السلام عليكم بنات منو تعرف تحلل بشكل نفسي سبب ان شخص يتكلم مع نفسه بصوت مسموع وهو يسوي الشي هذا بدون قصد ودايمن يسبببله الاحراج
ممكن يكون والله اعلم بسب قلق يواجهه او يعاني من مرض نفسي معين انا اقوول يراجع طبيب نفساني يكون افضل ............
اول شي يشووف شنو السبب الي خلاه جذي يمكن يكوون من اثر شي ما واذا حس انه ماكو فايده انا عندي يراجع طبيب نفسي احسن له وهالشي مو عيب وعسى الله يهون عليه ,,,
انا اقول عادي يكلم نفسه بصوت عالي ممكن تعود ممكن مايقدر يشتكي لحد انا مثلا بس اعصب صج اتكلم اللي بخاطري بصوت عالي لاني ما اقدر اقول اللي ابقوله بويهه فنبرت صوتي تكون عاليه ويسمع اللي بخاطري ولما يسمع اييي ويجاوبني اومايجاوبني مهم اني سمعته اللي بخاطري وارتحت وخلاص فالتحليل انه مايقدر يواجه اللي يحبه او اللي يعزعليه فيتكلم مع نفسه اومومحصل رفيج مخلص يثق فيه ويقوله اللي بخاطره ويجرحه فهذا عنده الحل يتكلم مع نفسه بصوت عالي:71_71: والله اعلم
تاج النور جايز والله ,, يعطيج العافيه Miss One راح اوضح ,, بعطيج امثله مراات مثلا لما يلوم نفسه على شي سواه او لما يتحلطم من شي تاعبه او مثلا يكون قاعد بغرفه بروحه ويتذكر سالفه صارت ويتذكر كلام احد وجهه له ,, يرد بصوت عالي وهو بالغرفه بروحه بعدين ينتبه على نفسه ويستغرب اشلون تكلم بصوت مسموع ويحمد ربه ان محد اسمعه ,, واغلب الاوقات يكلم نفسه كأن احد يكلمه , يعني مثلا لو اسمه خالد يقول بس هالمره متأكد ان ماكو احد معاه يقول حق نفسه شفت يا خالد كذا وكذا أو أقول خالد شرايك تقوم تسوي الشغله الفلانيه ابركلك من هالقعده . ان شاء الله تفيدوني ومشكورين مقدما ولخواتي الي ردو يعطيكم العافيه
حبيبتي لما وضحتي المثال انا اقوول يراجع طبيب نفسي احسن له اهوو يتله الحاله من متى من بعد مشكله ولا من الصغر ....؟
صدقيني عيل انا اقوول متأثر بصدمة يمكن من جذي يتله الحاله ,, والاحس حبيبتي يراجع طبيب نفساني اهوو افهم بهالشي وعسى الله يارب يشافيه ويعافيه يارب ,,,
انا شايفه الامر جدا عادي مو محتاج طبيب انت تقولين ان اذا يبي يقول ياخالد لو اتسوي هالشغله ابرك لك عادي كلنا الاغلبيه نقولها ولا لا
تصدقون اغلبية الاجانب يكلمون نفسهم وهالشي يعتبرونه عااااااااااااااااااااااااااااااااااااادي بالعكس هم يرتاحون بهالطريقة لان الانسان ما يقدر يكبت ويخلي الشي بقلبه والله اعلم
شوفي حبيبتي انا اشوف ان هذا شي طبيعي مثل ما قالت اختي تاج النور مرات الواحد اذا قاعد بروحه ويتذكر مواقف معينه يعلق عليها بصوت عالي وبعد لمل يعصب يقعد يتكلم بصوت عالي وبنظري هذا احسن من الكبت ومدام تصرفاته الثانيه طبيعيه اعتقد والعلم عند الله انه مافي شي يخوف موفقه حبيبتي ,,,,,,
