صباحكم ومسائكم سكر.. طلبتكم تكفون ادعولي ربي يوفقنا ف امر خطوبتي :red_smile:ويوافقون عليه تعرفت على شاب وفعلا هو ولد الحلال بيني قال راح يخطبنيي من اهلي بس صج ظروفه ما تسمح هو رجال قد المسؤولية متحمل مصاريف امه واخواته وراتبه ع قد بس مستمتع بالدنيا دام متمسك بربه .. واجهته اذا يبيني يتقدم قال اني من عائلة راقية وهو يتشرف يناسبنا بس يظن ان اهلي ماراح يوافقو صليت استخارة والله وربي حلمت اني ماسكه ايده ياناس شفته بس مرتين ف حياتي حاليا رديت له الامل ان البعض وراح نسوي المستحيل .. احبه ونيتي صافية وماراح اسوي شي الا ب رضى اهلي قلبي متعلق فيه يابنات وهو بعد ابي اساعده ف ظروفه الماديه بس يرفض ان كرامته ما تسمح له ويزفني اذا فتحت له الموضوع شو اسوي .. وربي طلبتكم ابي اتزوج ابي استقر ب دراستي عمري 20 بس شفت من الدنيا وابي ارتاح ابيه يوقف معي واهلي يدرون عنا وانا كلي فخر بيه ...ربي يرزق كل بنت الزوج الصالح وكل زوجة الذرية الصالحة يارب...
هلا اختي ربي يقدم لج اللي فيه الخير انتي كتبتي ان اهلج يدرون عن علاقتكم طيب شنو وجهة نظرهم في هالشاب ؟ حبيبتي انتي عمرج 20 سنة وخبرتج في معادن البشر بسيطة خلي اهلج يحرون عنه عدل ولا تعرضين عليه المساعدة المادية ابدااااااااااااااااااااااااااااااااااااااااااااااااااااااااااااااااااااااا ولو فرضا طلب منج في يوم مبلغ سلفة هالشي بيدل على إنه غير رجل . . . ومثل ماقلت لج اهلج يسألون عنه والحياة مو بس حب لا في التزامات وماديات ومتعلقاتها هل هو قادر على تحملها ؟ وانتي ليما الحين ماتخرجتي . . .هل انتي مستعدة تكدحين وتشتغلين وتكرفين طول عمرج ان تزوجيته ؟ الرجل اختي هو المعيل وهو القائم بأمور اسرته وليس المرأة بتقولين لي الحياة مشاركة إي مشاركة لكن تشارك المرأة بطيب خاطرها مو إجبار من واقع خبرة المرأة ما تتحمل الضغوط المادية وتحب ان زوجها هو يصرف عليها مو اهي اللي تصرف عليه . . .
هلا أختي جنون الليل قرأت التنبيه إللي ارسلتيه لي وارسلت لج نسخة من هالرسالة خاصة لج العمر قدامج والحياة حلوة .. . تدرين حبيبتي في شغلة بالمرأة إنها تعشق الشيء الصعب المؤلم اللي يتطلب منها التضحية والمعاناة انتي جامعية وعلى اول درجات سلم الحياة لا تضيعين سمعتج ووقتج مع شخص قالج انا مو مستعد اتقدم لج حاليا حبيبتي وبنتي الرجل لما يحب وبصدق تلاقينه 24 ساعة يفكر شلون يجتمع ويا البنت اللي يحبها تحت رباط الزواج وبأسرع وقت . . .ومايهمه إن كان أقل منها ماديا أو في النسب لأنه ذيج الساعة يفكر بعواطفه وقلبه . . . هالرجل يحبج يمكن لكن ما يحبج لدرجة إنه يتزوجج بأسرع وقت والوالدة الله يسلمها لج ما سألتي ليش بتعصب عليج إن درت ؟ أكيد في أمور ماراح تعجبها . . .أنا أم يا بنتي واكيد ابي مصلحة بنتي ومستعدة اسوي اى شي بس إن بنتي ما تتأذى نفسيا أو عاطفيا أو تضع نفسها في قصة حب محكوم عليها في الفشل . . . حبيبتي وبنتي اتركيه انتي بهالعمر محتاجه قصة حب اى قصة وأي حبيب لظروف الملل الفراغ وفاة الوالد ماهي سبب كافي إنج تبحثين عن رجل في حياتج يكون حبيب . . .انتظري نصيبج من رب العالمين ترى مجتمعنا مايرحم . . .ومشاكل البنات ويالشباب ما تخلص ابتعدي حبيبتي عنه علشان نفسج اولا وعلشان ذكرى الوالد ثانيا وعلشان قلب امج ما يتأذى من هالقصة إن درت فيها بهالدنيا مالج إلا أمج ادعي ربج يخليها ويسلمها لج والله لويصير لاسمح الله فيها شي بتندمين طوووووووول عمرج على اللحظات اللي ابتعدتي فيها عنها وقعدتي تكلمين هالرجل الاجنبي عنج حبيبتي كوني قوية واتصلي عليه الآن وقوليله . . .إن كنت تحبني فعلا تتقدم لي وإن ماكنت مستعد خلاص يا ولد الحلال انسي هالقصة كلها وضعي وديني واخلاقي ما تسمحلي اكمل وياك بنتي الحياة قصيرة وماتدرين هل احنا من اهلها اللي بنعمر فيها أو من اهل القبور يعني اتقي الله في نفسج ماتدرين متى ساعة الرحيل من هالدنيا . . . بنتي بتألمين بتحزنين عااادي أهم شي انتي اللي انسحبتي من حياته . . . أتمنى يا بنتي تبشريني إنج تركتي هالقصة والمنتدى فيه خوووش بنات وقت فراغج استثمريه في دعاء صلاة استغفار وشبكي ساعة استانسي ويالبنات في قسم الفرفشة يعني لا تضايقين نفسج
والله ام عبدالله كفت ووفت ومعاها حق بكل كلمه قالتها وترى هذا مو اسمه حب والله هذا اسمه تضيع وقت وتسليه لان الحب يجي بعد الزواج وهذا الحب الحقيقي واغلب القصص اللي صارت عن حب بمجتمعنا هذا مااستمرت واشتري نفسج وكرامة اهلج وسمعتج قبل فوات الاوان اختي الغاليه وفي مثل امي كله تقوله >> اسمع كلام اللي يبكيك ولا تسمع كلام اللي يضحكك لان دايم اللي يصير وياك وعلى هواك يضحك عليك مو يضحكك زاللي يعارضك ويقولك الكلام الصحيح ولو كان جارح هذا يبي الفايده لك ويبي النصيحه ويبكي عليك اذا صار فيك شي تقبلي مروري واتمنى تطمنيننا عنج
