تتبيلة السمج

صباح الخير ياطباخاتنا الحلوات

حبيت أسأل عن طريقة الزبيدى المقلى والعيش المشخول

آنا عندى عزيمة يوم اليمعة ساعدونى بخبرتكم زززلا تخلونى

:52_52:

تتبيلة سمك حلوووووووووووووه وتشيل زفر السمك


(ليمون +ثوم+كمون+بهارات مشكلة+فلفل اسود+شرايح جزر+شريح ليمون+نص فجال زيت+ملح+ملعقة طحين ابيض )



الطريقه::


يوضع في الكاس الكهربائي (عصير 6 حبات ليمونات + 3 حبات ثوم يعني ربطه الثوم كلها حطيها يعني 3 ربطات + ملعقة ونص كمون+ملح نص ملعقه +ملعقة كبيره بهارات مشكلة +نص فجال زيت+ملعقة طحين)ثم اخلطيها ..


جيبي شرايح الجزر وشرايح اليمون طبعا علي حسب كمية السمك افتحي السمك احشيها بالخلطه وشرايح الجزر واليمون وحطيها في علبة وقفلي علية زييييييييين وحطيها بالفريزر خليها يوم كامل ومن بكره طلعيها قبل وقت تصليحها بساعتين الجو حار راح تفك علي طول اذا حبيتي تقليها طبعا شيلي كل اللي حطيتيه فيها جزر وليمون والخلطه وتبليها بطحين ثم اقليها ....

وبالف عافيه علي قلوبكم \


منقول

ماقصرتي اختي غدير الزين

اما طريقة العيش المشخول

--------------------------------------------------------------------------------

المشخول بفرقاعة البصل لذيييييذ الطريقة القديمة
طريقتي بالمشخول كالأتي ..

عيش مغسول ومرشوش قليل من الملح .. أنا ماأنقعه .. يعني بس أغسله وأزل مايه كله وأرشه ملح قليل .. وأتركه برطوبة بلله ينقع ..
كمية من البصل المفروم فرم خشن
بهارات .. فقط الكركم رشة منه ..
ومكعب ماجي دجاج
عصير نصف ليمونة لنصاعة العيش
زيت
ملح

الطريقة ...
أسلق العيش مع الملح وملعقة الزيت والليمون .. لغاية النضج ألي تبينه .. فى ناس يحبونه نثري .. وفي ناس ليين .. على حسب الرغبة ..
بعدين أشخله .. وأرده الجدر وأتركه على نار هاااادئة ..
وأحمس البصل بالزيت لغاية الأحمرار .. وقبل الأحمرار بشوي أضيف رشة الكركم ونصف المكعب الماجي .. وأقلب لغاية الذوبان ..
وبعدين أحط الحمسة على وجه العيش المشخول ..

وعند التقديم أغرف العيش الأبيض أولا .. ثم أوزع كمية البصل المحموس على الوجه .. ويقدم ..

متقووووول