تجاربج بالطبخ .. قوليلنا عنها

السلام عليكم و الرحمة و الاكرام

شلونكم خواتي شخباركم

اكيد كل وحدة لها تجارب نجحت و تجارب فشلت بالطبخ

و بصراحة انا شخصيا لمن اسوي شي يديد لازم يكون بالتجربة الاولى خطا .. يعني مثلا ضفت شي زيادة او شي غلط ..

كل وحدة تدش اتقول شنو بغت تسوي و شنو الخطأ اللي كان

عشان نفيد و نستفيد

و انا راح ابدي ..

مرة كنت بسوي كيكة الشطرنج .. المفروض احط جبن فلادلفيا قليل الدسم بس حطيت كامل الدسم لوول

الكيكة كانت حلوة ماشالله و لذيذة بس شوي ثقيلة بس عادي مشى حالها الحمدلله :wink:

و بالمرة الثانية بالغلط حطيت بودرة الكراميل بالككاو بدال الكراميل العادي لوول .. ما كنت منتبهه انه على ككاو .. اتفاديت سالفة الجين و حطيته عدل بس للاسف الككاو كان شوي مغير طعم الكيكة بس هم كانت حلوة ماشالله :shades_smile:

انتظر مشاركاتكم :wink_smile:​

يلا خواتي اشدعوا .. ما عجبكم الموضوع ؟؟

وين المشاركات ؟؟

تسلمين ياعمري خوش موضوع ويشرفني اني اول وحدة ارد عليج....وبالنسبة لتجاربي مع الطبخ انا وحدة ما احب المطبخ ولا الطبخ بس اذا اشتهيت اسوي خفايف يعني سلطات وحلويات بس الحمدلله ماعمره فشلت تجاربي...

مشكووووووووووووره اختي الموضوع وايد حلو بس انا مالي بالمطبخ وما اعرف اطبخ كلش واذا دخلت المطبخ تطردني امي

مشكووووووورة اختي على مرورج الكريم .. و الله استانست :biggrin:

و انا بعد اتشرف بمرورج :regular_smile:

الحمدلله ماكو تجارب فاشلة

جربي اختي اتدشين المطبخ .. ترى وناسة :biggrin:

انا مو وايد ادش المطبخ و لمن اسوي شي اعفسه شوي بس عادي :tongue::biggrin: لوول

اشكرج اختي مرة ثانية على مرورج الرائع :regular_smile:

لووول عادي قوليلها بجرب اطبخ

ترى من صج وناسة المطبخ :wink:

انصحج اتدشينه

و مشكورة وايد وايد على مرورج الحلو :regular_smile:

يعطيج العافية اختي :regular_smile:

يلا خواتي قولولنا عن تجاربكم بالطبخ

بصراحه خوش موضوع ولو بالنسبه لي شي افشل لان ما في احد سوه مثل الي انا سويته

اول ما تزوجت خييييييييييييييير شر ما اعرف اطبخ حدي بيض وماصخ بعد فقلت الحلو اسهل شي خل ابدي في


فقلت بسوي بسبوسه خذيت المقادير من اختي فكاتبتلي الطريقه بالتفصيل الممل وكاتبه اخر شي الشيره
انا سويت كل شي بالدقه وحطيت الشيره ودخلتها الفرن وعزمت عليها امي وخواتي والكارثه والفشله لمه طلعت البسبوسه ولا صخر حتى السجينه مو قادره ادش والسبه الشيره تحجرت فكان موقف احسد علي ولي اليوم اعايروني في





والسالفه الثانيه ما ايوز شريت كتاب طبخ وقلت بسوي كيكه وهم عزمت امي وخواتي قلت هاذي ما يبيلها شي وسويت كللللللل شي بس كان مكتوب ثلث كوب زيت انا قريتها 3 كوب زيت والله وكيلج صارت الكيكه اتخر زيت

وهاذي المواقف الي صارت وياي وهذا غير العيش الحب الي كنت اسوي جنه بنك مو عيش

لووول اييي اختي كات ومن الله لا يوريج وحدة من خواتج تمسك عليج شي لوووول .. انا وايد اتصير معاي هالحركة :tongue_smile:

بس وناااااااااااااااااااسة :teeth_smile: اشكركم خواتي على المشاركة بالموضوع

و سالفة الزييت انا صارت معاي بس بدال الزيت كان حليب و نفس الشي كان ثلث انا قريتها 3 اكواب لووول و لمن حطيتها بالفرن كنت اقول هالكيكة ليش جذي وااايد ماي مو راضية تستوي ... و لمن رديت قريت المقادير مت على نفسي من الضحك لووول بعدين عاد طلعتها و زدت المقادير و رقعت الموضوع الحمدلله :tongue_smile:

يعطيكم العافية و انشالله تضبط تجاربكم الياية

انا مره سويت حلو سوري بس ما بعرف شو اسمو امت انا زدت بالعيارات ولمن حطيتها بالفرن
عشر دقايق صار ينكب وتفور ولفرن امتلا منها بس بسرعه انا شلتى بس شو خفت شي
مو طبيعي الحمد لله ماحد دري بالموضوع لانه لو احد دري كنت صرت مضحكت اخواتي(طولت عليكم )

انا مرة بغيت اطبخ عيش وطبخت برياني ربيان وكان برمضان والكل ناطر طبخي وكانت اول مرة اطبخ فيها عيش في حياتي كلها طلعت مكثرة بالبهارات والعيش مكسر شبه مستوي امبيه عاد فشله كانوا كلهم ينطرون طبخي

انا سويت مقلوبه وطلعت مثلوثه باقي الطبخات ماعليها نص ونص بس الكيك نادرن مايظبط معاي