السلام عليـكم ورحمه الله وبركـآته :frown: بنـآت انا بقول لـكم السالفه بدون مقـدمـآت وأرجووكم سـآعدوني أرجووكم :frown: انا بنت ابلغ من العمـر 15 كنـت ادخل الشآت وأتعرف ع شباب :frown: وتعرفت ع وآحد وضفته عندي بالمسن :frown: مرت 7 شهور ونحن دووم نرمس ويا بعض ما نفترق مول بس الحين هو ما يدخل المسن ما ادري ليش من يوميين وانا يالسه ابكي و كله حزينه والله ما كنت اعرف اني احبه وآيـد كنت احس عآدي بس حسيت بالحب فجأه :frown: قبل هو قال لي انه يحبني وانا قلت له بس مجآمله :frown: هو دوم يقول لي لا تدخليين الشات وجي بس هو يعرف انا ارمس شباب ودوم يقول انتي ترمسين شباب لين الصبح بسس انا احبه ما قدرت انساه حذفت الشباب كلهم يلي عندي كنت بحذفه ونزلت الدمعه من عيوني ما قدرت والله حتى يوم انام احلم فيه واقوم من النوم اقرى القران وارجع انام وارد احلمه مدري ليشش بنات انتو يمكن بتحسون السالفه تافه بسس والله انا عندي مب تافه أحبه وآآآيد بضحي بعمري عشانه بس ابيه يرجع :frown: انصحوني بنات ارجوكم أدري مستحيل تكمل العلاقه اخرتهآ فراق وشش اسوي بلييييييز بنات
لا حول ولا قوة الا بالله والله النت بلوه انا بنتي اصغر منج بشوي بس واثقه فيها مو زين تسوين جذي و بدايتج غلط بغلط , الفراغ و ما يسوي انتي بعمر الورود المفروض تشركين بنادي تنمين مواهبج تلعبين اما تكلمين ! ! السالفه فيها عتاب كبير لج شنو متوقعه نرد عليج ؟؟ بنظرج صح الي تسوينه ؟؟ راس الغلط و البدايه غلط شلون نفسج اسمحت لج ؟؟ الله يكافينا الشر ماما تعوذي من ابليس و خلي عنج هالخرابيط مو زين عليج لي درت امج مسكينه خليج مفخره لاهلج و بعدي عن هالسوالف انسي الموضوع و ابدي بدايه يديده
حبيبتي … انا بطلب منچ طلب ابيچ لمدة خمس دقايق تخيلين انچ انتي الام وبنتچ تگلم واحد شنو راح يگون شعورچ؟! وعلى فگره انتي خنتيييي اهلچ وهذا طبعا محد يرضى فيه … حبيبتي ياريييييييت تترگينه … لا تقولين ما تقدرين صدقيني تقدرين … في طرق وااااايد تخليچ تترگينه … انتي بس انوي وتقربي لربچ واهلچ اگثر وصدقيني بتقدرين … واتمنى من گل قلبييي گل بنت نفس حالتچ الله يهديهااا وتترگ هالسوالف والله من گل قلبي اتمنى هالشي … وإن شاء الله تبشريني بانج ترگتيه …
فديتج توج اصغيره وتبجين وتعذبين عمرج توج ماشفتي شي انتبهي على دراستج وحياتج تبين تكونين الافضل شوفي مستقبلج طوري من نفسج هالدائره الي يسمى الشات للناس الضايعه((سوري)) بس صج للناس الي ماعندهم شي بحياتهم يائسين انتي بنوته شحلاتج بزهرة شبابج خو شوفينا اول لانت ولاشي عايشين حياتنا نلعب ونستانس ومتوفقين بحياتنا وهذا احنا عاصرناكم بالنت بس ماحوطنا نفسنا بطوق الالم والعذاب بالع** عشنا على فطرتنا فديتج من نصيحة اخت اكبر منج راح تضحكين بعدين على نفسج فكري اني والله ابي اصير متفوقه عشان افرح قلبي اهلي وارفع راسي وراسهم,, ربي يسترعليج ياقلبي
لا حول ولا قوة الا بالله صدقيني يااقلبي انك بطريق الهلاك وهو الحين يبي يختبرك بتقدرين على فراقه واللى لا عشان يجبرك على اشياء مالها لا اول ولا تالي وهذه حركات شباب الضياااع وانبهي غاليتي من المجهول وربي ان فيه ناس ما تخاف ربها والغدر يمشي بعروقهم واحذري المجهول حبيبتي قبل ان تندمي وبعدها ما ينفع الندم 0000 الله يستر عليك وعلينا وجميع بنات المسلمين
شوفي حبيبتي دام انج تقرئين القران يعني تخا فين ربج اشرايج بنفسج وانتي بروحج تكلمينه بالمسن والله يشوفج ربنا غفور رحيم توبي لربج من قلب واتركي عنج هالنزوه وادعي انه ربنا يرزقج بالحلال شخص يحبج ويصونج وصدقيني الموضوع موحب بس انتي حبيتي كلامه الي يكتبه لج وعلي الاغلب يقوله لعشرات غيرج دايما صداقات النت خدع وندم للبنات لاتخلين نفسج رخيصه لاي شخص والله يوفقج
لا حول ولا قوة الا بالله غلاتي ليش تكلمين شباب بالمسن ما تدرين ان حراااام ... ما تدرين انج صرتي خاينة ... الان اهلج عطوج الثقة ... لكن الله يهديج انتي خنتيها ... انزين ليش ما تقولين لــ اهلج انج تكلمين شباب بالمسن ؟؟!! تخافين ؟ صح؟ ... يعني انتي تدرين انج غلطانة من الاساس !! انتي ما استفدتي من قصص البنات الي بدأت بمثل حالتج ... و دايما تنتهي مثل هذي القصص بموت و ندم البنت لا تخلين لنفسج عبرة لغيرج ... انا ماني مخوفتج و لكن هذي الحقيقة و اعتذر اني قلت هالشي بس ليش تعذبين نفسج و تبكين على شي ما يسوى مع هالوحوش الكذابة ... هذولي ما يبونج تكونين سعيدة بدنيتج ... ولا يبون الخير لج ... لا تصدقيين احد منهم حتى لو حلف لج الانهم اصلا ما يخافوون الله ... لا تعطين الاي احد الثقة ... و اتركي عنج هالسوالف و خافي ربج ... و بقوول لج نصيحة مني اتمنى من كل قلبي تنفذينها : احذفي برنامج الماسنجر من اساسة ... اذا تبين لنفسج الخير و الامان ... نفذيها ... و اذا تبين تكلمين صديقاتج او اي وحدة تصير لج كلمبها من التليفون ... و انسي انج كلمتي شباب او تعرفتي عليهم ... و ابدي صفحة جديدة بينج و بين ربج ... و اطلبي من ربج المغفرة و الرحمة .... و لا تكلمين شباب مرة ثانية ... لا بالمسن و لا بالمنتدى و لا بغيرهم ........ و ادري ان كلامي كان قاسي ... لكن انتبهي و احذري منهم هالذئاب .... و بالتوفيق غلاتي
صدقيني شوفي أنا قريبه شوي من جيلج وفاهمتج بس شوفي أنا لما قنت كبرج كنت مثلج بعدها قلت بنفسي لو نزل ملك الموت علي شبسوي و لو طلع اللي أكلمه يعرفني شبيصير شوفي بقولج شتسوين أول شي صارحي أمج و دوري ع السبب اللي خلاج تكلمينة و علمي أمج أو أختج الكبيره واعتذري منها ثاني شي اهتمي بدراستج و بنفسج وبدارج .... ثالث شي اهلج عطوج حرية ليش تستغلينها بشي غلط و هذا كله يبي إراده ربج عطاج فرصه وسترج ولا تضيعين عمرج وتنسين روحجgood luck
حبيبتي انتي مراهقه يعني سوالف يهال ولو اهلج يدرون بيذبحونج وصدقيني مثل ماقالوا الأخوات بكره بيصورج بيفضخج
الله يعينك ع نفسك بصراااحه لازم تبتعدين عن هالسوالف انا رفيجتي تعرفت ع واحد بس والله ماقالت لاي شخص حتى انا ماقالت لي وحبته لمدة سنتين وبعدها واعدته في بيتهم الفجر بس منو شافتها امهااا وجاات امها ضربتهااا وضربته وقعدت اخوانهااا يعني صارت سالفه وانفضحت جدااام اخوانها وابوهااا وللعلم محد درا بالبيت بس 3من اخوانها وامها وابوهاا واختهااا بس انزين قالوله دق ع اهلك لازم تتزوجوون دق الصبي كاان خايف ع نفسه لايذبحوونه اهلا جوو وش قالوا احنا مالنا شغل فيه هذا دايح المهم راحو الشرطه يبوون يشتكوون عشاان زواج مغااافر بس الصبي غمز لاخوانه ان مايبي يتزوج ويوم وصل للمغفر انكر كل شي واهلها تنازلوا عشاان مايبوون الفضايح وتصير سيرتهم ع كل لساان بس طاحت البنت من عين اهلهاا وقاموا مايحاجونها اساسا اهي مالها عين تتكلم وزوجها لواحد رجل بالدنيا ورجل بالاخره بس عشاان يخلصوون منهااا,,,,,, ابي اسالج انتي تبين نهااايتج مثلهااا يحرمووونج حتى انج تختارين شريك حياااتج حبيبتي لاتقولين نحب بعض لان لو يحبج صج مارضا عليج اللي تسوينه وخااف عليج وخطبج هذا مو حب هذا تسليه امي دايمن تقووول النفس اللي مايقدر عليهااا تهينه واختي الكبيره عسى ربي يوفقا من بلغت نصحتني وقالت عمر اللي ين**ر مايتصلح وهذا خط اذا عديته ماتردين الا وانتي وووصخه سووووري يعني وابوي الله يرحمه قالي البنت لها حبين بحياتها حبهااا لابوهااا وحبها لزوجههاا صوني نفسج واتركيه عنج واتجهي لربج ابرك لج وافيد لج وخااافي يوم ماينفع فيه لوووووم
عزيزتي الماس اتمنى انج تكوني مثل اسمج الماس ومايأثر فيج اي خدش او اي شاب ترى كل الشباب اللي في الشات جذابين ويقصون على البنت ويلعبون بمشاعرها واكبر دليل انه مل وماقام يدش المسن انا من رايي انج تهدين هالطريج الغلط وتتعوذين من الشيطان ولاسمح الله اهلج والا اخوانج دروا ترى بتتوهقين وبتتورطين ساعتها نفس ماقالوا العضوات بتطيحين من عين اهلج واحتمال يسوون شي مايرضيج اسال الله انه يوفقج ويبعد عنج عيال وبنات الحرام ويبعدج عن هالطريج ~
