خلونا نلتقي هني ونتكلم عن عملية أطفال الأنابيب وكل وحدة تحكي لنا تجربتها بكل صراحة مع صادق الدعاء لنا بالحمل
أنا سويتها الشهر اللي طاف عند منصور العرف والحمدلله على كل حال مانجحت العملية مع أن زوجي عنده عيال من قبل وأنا سليمة حسب كلام د/منصور كان حيل متأكد أني بحمل ولكن ربك ماراد
انا قصتى طويله فى العلاج 14 سنه وانا اعا لج وكله حقن مجهرى تقريبا 12 عمليه ولكن الحمد الله مانجحت ولا مره وانا الحين فى بلجيكا للعلاج فى الخارج وبس نفس علاج الكويت مافى فرق ازعجتكم بالحجى ماعندى اللى انتم اللى اقدر اقولكم عن حالتى
السلام عليكم جميعا انا لي مشوار كبببير مع عمليات اطفال الانابيب سويت 6 عمليات وبعد 12 سنه زواج رزقني رب العالمين بنت وبعد 3سنوات اعت العمليه ورزقت ولله الحمد بتوام بنات وربي يرزق الجميع امييين
سويتها عند العرف والله رزقني بأحلي بنوتة عمرها سنتين ونصف وكررتها عند العرف مرتين بس مانجحت ولله الحمد هو الرازق الوهاب سويتها بالصباح وفشلت بسبب أن الجهاز خربان ان شأ لله بسويها عند الدكتورة فوزية القطان الشهر الفادم ادعولي
سلام عليكم انة من4 ايام رجعت الاأجنة ونشالله اللة ابيرزكني او يرزق كل محرومة يا رب و لا تنسوني بلا دعاء سويتة عند ماجدة اليتامى رجعولي من 17 بويضة بس 2 ولا باقي جمدوهن
السلام عليكم اللة يرزق كل محرومة ويبرد قلبها يارب ويقر عونكم باذرية الصالحة آمين أنصحكم باللأردن مستشفى فرح حيل زين وشاطرين بعد اللة ورزاق هو اللة بس ناخذ الأسباب اللة يوفقكم ويرزقكم . من توكل على اللة فهوة حسبة . علاجهم سهل وبسرعة أسبوعين بس
هلا خواتي ربي يرزقكم عاجلا غير اجل . . . اهم شي خواتي وقت ارجاع البويضات انهم بسرعة ينزلون السرير من صوب الراس يعني رجولكم تكون فوق والراس تحت هالطريقة تساعد البويضة في الانغراس في الرحم . . .
بنات الي جربوو العرف اشرايكم فيه يقولون احسن دكتور في الكويت انا حاليا ملفي عنده اول مره والله كريم ادعولي بنات يااااااااااااااااارب ترزقني وترزق كل محرومه بالذريه الصالحه من البنين والبنات
اهات الليل مشكوره حبوبتي بصراحه انا من دخلت هالمستشفى وقلبي انشرح ( العرف ) بس بعيددددددددددد ياليت يقربونه اشوي والا يسوون فرع ثاني بصراحه الله يباركله فيه ويستاهل العنوه الدكتور اخلاق والستاف عنده روعه يارحمــــــــــــــــــــن يارحيـــــــــــم ... ارحمنا وارزقنا من فضلك ذريه صالحه تدعو لنا
