قوه حلوين في عضوه اسمها zohor اكيد عرفتوها كانت حامل باخر شهر وقالت ان دخولها الخميس مو اللي طاف اللي قبله وبعدين المسكينه ما بينت مادري شصار عليها والله قاعده احاتيها مادري شصار عليها تعودت على ردودها ونصايحها بعدين فجاة انقطعت اكيد ولدت بس ان شالله الله سهل عليها وترد تطمنا عنها المسكينه كانت خايفه من طلق صناي والله حاسه فيها يارب تطمنا عليها بنات بليز اللي تعرف عنها شي تطمني والله قاعده احاتيها تعودت اشوفها موجوده والحين فقدتها وابي اتطمن عليها
هلا حبيبتي اكيد تكون ولدت بالسلامه وكلنا نحاتيها تلقينها لهت مع البيبي والنفاس معذوره والله الولاده والنفاس مو شويه وناطرينها تطمنا عليها
انشاءالله ترجع لنا بالسلامه قالت يمكن تدخل ولاده يوم الخميس وخايفه من الطلق الصناعي وكنت اواسيها ماأدري اولد انا بنفس اليوم يارب تطمنا عنها
اي والله انها ببالي واحاتيها بعرف شصار عليها وكل ماحصلت لي فرصه ادش المنتدى اسأل عنها وللاسف ماكو ولا احدطمنا عليها ان شاء الله تكون بخير وعافيه اهي وضناها ومامنعها عنا ألا كل خير
