تسمحيلي شوي (من وقتك) يالغاليه !!؟

السلام عليكم ورحمة الله وبركاته
مساءكن راحة بال حبيباتي
كيف احوالكن طيبه ان شا ءالله
بدون مقدمات ولا ابي اطول عليكن تصفحت بهالمنتدى اعجبني وشدني روح التواصل
روح الاخوه قمة الترابط بينكن ( عسى ربي لا يطفي هالشمعة بينكن )


حبيباتي انا سعوديه وبالتحديد من المنطقة الشرقيه الحمد الله واصلت دراستي
رغم الظروف والعثرات اللي مريت فيه .. لكن بفضل من الله ثم بمازرة احبابي جنبي تخرجت . وعديت من اول مره لـ إختبار الهيئه السعوديه للتخصصات الصحيه (اللي خنقونا فيه وحطوه لجل يصير عاق امامنا ) لكن الحمد الله نجحت فيه من اول محاوله لي ..

شهادتي دبلوم صيدله (يعني فنيه ) سنتين ونصف
ومعي ترخيص من الهيئه السعودية للتخصصات الصحيه لمزاولةالمهنه اللي هو اختبارهم ( اذا قد سمعتو عنه ) وعديته حمدلله .

وانا بحكمي اكبر خواتي واخواني (لان خواني وخواتي كلهم صغار انا كبيرة العيله )

بنات الكويت خواتي وشقيقاتي وخليجياتي بنفس الوقت ..
ابي لا مرت وحدتكن من موضوعي تضع لها بصمه وتنورني لو بالقليل وماضايع لها عند الله شي من الاجر والثواب اللي بتاخذه لو على حرف ...


هل في امكانية اقدم عندكم بالكويت سوا بالمستشفيات بالصيدليات ...الخ يعني مؤهلي
هالي قلته لكن في امل عندكم لاني فقدت الامل بديرتي وبكل صراحه طابت النفس ...لاني صار لي تقريبا سنه وانا جالسه ماحصلت شي وتعبت صراحه والتعب والارهاق والاكتئاب ماينوصف عسى ربي لا يوريه احد منكن ويبعده عن كل مسلمه يارب


اتمنى ماكون طولت عليكن واعذرني يعلم الله اني وانا قاعده اكتب احس اني قاعد اكلم خوات لي والله .
فديييت كل وحده قالت انا كويتيه وعلى راسي من فوق

حافظكم ربي وراعيكم حبيباتي ..





​

هلا اختي . . .

وحياج الله في المنتدى وكلنا حسبة خوات لج بإذن الله . . .

سؤالي هل شهادتج في الصيدلة ؟

اذا اي حاولي بالسعودية افضل وتحديدا في المستشفيات الخاصة اذا تعذر عليج الحكومة . . .

اما اذا بتقدمين في الكويت والله كنت حابه افيدج لكن للاسف ما ادري عن هالامور الا فقط ان في

معلمات سعوديات موظفات في وزارة التربية الكويتية . . .

وإن شاء الله الاخوات بيفيدونج اكثر . . .

هلا حبيبتي...
الله يوفقج انشاء الله....

تقدرين تقدمين اوراقج بوزارة الصحه الكويتيه...

بس خلي في بالج ان الاولويه للكويتيين بالوزاره...

وتقدرين تقدمين اوراقج بالمستشفيات الخاصه الكويتيه...

هلا وغلا خياتي أم عبدالله g رحيـق

أي حبيبتي شهادتي في الصيدله ( دبلوم صيدله )

والله في السعوديه قدمت .. لكن مالله قسم بشي والخاصه كذالك

ماقصرتن عسى ربي يحقق لكن ماتمنن وعسى ربي يخليكن لـ أحبابكن



إن شاء الله تجي من تفيدني اكثر يارب لاني لمحت إن في هنا أحد بالصحه...




ماقصرتن لا خلا ولا عدم حبيباتي




​

سبحان الله وبحمده
سبحان الله العظيم ​

ماعندي خبرر ...

ان شاء الله البنات ما يقصروون ويااااج ...

حبيبتي ما عندي خبر بس قدمي وتوكلي على الله
الله يوفقج ان شاء الله ويرزقج المال الحلال

موووفقه ياارب ماعندي معلوومه حبووبه