شلونكم خواتي احس نفيس مضايقة حيل تعبانة حدي ما ادري شسوي رفيجاتي كل يطنشوني ادق عليهم ما يردون ما ادري اشفيهم ساعات اقول انا لازقة ولا ما يحبون احد يسال عليهم ولا علشان اني طيبة زيادة عن اللازم كل ما اقول ليش ما دقون تسالون يقولون موفاضين وحدة من رفيجاتي تقولي نوف لا تزعلين اذا ما رديت عليج حستها نغزة يعني شسوي واللة حتى لو قلتولي طنشي ما اقدر ما صبر عنهم لدرجة حيل اشتاقلهم واللة واللة مضايقة عطوني نصيحة ابي ارتاح احس شسويي ما ادري شلون لازقة حيل شسوي احس الناس تكرة الطبع هذا بس شي مو كيفي ابي نصيحتكم:emoticon_U:
هذا علشان أنج طيبه وعلى قد نياتج و تحبينهم نفس خواتج أختي لا تقاطعينهم ولا تظلين تسألين عنهم دايماً خليهم أهما اللي يسألون عنج ويفقدونج أستغلي وقتج بشي ثاني
هلا الغاليه.. والله الطيب بهالزمن.. الناس يعتبرونه طبع مو حلو!! وصج الطيب ماله مكان بهالزمن!! وانتي الي مايعبرج لانتعبريه!! هم يستانسون يوم تسألين عنهم وهم مايردون عليج ويطنشون!! انتي بعد طنشيهم!! بس سألي عنهم ف المناسبات!! انا والله مابي اني اخرب امبينكم او شي!! بس هذا افضل حل ش حقه تضايقين عمرج!! وكله تسألين عنهم وهم مايردون عليج!! لو فعلا يحبونج مثل ماتحبينهم كانوا ماسووا هالشي!! وحده من رفيجات اختي.. كل يوم لازم ادق عليها!! واحيانا ادق مرتين وثلاث!! واختي ماتقول شي!! يمكن مثلا مره او شي.. اتسوي عمرها راقده!! لكن مره او مرتين بالكثير لكن مو كل ماالبنت ادج ماترد ولا تقول قولولها راقده!! وانتي حاولي انج تتخلصين من هالطبع.. لان مو كل الناس الي تتقبل ان حد يدق عليها كل شوي.!! والله يووفقج ان شاءالله وييسر لج الحال
حساافه جان زين انتي رفيجتي والله ما افرط فيج بس تبين نصيحتي دقي عليهم كل بين فتره وفتره اسألي عنهم وعن صحتهم ولا طولين معاهم قوليلهم انا اخليكم اللحين مشغوله او بطلع مع امي او خواتي ونيحه من اخت لاختها اذا حسيتي نفسج متضايقه اقري القرأن لو جزء واحد راح ترتاحين وكل جمعه ارسلي مسجات دينيه فيها دعاء لرفيجاتج واحتسبي الاجر عند ربج وان شاءالله ربي يبعد عنج الهم والحزن
هلا اختي . . . لا تثقلين عليهم بالاتصالات اتصلي فيهم بين فترة وفترة . . . الناس مشاغل وتلاهي يعني ماتدرين عن ظروفهم . . . ويمكن انتي من النوع اللي تتصلين باليوم أكثر من مرة إذا طبعج جذي غيره وطنشي واشغلي نفسج بامور أهم من سوالفج وياهم في التلفون . . . وع فكرة صعب في هالزمن تلاقين رفيجه صادقة وع قلبج يعني لاتعبين نفسج وياهم . . .
ليش ما تشوفين نفسك يمكن فيه حاجه تضايقهم منك اوانو اطباعك وحركات غير عنهم ولا تنسجمين معهاهم واجهيهم اختي قولي ليش تعاملوني كذا وخليهم يصارحونك بالي ينفرهم منك اتمنى اني ساعدتك
واللة يالغاليتى الدنيا ماوقفت على الرفيجات انا شخصيا ماعندى اي رفيجة عندى معارف وايد وايد بس صديقة ماعندى لانى انقرصت وايد منهم فقررت ابقى على هالوضح وايد اريح اما معارف ماتخيلين شكثر نصيحة لاتقولين ماتقدرين تعيشين بدون رفيجاتج اهم عايشين بدونج واللى مايبيج لاتبينة انشغلى بش احسن اطلعى استانسي راح يرجعون اهم لج بس نصيحة خليها سلام وبس انتى بعدج صغيرة والدنيا جدامج لاتربطين حياتج باحد خلي لنفسج وبس لاتقولين انانية بس ادنيا يهالوقت ماتبي انسانة طيبة واتمنى تفهمينى بدون زعل وتقبلين براي بصدر رحب
على فكرة صعب في هالزمن تلاقين رفيجه صادقة وع قلبج يعني لاتعبين نفسج وياهم . . اي الكل جرحه على قده خليها على الله انا واااااااايد انجرحت وانصدمت بريفيجتي وتركتها وكان وايد صعب علي هالشي بس احسن عموما الله يسهلج يا قلبي
حاولي تبتكرين شي يلهي فراغك ويخفف علي ربعك الضغط عليهم من صوبج ... الصداقه شي حلو وجميل بس ساعات الأنسان عنده ظروف تجبره يبتعد عنج شويه ولاتكونين حساسه وايد وحب الربع اللي تتمتعين فيه شي جميل ورائع .
السلام عليكم بالعكس حبوبه هذا الشي الي افتقدناااه في هذا الزمن الواحد مايسال عن اهله ويزاج الله خير تسالين عن صديقاتج خلاص لا تتصلين فيهم وايد حاولي ف الاسبوع مرررره انا كانت عندي صديقه وايد مأذتني بتصالاتها والله كنت مارد ع مكالماتها ومحد نفعني غيرها والله حسيت فيها هي الوحيده الي تفهم وتحس والحين انا كل دقيقه اكلمها وتحياتي لج
سبحان الله أنتي مثلي ...أنا دايم أسئل وما أستغنى عنهم ..لكن هم ولا يسئلون ساعات أفكر أن ةما عندي كرامه؟؟؟
