السلام عليييييييييييكم ،، شلووووووووونكم بنات ،، اليوم طرت ببالي فكره ،، شرايكم نسوي تجمع ،، و يكوووووون للحمل طبعا و عنااايتهم المستقبليه ان شالله للنفاس ،، بالنسبه لي و بما انه هذا اول حمل لي ،، و اخر هالشهر ولادتي ،، فما خلييت خلطه وحده مجربتها الا قلت بجربها ،، للجسم ،، بخلط زيت اللوز المر و زيت الجليسرين و فازلين و فكس و ماي ورد و كريم الجليسويد و العطر اللي يكون بالجمعيه كبيييييييير ( لان في كحول و الكحول تفتح الجسم ) . الويه ،، ماي ورد ، اسكينول + اسبرين + فيتامين سي فوار للمنطقه الحساسة ،، بجرب كريمات من الصيديليه الدوكين فور و الرتين آي ،، الشعر ،، بستخدم زيت شاريته من وحده بمنتدى و ان شالله عاد ينفع + باكل حبوب هيرفت ،، وانتوااا بنات شنو حاطين ببالكم تسوون ؟ جربتوا شي من قبل و نفع معاكم ؟ الخطوط اللي تطلع بالبطن شلوون ترووح ؟ اتمنى كل وحده ادش تحط تجربتها عشان الكل يستفيييييد ،، و احتسبوووا الاجر في هالشي و ان شالله يصييير كل اللي قبالكم
و الله انا حاطه فبالي اسوي شي غير هالمره يعني اهتم بنفسي مب مثل المره الماضيه :emoticon_U: يعني البس مشد طول الوقت و يقولون زيت اللوز زين لانه يقلل التشققات و بجرب احط ماسكات من سكن فود او خلطات من البيت على حسب المزاج:75_75: و حق شعري حمام زيت و انشاء الله نستفيد من تجارب الخوات:wink_smile:
فكرتج حلوة انا توني والده وجربت خلطت الجلسرين مع زيت اللوز وفتامين سي والله خيال تخلي الجسم ناعم بشكل مو طبيعي وخذت حبوب الفحم النباتي ما تصدقون والله يا بنات ما ربطت بطني ولا شي تطلع الغازات من البطن رهيبه اشوي عليها بس البس ملابس داخليه ضيجه وشتركت مع صالون كل اسبوع اسوي حمام مغربي في البيت وبخصوص الخطوط البيضاء في البطن اذا قربيتي تطلعين سوي تشقير كامل للجسم يفتح جميع المناطق بجسمج واذا استعملت شي ثاني بقولكم
انا انشاء الله اخر هالشهر موعد ولادتي... وبما ان هالولاده مو اول ولاده لي فعندي خبره باللي يناسبني الحمد لله سويت اعشابي بنفسي واشتريت كورسيه من انور اما الخلطات مالي خلق حقها بس ابي استخدم ابر التبييض هالمره وابي اتفخ خدودي وايديني... واسوي برنامج صالون بو اربع حمامات انشاء الله.
تربويه ياليت توضحين لنا طريقة الخلطه حقت الويه يعني مقاديرهم شلون كم حبه اسبرين وكم حبه الفيتامين والماي والاسكينول كم ؟؟ لان هالخلطه اعجبتني وشكل لها مفعول فبليز قولي لي طريقتهم وان شااءالله ماتطلعين من الاربعين الا وانتي احلىىىىى وحده بعين زوجك وبهالدنيا ^_^
حياتي الماي ورد استخدمه بروحه اول ما اقعد من النوم اما الخلطه الثانيه علبه اسكينول كامله اي نوع ( أنا استعمل الليمون ) و حبه أسبرين و حبتين فيتامين سي الافضل ان تحطينها بعلبه ثانيه عشان راح تفور عليج لما تحطين الأسبرين والفيتامين وحبييييتي يعطييج العافيه ع هالدعوه وآسفه ع التأخير ما دريت الا اليوم من رسالتج
مشكوووووووووووووووووووره يالغاليه وان شااءالله تفتح لي ويهيي لانه احس مع الحمل بهتتت حيييييل فأبي شي يعدل هذا كله بنفاسي مشكوره مره ثانيه والله يجزاج الجنه
