تعالو بسرعه بليييييييييييز

هااي حبوبات
طالبتكم طلب واتمنى تساعدووني انا مابقى شي على عيد زواجي والحين تعرفوون عطل والشاليهات والمنتجعات زحمه ومليت من الفنادق فييت فباالي فكره اني احجز شاليهات شخصيه شرااايكم؟ واللي عندها ارقام شاليهات شخصية للايجار تسااعدني وتعطيني الرقم اهم شي يكون زقرت وحمام سبااحة اهم شي واللي عندها فكره ثانيه تسااعدني فيها حق عيد زواجنا لاتبخل علي بليييز ناطره ردودكم

والله ياعمري مااعرف بس اتمنى البناات يفيدوونا هم انا ابي اغير شوي زهقت من البيت انا وزوجي كل ماااقوله خل نطلع نتمشي يقول كل الاماكن شباااب

الشاامخه
اي والله واهوه صااج كل الاماكن شباب وزحمة حتى لمن تطلعين بتروحين مجمع ولا سينما ولا شي ماتستانسين من الزحمة نبي نستانس ومنها نغير جوو
وانشالله البنات يفيدوونا حبوبة

ياليت تحصلين لاني جربت الشالية عجيب بس مااضن ان للاجار الله يوفقج

ان شاء الله البنات يفيدونج

ينقل للقسم المناسب ...

يعني شنو شاليه خاص؟

مو نفس الشاليهات اللي نعرفها؟

يعني حبيبتي شالية ملك لشخص واهوه يأجره علينا بدل المنتجعات والمنتزهات

عاد يوم رجع زوجي من السفر حجزت ليلتين فندق وااااااااي هدوء ونظيف والحمام السباحه حق شخصين بس بلبلكون والبلكون مسكر محد يشوفج كانو مسوين عرض الليلتين ب150 مع لريوق عاد مادري الي الحين العرض ولا خلص بس صج عشنه عيشه وايييييييي ذكرتوني واييي صج كان المكان روعه
بلمنطقه الحره جبال الموفمبك
اسمه قاعة المؤتمرات رويل سويت
الي تبي ادق وتقول ابي سويت مع الحمام السباحه الشخصي وحتي عشاهم اينن ايبونه لج الغرفه

وااااااااااااي سلطة السيزر روعه وشوربه العدس مو صج الله يقطع عدوج شوقتيني

اذا تبون الرقم قولولي دزوا علي العام علشان راح احطه بلعام الكل يستفيد

واذا دفعتي فوق حجزج 50 دينار يضبطولج الغرفه بالون وشموع وكيكه وورد

روحي طلي عليهم وشوفي بنفسج

راح تدعيلي

وانا الصراحه ماأأمن بلشاليهات الشخصيه اذا ماكان أحد ثقه وتعرفينه لاتاخذين شدراج موحاط كاميرات وصور حطي بالج

امم كششششششششششششششششششششششة ليش تناقض عاد شوقتينا الحين مابي كنسلت

ورودة ام كشة
يلا عطينا رقمهم خندق ونحجز احنا عاد ندور حمام سبااحة مسكر الواحد يبي ياخذ راحته

افا عليج تامرين بس يارب الي الحين عرضهم
وتري الي كاتبتلي ام كشه تناقض مافمت شئ شنو التناقض

المهم هذا الرقم24613103


24610000

اسمه مركز المؤتمرات والرويل سويت

بس
اذا مفاجئه حق زوجج اخذي معاج عقد الزواج وبطاقتج المدنيه ولمن تروحين انتي وزوجج راح ايولج الغرفه وياخذون بطاقه زوجج للاجرائات

وعليج بلعافيه بس صج الفندق نظيف ونصيحه سوي مفاجئه حق زوجج أحسن لاتخلينه يدري روحي الصبح يوم الحجز ودي الملابس وقوليلهم الساعه لفلانيه بيي انا وزوجي اخذي رقم المدير انا عندي بس القاه احطه لكم

انا حجزته بييت زوجي من السفر

ورحنه تعشينه بأشاز الي بلمرينه وطقيت بريلي إلابروح المنطقه الحره في كافيه حلو والريال يحاول يابنت الحلال باجر خل نروح بيتنا وانا للللللللللللللللللللللللللللللللاااااااااااااااااا الااليوم مو اهو مايدري شنو الطبخه يوم طلعنه من المطعم قلتله وانتو بكرامه بروح الحمام رحت جان ادق علي المدير وقلتله الحين انا وزوجي بنيي ضبطولي الغرفه

ويوم وصلنه المنطقه الحره قلتله الكافيه بفندق الرويل سويت كلش ماحط إباله وعاد انا نزلت معاي لاب توبي جان يقولي ليش بعد الاب توب قلتله انت شكو خو كافيه بوريك شئ

ودخلنه ولا الفلبينيه عارفه الموضوع خذت منه الاب وهو منصدم جان تكلمني بلنجليزي تقولي انتو الغرفه كذا عطيني الوصل واهو شنو شنو قالت قلتله ماعليك امش خلصنه رحنا الاستقبال جان يطالعني قالي انتي شنو مسويه قلتله امش وانت ساكت ركبنه الاصنصير وجنه عرف الموضوع وطول الوقت يتحلف فيني خخخخخخخخخخخخ بس دش الغرفه انصدم حمام سباحه وشغل عدل قعد مصدوم جان يقولي تدرين هذي أحلامفاجئه سويتيها
والمشفوح سيده عطيني مايوهي بروح اسبح خخخخخخخخخخ ماصدق عاد الماي مو صج والمنظر وناسه أنصحكم تروحون وتسون مفاجئه حق أزواجكم وعليكم بلعافيه واسمحولي علي لطواله

والي تبي اي شئ تقولي ومن عيوني

بنات هذا رقم مساعد مدير المكاتب الاماميه للفندق

محمد بهاء الدين حسن

97104450

وعليكم بلعافيه وسامحوني علي لقصور

كنسلي وحجزي بلفندق راح تدعيلي:teeth_smile:

مشكووورة على الرقم وانشالله راح ادق عليهم بااجر وانشالله يكون في عرض لاني راح احجز قبل رمضان ب5 ايام

حياتي العفو ولو وعليج بلعافيه ياعلج إتهنين بكل حلو ياحلو واذا بغيني اي شئ انا تحت امرج قلب اختج ام أوراد

يافديييتك يا ورودة كفيتي وفيتي وهم احنا استفدنا من الموضوع
وبخصوص الشاليهات الشخصية وربي صاجة الواحد قام يخاف من الفضايح ماتدرين لو حاط كاميرات على قولتك
واشكر الاخت صاحبة الموضوع اللي لولاها مادرينا عن نصيحة ورودة

غلا دبي حياتي والله ماسويت شئ احنه خوات وحُب لاخيك ماتحب لنفسك وانتو تستاهلون كل خير

واي شئ تبون انا حاضره بلي أقدر عليه حياتي

عاد يارب العرض موجود علشان وحده عسل تستانس مع زوجها يارب الله لايفرقهم ودوم مستانسين مع بعض

انا دشيت عشان اقولكم رحت الفندق وحجزت حق 8 و9 والعرض للحين موجود
لي 11-8 قبل رمضان وصرااحه حلو وفيه عندهم نادي فيه حمام سباحه بعد واجهزة رياضيه وفيه صالون يسوون لج 15% خصم والله حلو ويستااهل خصوصا انه هدووء