مساء الخير يا حلوات انا صارلي عشر ايام والده وولدت ولدت بالهادي بصراحه كانت تجربه حلوه انا رحت الصبح كان ينزل مني ماي بغزاره وصلت المستشفى دخلوني الطوارى وسألت عن دكتوره بريتي لاني راجعت عندها اخر مره وارتحت لها وقالولي عنها وايد زينه المهم ماكانت موجوده بس شوي وتيي بعدين يتني دكتوره اسمها انيتا فحصتني وقالتلي الرحم مفتوح 1ونص بس لازم تسوين دخول رحت انا وريلي سوينا الاجراءات بس اهني ضاق خلقي من شغله ان الغرف كلها متروسه مالقيت الا غرفه وحده بس زين انها كانت vip بس انا كان ودي اخذ الملكي بس مالقيت المهم الجناح كان حلو صعدت الغرفه وجهزوني للولاده وتقريبا الساعه ثلاث ونص اشتغل الطلق ورا بعض بعد ساعه نزلوني الوضع واهني كانت رعايتهم وايد حلوه النيرس كلهم يهبلون نسيت المهم الساعه 6 انفتح الرحم 7 سانتي ووصلت الدكتوره بريتي الحمدلله وولدتني بدون طلق صناعي ولا شفط والخياط بس غرزتين يعني سهاااااااااله من الله الحمدلله واهي ايدها خفيفه وايد والرعايه بعد الولاده هم زينه بس دار الشفا بهالشي ارقى منهم المهم بعد يومين لما بطلع انصدمت من الفاتوره بصراحه السعر خيالي ماكنت متوقعه بس دفعنا 560 دينار مع اني ماخذه جناح مو غرفه
الف الف مبروك البيبي والحمدالله على سلامتج ومشكوووووووووووره على نقل تجربتج لنا عشان الكل يستفيد وعقبال كل الحوامل يكتبون تجاربهم ونفرح فيهم والله يرزق كل محرومه
حمدالله على السلامة صج مستشفى الهادى حلو من ناحية الاهتمام والنظافة انا والادة فية بس مشكلة الغرف على طول زحمة حماتى توها ولادة ما لقت الا ديلوكس بس حلو
ماشالله مبرووووووك وربي يجعله من الذريه الصالحه اي دكتوره بريتي انا الحين اراجع عندها تيينن واتحسين فاهمه ونفسها حلوه فديتها
ماشاء الله تبارك الرحمن ومبروووك ماجاج انا اراجع بالهادي عند الدكتوور سامي بس حدي خايفه لاني قبل ولدت بالشهر الخامس بدار الشفا والحمدالله على كل حال والحين بجرب الهادي بس حدي زحمه والله يسهل ان شاء الله ..
ألف مبروووك يالغاليه ,, الحمد لله ع السلامه والله يسهل ع الكروشات يرزق اللي تبي الحمال ,, حلو مستشفى الهادي انا كنت اراجع عنده بس بصراحه لما قالولي عمليه نحشت رحت رويال حياه هم يجنن رعايه واهتمام ..
مستشفى هادي فعلا حلو وانا كله اولد عند درشمي ومرة ولدت عند اختها بهواني وكانت روعه وكل شوي تطل علي وتصبرني ..
حمد لله على سلامتك ما قصرتي 560 شوي ! مع انك ماخذه الغرفه ال في اي بي سعرها 95 دينار مثل الجناح وثانيا جيتيهم موصله لا طلق صناعي ولا تحاميل ولا ابرة ظهر وتقولين شوي الصراحه الهادي صار تجاري وولادته تخرع خصوصا اللي تطول هي اللي تحس بالمعاناة والسسترات زفت بس الحلو فيه الدكاتره
حمدلله ع سلامتج . . . فعلا اهمه خوووش مستشفى لكن للقيصريات لا . . . يعني لما تخلص مدة اقامتج الفعلية ولا دروا عن هوى دااارج كلش مع انج قاااعدة بحلالج . . .
