون علي بفزعاتكم :sad_smile:

اممم ع شنو عازمتها أقصد وجبه رئيسية أو عادي

الحين امرج ونروح قسم الوجبات الرئيسيه والحلويات ونتذوق انا معاج كل انواع الاكل الموجود هههههههههههههههه

اضحك معاج يالله قولي على عشا او غدا عازمتها
تدرين اكل الليل مب مثل اكل النهار

هههههه ياحلوج يالمزاين

لا عازمتنها على عشااء
ماانحرم منكم

بنات وينكم =(

الحلا تفضلي :


(حلا الحليب المحموس )

المقادير :

كوب ونصف حليب بودره ((محمــص))
أصبع ز بده
علبة قشطه
3 بيضات
فنجال قهوه سكر
ملعقة شاي بيكنج باودر

الطريقة:
نضع جميع المقادير في الخلاط
ندهن صينيه بايريــكــس بالزيت ونضع نصف الخلطه




ندخلها الفرن وتكون النار مفتوحه من فوق ومن تحت وراح تستوي لكم الطبقه في 5 دقايق تقريبا
وبعد مانطلعها من الفرن نضع الطبقه الثانيه وهي:
علبة حليب مركز
و8 حبات جبن كيري
نخلطهم مع بعض في الخلاط ونصبهم فوق الطبقه الثانيه


ندخلها الفرن ونفتح عليها النار بس من فوق وبتاخد 5 دقايق على ماتجمد الطبقه بس إنتبهو لا تحترق عليكم وبعده نصب باقي الخلطه الأولى
وندخلها الفرن وبعد نفتح عليها النار بس من فوق وبتاخد 5 دقايق على ماتستوي


وقبل مانقطعها ندخلها الثلاجه عشان تبرد وتجمد شوي


وهذا الشكل النهائي :

وهذا طبق مجرب من احد العضوات بعالم النت :

مسقعة بطاطس + باذنجان بالباشميل


المقادير


الكميات تحددوها حسب الرغبة


بطاطس مقطع دوائر
باذنجان مقطع دوائر
لحم مفروم
بصلة صغيرة
فلفل رومي
طماط + معجون طماط
ملح وبهارات مشكلة
باشميل للتغطية


الطريقة


1- نقلي البطاطس والباذنجان ونخليه على جنب
2- نشوح البصل مع الفلفل الرومي وعقبها نضيف اللحم مع البهارات والملح
3- نضيف الطماط مع ملعقة معجون طماط عشان تصير صلصة اللحم حمرا ^^
4- نحضر الصينية نحط طبقة منوعة من البطاطس والباذنجان بالاسفل وعقبها اللحم والطبقة الثالثة البطاطس والباذنجان من جديد
5- نغطيها بالباشميل وندخلها الفرن تتحمر


تقدرين تسوينها بالدجاج

وبضيف في القسم طبق :

ستيك دياي بصوص المشروم

وهذا رابط الوصفة :

http://www.kuwaiteya.com/vb/t175897.html#post1522766

ام عبدالله عسى مانحرم منج يااارب
وربي افدتيييييني وااايد

يزاج الله الف خيييير فعلا وصفات حلوة وسهلة

هلا حبيبتي انتي ماوضحتي هي عزيمه رسميه وله اول مره تعزمينهم بيتج ترى في فرق اذا كانت عزيمه رسميه وله عاديه ارسميها تحتاجين اطباق رئسيه بصياني كبيره وتقدرين تسوين يمها تشكيله مثلا اعرف طريقة البرياني الايراني حيل حلو وبعطيج الطريقه وبعطيج طريقة صينية دجاج ايطالي غريبه ومو معروفه وعجيبه بتدعين لي حبيبتي.
البرياني تجيبين الدجاج وتبلينه بليل بليمون والكمون وشوي سوي سوس وثاني يوم تحمسينه وتسوين له نفس المرق مو واجد يعني المي يغطي الدجاج وشوي زياده بس وبعدين تقطعين. بطاط مكعبات كبيره ومقليه وتحطينهم مع الدجاج
وجدر ثاني تحمسين فيه بصل وخضار مشكله وينفع تحطين الخضار المجمده المشكله وتحطين كامل البهارات هيل مسمار دارسين فلف ابيض واسود وماجي وتاخذين شوي من مي الدجاج لرز ويبقي شيء بسيط بقاع جدر الدجاج وبعدين رزج لمن يستوي ويبقى عليه شوي عشان ينطبخ مره ثانيه مع ادجاج. نجي لدجاج تحطين عليه علبة روب وتخلطينه وتكبسين الرز عليه حاولي تلونين الرز وتنثرين عليه كركم مذوب يعني نصه ابيض ونصه اصفر

مارلين مانحرم منج ياقلبي
طيب وشو عن صينية الدجاج الايطالي الغريبه اترياها تراج حمستيني عليها وايد