تبين ويه صافي وخدود ورديه وشفايف ناعمه ومحمره وريول طريه ومورده مثل البيبي؟؟ حياااااج

لاتطلييييييييييييين دشيييييييييييييييييييي ترى اشوفج


شلونكم حبايبي إن شاء الله الكل بخير وعافيه؟؟


حبايبي موضوعي هذا بس للي تبي تصير مثل الورده وكيييييييييييييييكه وترفه ونااااااعمه مثل الحرير

والكل يحجي عنها ويغار منها:wink_smile:..

والاهم من جذي مايكلف وهم مايتعب لما تسوينه ونتايج فوووووريه

واللي عندها مناسبه معينه وتبي الكل اتبقق عيونه عليها (قل اعوذ برب الفلق)

واللي عندها يمعه وتبي بنات عماتها وخالاتها ..الخ..الخ..الخ يسئلونها شمسويه؟؟

اقولها أبشري بعزج وماطلبتي شي الحل موجوووووووووووود

وراح اتكلم لكم عن فوائد واستخدامات العكر الفاسي اللي فتحوا عيوني عليه المشاركات بحملتي فديتهم
وشوقوني أبحث عنه وطلع كل استخداماته والخلطات المفيده اللي يدخل فيها وتخدم نعومه وتصفيه وترطيب البشره

وطبعا أغلب الوصفات عدلت عليها وزدت عليها من خبرتي بحيث تكون اسهل وممتعه بالاستخدام وبعضهم

واللي مايعرفون العكر الفاسي


فأقولهم:-

العكر الفاسي

عبارة عن بودرة لونها احمر تنباع عند العطار او عند التاجرات اللي يوفرون المنتجات المغربيه


وراح أبلش معاكم بالترتيب وكل وصفه صورة المكوناتها تحتها



*قناع لتصفية البشره*


قفشه كبيره ماء ورد +راس قفشة جاي صغيره عكر +قفشة طين مغربي (أصلي)تمزج مع بعض وتوضع على البشره مدة ربع ساعه بعدها يزال بالماء وتغسل البشره بالصابون.

وطبعا فوائده:تصفي وينعم البشره ويسحب الدهون الزايده اللي تسبب الحبوب والبثور ويورد الويه..


*قناع لنضارة البشره المجهده*


قفشه صغيره حلبه مطحونه +قليل من العكر الفاسي +قفشة روب-وعصير نصف ليمونه
تخلط جميع المكونات مع بعض وتوضع على البشره حتى تجف بعدها تغسل بصابون الطاووس
والنتيجه خيال

وطبعافوائده:يعطي تفتيح ونضاره للبشره ويساعد على ازالة البقع بالاضافه توريدها وتنعيمها...


*خلطة تفتيح البشره *


ن
راس قفشه عكر فاسي +ص قفشه كركم جسم+ 3قفشات روب + قفشه عسل
تمزج المقادير وتوضع على البشره لمدة نص ساعه بعدها يغسل بصابون الطاووس وبعد ذلك تمسح البشره بمحلول ماء الورد والعكر وادعو لي .

وطبعا فوائده:يساعد في تفتيح البشره وترطيبها وتنعيمها وتغذيتها لاحتواء الخليط على العسل...

ونيي الحين لتوريد البشره وخصوصا للي بشرتهم ماشاء الله بيضه او حنطيه ويبون بلاشر طبيعي وملحوظ ويعطي لوك كله انوثه وجاذبيه بدون مكياج

*غرشة ماء ورد + ملعقة عكر فاسي*

قفشة كبيره ماء ورد+راس قفشة شاي صغيره عكر فاسي

توضع على الوجه ربع ساعه والافضل نص ساعه بعدها يغسل بصابون الطاووس
وراح تشوفي ان ويهج صار منور ومورد وناعم مثل الحرير.

وطبعا فوائده مثل ماذكرت توريد الخدود واعطائهم بلاشر طبيعي ونعومه...


أما اللي تبي تصير شفايفها أفتح وفيهم حمره طبيعيه، بدون تشققات وريولها ناعمه وطريه جنها توها مسويه بدكير ومنكير ومثل ريول البيبي

فمالها الا هالوصفه

*فازلين +عكر فاسي*



وهالصوره نقوله من حملتي بياض بدون كورتيزون


تمزج مع بعض وتوضع على الشفايف قبل النوم والصبح راح تلاقين شفايفج ناعمه ولونها على وردي ..أما بالنسبه للريول فهم نفس الشي بعد غسل الريل وحكها بفرشة الريل وازالة اليلد الميت تدهن بنفس الخلطه بالليل او قبل الطلعه عشان تصير ريولج كلها انوثه وجاذبيه وخصوصا للي يلبسون صنادل عزم الله..



ونيي الحين للي تبي تفتج جسمها وهم تعطيه توريد عقب كل سبوح وخاصه للمتزوجات فمالها الا هالوصفه

واللي نقلتها لكم مثل ما اهي من حملتي بياض بدون كورتيزون واهي من عناية العضوه (الصعيريه)


كريم جلسوليد/ زيت الجلسرين/ زيت الليمون/ زيت اللوزالمر/ زيت جنين القمح / دم الغزال) وطبعا المقادير قفشه من طعام من كل زيت

وفوائدها دون شك ترطييب موطبيعي ونعوومه وتفتيح ولون وردي حلووو..

وقبل لا اختم موضوعي فديتكم ادري راح تسئلوني شلون صايره صابونة الطاووس..طبعا في منها انواع واختاري اللي يباسبج بس هذي صورتها على وجه العموم..وماتلقونها الا عند العطار او التاجرات اللي يبيعون منتجات مغربيه




وهم في معلومه جدا مهمه لأن العكر الفاسي في منه أصلي وفي تقليد بس شلون تفرقون؟؟

حبيباتي تييبون قفشه ماي وشوي عكرفاسي وتخلطوها مع بعض وتنطرون بو 10 دقايق إذا ترسب العكر تحت بالماي هذا معناه انه مغشوش وإذا كان العكس يعني ممزوج مع الماي هذا اهو الاصلي

وقبل لا استودعكم الله الذي لاتضيع ودائعه أذكركم الموضوع من اجتهادي الشخصي وتعبت على مانزلته لكم واتمنى منكم اللي تحب تنقله تذكر اسمي..ومابي منكم الا الدعوات الطيبه بظهر الغيب وادعولي ان الله يكفيني شر العين والحسد عشان أقدر أفيدكم بعد وبعد.. وتذكروا مع ماي ورد اسم يستحق الثقه فالكم اكيد طيب بذن الله

أحبكم في الله جميعا​

الله يعطيج العافيه يا قلبي

يعطيج الف الف الف عافية
مجهود يستاهل الشكر
مشكورة وماقصرتي ودايما مميزة ياماي ورد

يعطيك العافية ياقلبي

مشكوره على المعلومات القيمه

يعطيج العااافيه اختي على هل مجهوود وماقصرتي

يعطيك العافية

حبايبي جميعا فديتكم
منورااااااااااااات ياغاليات

الحين حسيت لمجهودي طعم

لاخلا ولا عدم يارب

مشكووورة حبيبتي الله يعطيج العافية

حبايبي منورات جميعا فديتكم
اسعدتوني وانستوني لاحلا ولاعدم يارب

مشكوره وماقصرتي مجهودج واضح يامال العافيه

يعطيج العافيه

العكر الفاسي هو دم الغزال

يعطيييييج الف عافيه

مشكوره بجرب وادعيلج

الله يعطيج العافيه ماقصرتي يالغاليه عل المجهود الطيب

يعطيج العافيه مافي شي احلى من الطبيعه صحي ومفيد ومريح
وهاا المطلوب مشكوره اختي انت اصلا دره وحملتج تستاهل التحيه لانها تفيد المجتمع وبدون مقابل
يسلم قلبج

حبايبي منورات جميعا فديتكم كلكم
لاخلا ولاعدم يارب
اخجلتوني بدعواتكم وكلامكم الطيب
احبكم في الله

يسلموووووووووووووو على جهود مبذوله

الله يعطيك العافية كل مواضيعك جيدة وفيها فايدة
جزاج الله خير