تعبانة من آلام الدورة لشهرية...تعالي أقول لك وش تسوين(مهم للجميع بنات/ومتزوجات)

ترى هذا الكلام مو منقول بل هو من واقع تجربة شخصية،ولحد الآن اقول هالكلام لأي وحدة تشتكي من الدورة وآلامها.


طبعاً الآلام وقت الدورة الشهرية أغلب البنات بيعانو منها،لكن بعضهم بعد الزواج تخف هالآلام.
والعكس صحيح فيه بنات قبل لا يتزوجوا تجيهم الدورة عاد مرور الكرام،لكن بعد الزواج تجيها الآلام والعذاب.
مااعمم هالقاعدة لكن الأغلبية كذا

طيب وش الحل؟؟؟؟؟؟؟؟؟؟؟

أول شي :متى ماحسيتي ان الدورة قرب موعدها،تناولي بندول ،او حبوب مسكنه ،عشان تخف عليك آلامها.

تروشي بماء دافيء

حافظي عل نظافتك الشخصية

عودي نفسك أنك أول ماتصحين من النوم،تشربين نص كاس ماء معاه ملعقة عسل أصلي وحبة سوداء.

الجوع وقت الدورة الشهرية مو زين،حتى لو مالك نفس ،حاولي.

ابتعدي عن المشروبات الغازية ،والأشياء الباردة.

اشربي شوربة ،واشياء دافية،وانصحك بشوربة الحريرة،روعة ومفيدة وقيمتها الغذائية عالية

دفي نفسك زين،ولا تتعرضين للبراد،والمكيف

لا تمشين على أرض الرخام الباردة وانتي حافية القدمين.

لا تشيلين شي ثقيل وقت الدورة،واتركي عنك الهبال والركض والركيض خليه عنك.


سوي لك زمزمية ،او ترمس من الشاهي السحري.



أول شي الله يجزى الدكتور عبدالباسط كل خير ويوفقه دنيا وآخره،لأن فيه كثيرين استفادو منه،وبالذات بعدما تكلم عن فوائد البردقوش.

والحين بتقولون لين وش هو الشاهي السحري


والله العظيم انكم بتدعون لي.
جيبي بريق كبير ،وحطي فيه موية ،ونص فنجان سكر،لا تكثري السكر،وجيبي نعناع مجفف،وبابونج،وبردقوش،ومرمرية،وكم عود قرفة،وكمون.
طبعا النعناع والبابونج والبردقوش والمرمرية والكمون كل واحد منهم ننقعه زين بماء حار وبصحن لوحده،ونكب الماء ثم نرجع نغسله زين ،لين مايصير ماء الغسل نظيف وخالي من التراب.
وبعدها نحطهم في البريق،ونجيب كم عود من القرفة ونغسلهم ونحطهم بالبريق،واشربي منها أول ماتصحين من النوم ،طبعا بعد كأس الماء المضاف له العسل والحبة السوداء،وكل ثلاث ساعات اشربي وقبل النوم اشربي،وأذا خلصت سوي مرة ثانية،مو قولين وع مر،لا تكثرين السكر بس المقدار اللي قلته.


وترى المرمرية والبردقوش يخففون آلام الدورة،وينظمون الهرمونات،والبردقوش ينظم الدورة اللي مو منتظمة،والله العظيم يابنات على الله ثم على هالشاي السحري اللي صرت مااستغني عنه،ابد،حتى قريباتي المتزوجات صارو يشربونه.


والشاهي السحري مو بس وقت الدورة حتى الأيام الثانية،ممكن تشربينه مرة باليوم.


ودمتم بود

​

تسلمين عزيزتي
بس شنو اهيا شوربة الحريرة؟

مشكوره قلبي

شوربة الحريرة هي عبارة عن شوربة مغربية تقدري تسويها بالبيت

لذيذة وبنفس الوقت مفيدة وقيمتها الغذاية عالية

يسلمووووووووووووووووووو

يسلمووووووو وماقصرتي

تسلم اديكي يارب انا بايام الدوره بشرب نعنع كتير وزنجبيل وقرفه بريحوني كتير بس رح اجرب هاي الخلطه كمان ومنكم نستفيد مشكووووره اختي

تسلمين ياقلبي على هالنصايح
بس انا مدري وشبلاي الممنوع مرغوب عندي اتالم منها بس مالي نفس اكل واغلب شي سوايل وبارد
بقول للي عندي على هالشاي السحري جزاك الله الف خيييييييير

مشكورة على المعلومة يا قلبي​

الصراحه الله يعطيج الف عافيه على المعلومات المفيده ماقصرتي يالغاليه

يعطيج ألف عافية الموضوع حده ياي بوقته هههههههه بآخذ بروفين بس عفية قولي لنا شنو مقادير او طريقة شوربة الحريره

الله يجزاااااج خيــــــــــــــــــــــــــــــــــــــــر

مشكوره قلبي

الله يوفقك يالشمريه ..بجربها عاد انا الدوره تذبحني ذبح ..

جزاك الله خيرا ع النصائح الطيبة

ماقصرتي يابنت السناعيس

الله يعطيج العافيه وما قصرتى على هالمعلومات

مشكوره يالغاليه على النصايح والمعلومات

بخصوص الشاي السحري شنو فايدته بالضبط ينظف الرحم وقت الدوره والا يطلع الغازات ؟؟

انا دورتي مو منتظمه بالمره وعلت قلبي عل وجربت كل شي وياها ومانفع اللهم المراميه بس ما استمريت عليها عشان رمضان لأني شربتها فتره وتكرمون طلعت بلاوي

والنعناع اللي بالشاي السحري نعناع عادي والا نعناع مغربي نفس نعناع حايل اللي يسمونه حبق ؟؟؟

وسلامتج يابنت العم ​