قوه خواتي شلونكم شخباركم شلون النفاس والي ينطرون الولاده والحوامل الي توهم ؟ ابي منكم شغله منو تعرف شنوينزل راس البيبي بالحوض لاني دشيت العاشر وتقولي الدكتوره الراس تحت بس مونازل بالحوض !ويصير يسكر الرحم بعد ماكان فاتح ؟ ادري دوختكم بأسألتي بس والله حدي خايفه وابي اذا الدكتور سوى توسعه جم اكثر شي يتوسع عنق الرحم ومنو مرت بهالتجربه ؟عفيه لاتبخلون علي بالردود والله حدي خايفه من العمليه واحاتي لاني طوفت موعدي وحجي دكتورتي شوي خرعني لاني حسيته متناقض شوي كأنها بس بتدخلني مع ان الكل يمدحها وبالبدايه كانت حجيها واقعي معاي ومعقول وتحسونها ناصحه من قلب عالعموم اهي البلغاريه تسفيتانا الي بعرف الي مجربتها تقولي الله يجزاكم خير ويسهل علي وعليكم
الله يسهل عليج يا رب ان شاءالله البنات يفيدونج بس انا برايي لو تروحين اي دكتور ثاني وتشوفين كلامه نفسها عشان تتطمنين وتتاكدين اكثر
السلام عليكم وكل عام وانتي بخير وعيدج مبارك اختي انا والدة عند تسفيتانا خوش دكتورة وفاهمة وعموما التساهيل من الله بس والله دخلت العرف ولدة بسرعة بعد اسبوع من العذاب الله لا يوريج بمستشفى الجهراء
الجنيه /ريان /ام المها حبايبي يعطيكم العافيه على المرور والدعا ريان انا ماعندي مشكله اروح دكتور ثاني بس عارفه انتي الحين الكل يقولي صبري نطري ندري ثقيله ومليتي ومن هالسوالف اكيد مارعليج ام المها طمنتيني بس انتي متى ولدتي وانتي جم لج رحتيلها فيج طلوق ولا ولدتي بصناعي ياليت تفيدني جزاج الله خير
هلا حبيبتي تبين راس البيبي ينزل بالحوض امشي على تراب البحر ايه يصير تسوين توسعه اقل شي 4سانتي وحتى لو فتحته لج سانتين بعدها بجم يوم او من 2يوم بيفتح زياده اذا سانتي فاتح بس عادي يرد يسكروكلام الدكتوره صح لانج طفتي موعدج ودشيتي العاشر لازم تخاف عليج وعالبيي لان موزين يقعد اكثر من جذي اكلي اناناس طبيعي وشربي عصير اناناس شغلي سورة مريم عندج وايد زينه وادعي ربج واحنا ماراح ننساج بالدعاء
مشكورين خواتي عالاهتمام ماقصرتوا وآهات حبيبتي شيكي على تجمع النفاس والله ماعندي مانع امشي موبس على تراب البحر ههههه بس الي عندي الله يهديه كسول يطلع عيوني على مايوديني المشاة الي عند بيتنا موعاد البحررر ومشكورين الله لايحرمني منكم على الدعا يارب يستجيب منكم ويفرج همكم
ام المها جزاج الله خير بس تدرون شنو مشكلتي مره تقولي فاتح 2ونص اروح المراجعه الي وراها تقولي واحد واحد ونص انهبلت بعدين انتي كان معاج ألم طلق يوم رحتي ولا بس جذي عالحسبه والله حدي متوتره ووترت حتى الي حولي الله يسهل وتروح سوالف ان شالله
انتي للحين ؟؟؟؟؟؟؟ لووووووووووووووووووووول خلاص يا عمري روحي المستشفى خل يولدونج ترا مو زين وايد طولتي ديري بالج والله مو زين روحي اولدي وافتكي من التفكير انا حاسه فيج كنت بمثل وضعج طولت ودشيت العاشر والتفكير يذبح توكلي على الله وروحي اولدي احسن لج والله
ام جروح ابي انصحج نصيحة اخت اختي راح اقولج خطوات اتبعيها قبل تسوين توسعه اخاف تسوين التوسعه ينكب ماي الجنين والجنين مونازل وتتعسر ولادتج او تكون قيصري لا سمح الله. شوفي اول شغلة تسوينها روحي لدكتور ثاني شيكي على وضع الجنين والماي اذا تطمنتي عليهم سوي اللي اقولج عليه اولا : تكرمين حاولي تروحين الحمام 6 او 7 مرات كانج بتتبرزين ولما تشدين وتتعصرين راح تساعدين راس الجنين ينزل وبراسه راح يفتح العنق وكرري العملية يوميا لمدة 5 ايام ثانيا: كثري من المشي السريع لمده ساعه ويكون بعد ممارسة الجماع خلال الخمس ايام هذي ثالثا: بعد ال5 ايام هذي سوي التوسعه( والتوسعه ما تزيد عن 2 سم بس ) وبعد التوسعه مباشره ردي البيت ونامي مع زوجج وبعد ما تخلصين من الجماع امشي ساعتين وانشالله يومتها اوثاني يوم بتولدين بسهاله وطبيعي. وبخصوص انج مطوفه شهرج هذا الكلام مو صحيح يا انج مو حاسبه صح او كانت دورتج مو منتظمه او حامل باخر الشهر صدقيني لا تستعجلين على نفسج انا ما بي اخرعج بس احتمال اذا دخلتي ولادة والجنين مونازل تصير ولادتج قيصرية لا سمح الله وصدقيني اذا نطرتي وخليتي نفسج على طلق الرحمن راح تسهل ولادتج وترى ما كومقارنه بين طلق رب العالمين والطلق الصناعي الاخير حيل يذبح انا عن تجربتي بقولج انا في ولادتي في بنتي الثانيه كان موعد ولادتي وانتهاء الشهر التاسع 5 / 7 وقالي الدكتور بعد اسبوع ولادتج لانج طلعتي من التاسع صرتي بالعاشر والجنين ما يصير يطول راح يشرب الماي والجنين مونازل ولازم نعطيج طلق صناعي , وطنشت كلامه بس كل اربع ايام اتطمن على بنتي واطلع وما اهتم لكلامهم لان الطلق نعمه من رب العالمين والوحده ما تستعجل على نفسها وبالاخر ولدت بتاريخ 24 / 7 بعد ما جاني طلق رب العالمين وصارت اسهل ولادة والحمدلله بعد بنتي هذي وتجربتي فيها صرت انطر على نفسي فوق التاسع احيانا بعشرين يوم والله ( على كلامهم التاسع بس اكيد حسبتهم غلط). وشكرااا
ما شاء الله عليج ام توائم كلامج وايد يطمن الله يجزاج خير~~~ وان شاء الله يارب تسهل على كل وحده على ويه ولاده##
