كيف حالكم يااااااخواتي الله يسعدكم وين ماكنتوا اليوم نبي نتناقش جميعن عن: سبب تفضيل الام لوحده من بناتها دون الاخريات؟ مع انهم يبرون بها وممكن ان يكونوا اكثر اهتمام بها ارجوالتفاااااااااااااعل والموضوع مهم وانا اعمل عليه دراسه لمعانات الكثير من هذا الموضوع وايضا كيف انزع هذا الخصله من الام ((لتواسي حبها واهتمامها لجميع ابنائها ))لكي لاتسبب حساسيه وكرهيه بينهم00000 وهل هناك تجاااارب حقيقيه0000 بسم الله نبدا النقاش000
غلط ان الام تفضل بنت عن الثانيه لان راح تتولد الحقد والكراهيه بين البنات وهذا الشي انا شفته باغلب الامهات للاسف
شوفي ياحياتي انت مافيه ام تحب احد من عيالها اكثر من الباقين لكن فيه واحد منهم وهو غالبا يكون إما((البكر او اخر العنقود)) لابد ان يحتل معظم اهتمامها ورعايتها بس مستحيل تحبه اكثر من البقيه خصوصآ لما يكونون زي بعض ببرها ومافيه احد يبرها اكثر من غيره وبالنسبه لنا امي تفضل اخوي الكبير علينا وهذا مومعناته انها تحبه اكثر بس سبحان الله كونه البكر لازم يتميز عندها مهما غلط بحقها
والله العظيم اني اعرف وحده عندها 5بنات وولدين وتفضل اكثر وحده الي تحت البكريه حتى ان بعض بناتها يصارحونها ويقولون ليه تفضلين بيننا كلنا عيالك وردها عليهم ماعليكم مني رفعتوا ضغطي حسبي الله عليكم ووصلت فيها انها تخصص نغمه في الجوال لهذي البنت بذات وماتدق الا عليه اذا مادقت اما الباقي اذا مادقو لويومين تسمعهم كلام كلنهم مهوب برين فيها لاحوالاولاقوة الابالله
التفرقه بين الخوات والاخوان حراام بسس لابد في واحد يكون غير غالي على قلب الام ودايما يكون البكر لانه اول فرحه بالعايله وهم مرات يكون اصغر واحد لانه يكون المدلع .... انا احس انه ماما الله يرحمها كانت تدلعني اكثر من اخواني وكل العايله يقولون واايد كانت مدلعتلج ودايما سوالفها عنج الله يرحمها ياارب يمكن لاني اصغر وحده (الجعده )
هلا أختي . . . بالنسبة لي خل ابدأ بوالدتي -الله يحفظها - ووالدي الله يرحمه كنت الأقرب والأكثر تأثير عليهم يمكن لأني كنت اعرف اتكلم واتناقش وياهم . . . والآن مع أطفالي شعوري تجاه أطفالي واحد لكن بنتي البكرية غير لأن أول فرحة لي بالأطفال فتلاقيني اعاملها غير لأنها إهي تعرف شلون ترضيني وشلون تتكلم وياي وتناقشني . . .يعني الله يسلمها كبرت بعقليتها علشان تجاريني وهالشي يضيف رصيد محبة اضافي لها بعكس البقية اعاملهم بمحبة لكن اقل من البكرية . . . يمكن أنا كتبت اسبابي تفضيلي لبنتي لكن في بعض الامهات يميزون ويفضلون وما يقدرون يقولون لج السبب لكن لو دققوا وتمعنوا اكثر بالموضوع بتلاقينهم راح يعطونج السبب لأن لازم في سبب وقواج الله وياريت تقولين لنا نوعية بحثج وفي اي تخصص ؟
حبيبتي انا طرحت هالموضوع على امي وسالتها وقالتلي لا كلكم غاليين عندي وماافرق بين اي احد فيكم وكل شخص له ميزه غير عن الثاني وصعب افرق باي احد فيكم ,, شاكرتلج عالموضوع وتقبلي مروري ,,
موضوعج قوي صراحه يعطيج الف عافيه انا عندي هالمشكله بس مو مع والدتي-الله يحفظها ويطوّل بعمرها ويخليها لنا- مشكلتي مع ذاتي!! ما ادري ليش احب ولدي العود اكثر!! مع اني احاول اني ما افرق بينهم .. حتى بالبوسه وكلش كلش ما اوضح لهم واحس بالذنب واااايد من هالشي بس مو بيدي يعني هالولد بالذات لو تحوشه شوكه قلبي يحرقني عليه واتألم معاه وطلباته ما اقدلر اردها وحتى اذا سوى شي غلط يكون عقابي له خفيف بهالحاله اضطر اخفف العقاب عن الكل واييب للكل اللي اهو بالذات يبيه بس عشان محد يحس باللي بقلبي شاسوي؟؟ فيدوني
اناجبت اربع بنات وبعدين الولد حاشه من الدلع بناتي كبار بالست يعني اصغر وحده الفرق بينه وبين الولد 7سنين وحاطين دوبهم ودوب هالولد صارعمره 8سنين بدت حركاته ومناكفته مع خواته وتصير صكه بالبيت دايما اقولهم انتو اكبر منه علموه فهموه ويقولون لي انت مدلعته وبتخربينه والله انا ما افرق وحبهم كلهم
