بنات نبي جمعه للي ولادتهم 2-3-4 2010 خلنا نستفيد من بعض السلام عليكم انا حبيت نسوي جمعة ونستفيد من بعض للي ولادتهم بهالوقت ونشتكي لبعض ونتحاور حوار فيه فائدة. حلوة نتحاور ههههههه على الالم واللوعة والفرحة وكل الي تحسينه خلونا نفضفض
رح ابتدي انا اول وحدة انا ولادتي اخر شهر اتنين على خير وحدي مالة من نفسي واتوحم على كل شي وما اقدر اكل شي لغز صح هههههههههه
الله يقومج بالسلامة يارب وعقبال الكل يارب شدعوة ولا وحدة بتولد بهالشهور بس انا ليش ما تخلونا نتشارك ونسولف ونفيد بعض ارجو المشاركة من الجميع
يا هلا بالمواضيع الجميلة يا غالية انا موعد ولادتى اخر شهر 2 متلك الله يعينى ويعنك حببتى الؤلؤة ويعين كل اخواتنا فى المنتدى انا كل يوم بحال جديد مو مستقرية على حالة لكن نفسى تشتهى كل شىء والله زوجى تعب من متطلبات كل يوم اقول نفسى فى صنف جديد يجرى يجيبهولى هههههههههههههه عايشة اخر دلع دعواتكم للجميع بالتوفق اللهم امين
والله وانا نفسك يا زهرة حدي دلع وتعب بس المشكلة الي اواجهها اني صايرة ما اقدر اصلي ولا اسوي اي شي كله اجمع صلاتي من كثر النوم واحس بالذنب وصايرة ما احب الجماع ولا ريحت زوجي ولا احب حتى اتسبح ما ادري شسوي
مرحبا حبيت أشارك معاكم انا ولادتي شهر 2 ان شاء الله وانا بعد اللوعه تروح وترد على حسب الاكل اذا كثرت أنغثيت ولاعت جبدي الله يعييييين
سلام عليكم..... شلونكم يا حوامل .... وية طاع اشكالكم مع كرشكم... هم انا مثلكم ولادتي بتكون باذن الحي القيوم في اول شهر 2 ... نساتي الحمد الله وايد وايد سهلة ومو صعبة نفس حمالي الاولي .. بس مشكلتي اني وايد قاع احب الاكل وقاع امتن بشكل فضيع.. وكرشتي وايد كبرت جني بالسادس... وانا توني بكمل الرابع عقب جم يوم... بس اجمالا كل ما اشوف ياهل توة مولود استانس واتشوق حق اليوم الي رح اشيل فية ثاني مولود او مولودة لي... مادري قمت احب اليهال اكثر واكثر فديتهم... والله يقومكم وانا معاكم بالسلامة .. بس لحد الحين مادري بشنو حامل
اهي اهي اهي انا ولادتي بشهر 3 و مزاجي متقلب بس اتهاوش مع زوجي ونفسي بخشمي وذابحني المساااااااااااااااااك مادري شنو اسووووووووووي والحين فيني نشله وبس اجلس ابجي واصيح مدري وش فيني تعبت ساعدووني
وية الله يعينكم... خو الامساك صار عندي عادي... والضيقة بالصدر عادية بعد بس حق الي لايعة جبدها اكو حبوب وايد ريحتني خاصة للحوامل اسمها ... Navidoxen ووايد رخيصة يمكن باقل من دينار بس خطيرة تهون وايد عليكم النساة كل يوم اخذو حبة منها ومرات حبتين ماتاثر .. ولا تنسون الفيتامينات وحبوب الحديد
السلام عليكم اخواتى الحوامل انشاء الله انا ولادتى بشهر 3 ربنا يكملكم ويكملى على خير بس انا بقى مش حاسه بحاجهغير وجع فى بطنى بيجى ويروح ساعات بيكون جامد وساعات عادى بس نفسيتى جدا وحشه وبعيط كتير جدا والنهارده نزلت زوجى زعلان منى مع انى والله فرحانه جدا لان ده اول حمل لى بعد سنه زواج بس مش عارفه ايه اللى بيحصلى كمان انا اشتغلت فى شركة قريب بعد اسبوع نفسيتى جدا وحشه منها ومش عايزه اكمل فى الشغل وعايزه اسيبه مش عارفه اعمل ايه بالله عليكم اخواتى انصحونى انا فى الغربه هنا لوحدى ومعنديش حد اتكلم معاه والله انا بكلمك ودموعى نازله اتكلموا معايا ارجوكوا
الله يهووون عليكم ياحوامل مدري ليش مستعجلين انا توني والده ولاعت جبدي من صياح الجاهل ههههههههههههههههههههههههههههه كان وحامي على المنجا والهريس امووت عليهم وكانت تلوع جبدي وحامي استمر للتاسع تقبلو مروري
انا ولادتي باول 2 الله يسهل ع الجميع ويقومنا بالسلامه وانا عن نفسي كرهت ريحت غرفتي مع انها تلق من النظافه ومعجون الاسنان بسسسسس شسوي غصبن علي استخدمه وليما الحين جبدي تلوع علي وتوني جديده مااعرف بالحمال شي
هلا وغلا الله يوقومكم بالسلامه انا ماراجعت الدكتور للحين وما ادري يمكن ولادتي شهر 2 او 3 وما افكر الا بالمستشفى اللي اولد فيه لاني متعقدة من العدان وكل ولاداتي كنت اقووول ماراح اولد فيه لكن من الخوف من العمليات وبما ان فيني سكر حمال فارجع واروح اتبهدل بالعدان والله يعين ...... لكن هالمره غير انشاءالله اي مستشفى تنصحوني ......
خواتي الغاليات ممكن انظم وياكم ؟ انا امس حللت واطلعت نتيجة التحليل ايجابية الحمدلله واحتمال ولادتي بأول شهر 4 والله يتمم علينا انشاءالله ويرزق كل وحده اللي تتمناه
انا ولادتي اول شهر 3 يعني الحين انا بالشهر الثاني ونساتي غير حمالاتي الي طافوا تعبتني حيل بغيت اسأل تراجعون عند منو ومنو احسن دكتورة بليز ردوا علي بالخاص
أنا أنسحب من تجمعكم لاني اليوم سويت سونار وطلع الجنين ميت وباكر بسوي تنظيفات ادعولي والله يتمم عليكم وتقومون بالسلامة
