السلام عليكم ورحمة الله وبركاته شلونكم يا سيدات حبيت تشاركوني في مشكلتي مع بنتي بنتي عمرها الحين 4 سنين ونص لم كا كانت صغيره كانت اسم الله عليها متبتبه حييل لدرجه ان اهل البيت ضيعو اسمها وينادونها الدبه لان بنات اعمامها كلهم ضعاف وهي الطفل المتين في هذي العائله لذلك اطلقو عليها الدبه هي البجر ماجان عندي شي غير اني اعتني فيها واهتم بها وكنت ارضعها طبيعي ومتعلقه فيني حيل لو ابعد عنها شوي ماتسكت استمريت ارضعها طبيعي وانا حامل بعد ما اكدت لي الدكتوره انه عادي ارضعها طبيعي وانا حامل وقالت لي حتى عادي عقب ما تخلفي ترضعيها مع البيبي لما كنت في السادس وكتشفت ان عندي تؤام فطمتها من صدري وبدلتلها صناعي يوم بعد يوم تقبلت الموضوع بس من صار عمرها سنه خلفت اخوانها وبدات تضعف شوي كانت متعلقه برضاعتها واااايد لما خلصت سنتين شلت منها الرضاع شوي شوي في البدايه رفضت وصراخ اقنعتها انها صارت كبيره والرضاعه للضغار اقتنعت وتركتها مجامله لي فقط بس لما تشوف اخوانها يرضعون رضاعاتهم احس انها تنقهر بس ما تبين لي وتقولي يا ماما انا كبيره مايصير اشرب حليب في الرضاعه بس اخواني صغار يشربو حليب في الرضاعه اقولها شاطره اي صرتي كبيره بس اشوف دموعها تنزل لما اكد لها هذا الشي احس ان قلبي يقطع عليها قلت بتاكد هي مقتنعه ولا لا عطيتها رضاعتها وخذتها وستانست حييييل هني انبني ضميري وقطعت قلبي رجعتها لها بس ابوها قال لازم اشيلها منها وشلتها للابد كانت تموت قهر لما تشوف اخونها يشربو حليب من صدري ولما يشربو برضاعه هم تنقهر وبدا يشتغل فيها القهر خف اكلها وبدا وزنها ينزل شهر عن شهر وكل ماله تضعف وتضعف واحس انها صارت ذليله لو بس احد يزعلها تبجي وما تدافع عن نفسها نفس قبل كانت قبل غير وكانت شرسه تطق اليهال وتدافع عن نفسها والحين وزنها 11 كيلو وعمرها 4 سنين ونص اخوانها وهم خدج اسم الله عليهم وزنهم طبيعي ويبينو اكبر منها وكل ما اشوفها يقطع قلبي عليها احس انه صارت فيها غصه حتى مرات تقول انتو ما تحبوني بس تحبو اخواني مابقى شي ماجربته لها بس مافي فايده ماترضى تاكل عدل والله ياخواتي كل ما اشوفها ضميري يانبني احس انه انا السبب في كل هذا بلاول علقتها بي وبعدين لهيت عنها مع العيال ومسؤلية البيت كانت تغار من اخوانها بس ماتبين ويدتها كانت تزفها لوتقرب من اخوانها او تسوي فيهم شي والبنت تشييل بقلبها ماتبين تدرون المسؤليه صعبه واصعب مسؤليه مسؤلية الاطفال الي عندها حل لا تبخل علي ابي بنتي ترجع نفس قبل ابي جسمها ينترس شوي علموني شلون الله يرضى عليكم
ياحياتي ن**ر خاطري عليها المفروض ماتقطعين الرضاعه عنها عند السنتين توها صغيره وهذا حليب صناعي الاطفال يشربونه الى 4سنوات عوضوها بالاهتمام والحنان بس مو الدلع الزايد هي صار فيها جذيه من الغيره من اخوانها ووعسى البنات يلاقون لج حلول اخرى
بنتك مافيها الاالعافية لكنها عرفت نقطة ضعفكم واستغلتها بجدارة ابغى منك لما تقولك الاسطوانة المعهودة من الاطفال لما يغارون من اخوانهم اللي اصغر منهم انتم ماتحبوني انك تتجاهليها ولا تردين عليها ابدا من تجربتي مع ولدي وبعدين نسى هذي الكلمة لما احد يضربها شجعيها تاخذ حقها وماتجلس تبكي ولما تبكي على ادنى سبب قولي لها ليه تبكين انتي نونو تبكين واسئليها عن السبب اذا قدرت تعبر وخليها ترضع اخوانها طبعا بحضورك وشجعيها لما تسوي شئ حلو وكافئيها ولاتحس انك من**ر خاطرك عليها انتبهي انتي جربي وصدقيني ان بنتك مافيها الاالعافية وانتي اقري عليها والله يقر عينك فيها وتشوفيها عروس
هلا والله اختي الله يخليلج عيالج... شوفي لانها الاولى واخذت اهتمام الكل وخصوصا الام والاب وتخيلي بعدها يكون طفل الاكيد الاهتمام يروح للصغير.. جدام بنتج كله مدحيها واهي شاطره وحلوة وقوليلها ان اخوانها ياذونج بالليل وماتنامين واهي احسن منهم.... حسسيها انها الاحسن والافضل ....خليها تحبهم وتهتم فيهم معاج وتنسى غيرتها...خليها تساعدج بالبيبي تمسك المميه لهم تجيب لج اي شي تحتاجينه يخصهم... شوي شوي راح تحن عليهم وراح تحس انكم تحبونها ومانسيتوها بوجود طفل جديد... هذا الشي اللي يتعب الطفل وصحته تدهور بوجود طفل جديد....انه يحس امه وابوه قل حبهم وحنانهم له
حبيبتي بتكون وراثه من اهلها بس عادي ما تخافي في ولاد كتير هيك انتي حاولي طعميها اشياء بتحبها او طعميها لما يكون ضغار هيك بتوكل
